دلوقتى لو فيه حد عاوز يغير فردة كاوتش واحدة بس ده ممكن ولا لازم يغير جوز على الأقل ؟
هل ممكن يغير الماركة ولا لازم الفردة الجديدة تكون نفس ماركة الباقيين ؟
ولو تم شراء فردة واحدة جديدة أين يفضل أن توضع ؟
مع الشكر سلفا على ردودكم
عرض للطباعة
دلوقتى لو فيه حد عاوز يغير فردة كاوتش واحدة بس ده ممكن ولا لازم يغير جوز على الأقل ؟
هل ممكن يغير الماركة ولا لازم الفردة الجديدة تكون نفس ماركة الباقيين ؟
ولو تم شراء فردة واحدة جديدة أين يفضل أن توضع ؟
مع الشكر سلفا على ردودكم
معلش كمان سؤال :
هو الفردة الجديدة بييجى معاها بلف مثلا أو كاوتش داخلى ولا هى بس بتبقى الفردة اللى فيها النقشة ؟
لا فردة جديدة بتجي من غير حاجه اتاكد بس من تاريخ صنعها للاحسن تكون متخزنه بس فى اولاد بيومي قلهم غيرو لي بلف بجديد عادي مش هيقول لك حاجه وهغيروو عادي ويفضل جديد
ودة موضوع لاكسيل عن كاوتش
تعالوا نعرف ازاي نفسر رموز الكاوتش
ومبروك مقدماا ياباشاا وتحياتى
ألف شكر على الرد يا لورد
بس ممكن تشرح لى أكتر الحتة بتاعت وضع الكاوتش الجديد فى الأمام ( أحب أوضح إن الفردة اللى حتتغير هى يمين ورا) مع العلم إن الإتنين اللى قدام لسه جداد وتاريخهم يونيو 2010 .
الشكر لله ياباشا
بخصوص وضع اللى حضرتك بتقول عليه دة
يبقى انت هتجيب فردة اللى امام سواق هتحطها مكان فردة الخلفيه اليمين اللى هتتغير تمام كدة
نجيب بقا فى امام
فردة اللى ركبه عندك دي هتفكها وتركبها ناحيه السواق...؟
وجديدة تركبها نحيه تانيه تمام كدة يبقى انت كدة بدلت الامكان علشت حروف الكاوتش عملته عمليه اكس بمعنى اصح ((: وصلت ولا لسه
مع احترامي لكلام اللورد بس الأفضل تحط فردتين مع بعض لسبب بسيط يكون عمرهم زي بعض
متبقاش ماشي بالعربية زي ما بيقولوا أعرج تجيب اتنين جداد تحطهم قدام و اللي قدام تستنضف منهم 3 اتنين ورا و واحدة استبن
و مش مهم الماركة المهم يكونوا الاتنين نفس النقشة و الماركة و لما الحبشتكنات تتظبط تكمل باقي الطقم و اللي قدام يرجعوا ورا و الجداد قدام برده :)
الكاوتش بيجي كاوتش و مغلف او عليه الاستيكر بتاعه و المفروض بيحطولك بلف جديد من عندهم يعني انت بتدفع تمن العجل و البلوف و التركيب و التغيير و النفخ لو عندهم نيتروجين عليهم
و التركيب زي ما لورد قالك
و اقرأ الموضوع اللي لورد حاطه بتاع رموز الكاوتش عشان محدش يضحك عليك و تجيب تاريخ الانتاج حديث ميقلش عن 2012 دلوقتي
لا واحب اقول حاجه
خطأ انك تحط فردة جديده خالص قدام مع احترامي لعدول
لان ارتفاع النقشه مختلف وبالتالي هيحصل رجه في الطاره بعد ال80 غير ان العربية هتحدف ناحية الفردة الاقدم
والموضوع ملوش دعوة بالترصيص والرجه دي والحدفه مش هتختفي لو قعدت تتنطط على ودانك!!!
وطبعا بأيد كلام عمرو في ان التغيير يكون لفردتين عالاقل عشان تتفادى جميع المشاكل اللي من النوع ده
وطبعا مفروق منه انك لو هتغير المقاس لازم تغير ال4...
تحياتي
والله ما أنا عارف أشكركم إزاى يا جماعة
هو الكاوتش فى العربية كالآتى :
فردتين قدام ودول تاريخ إنتاجهم يونيو 2010 والعربية مشيت بيهم حوالى 2000 كيلو ، وفردتين تانيين (بتوع الفابريكا) ودول تاريخ إنتاجهم مايو 2008 والحالة العامة ليهم كويسة (بس فيهم فردة فيها انتفاخ فى حتة من الناحية الخارجية بتاعتها) والعربية مشيت بيهم 18500 كم تقريبا .
أنا بافكر أغير الفردتين بتوع الفبريكا لأن مر على تاريخ إنتاجهم دلوقتى أربع سنين بالتمام والكمال (وإحنا متفقين إن الكاوتش مش بس بعدد الكيلومترات اللى مشيها لأ وكمان بعمر الفردة بداية من تاريخ إنتاجها) صح ولا غلط ؟؟؟
فما هو رأيكم فى إنى أغير الفردتين القدام حاليا بعد ما شرحت لكم ظروف الكاوتش بتاع العربية كله ؟؟
ومازلنا نتعلم ونستفيد وكل يوم معلومه جديدة يسلمو يا رجاله
عذرا اذا كان فى معلومه خطا وللاكن للاسف معلومات واخدها مفروض من محل له اسم
ومشلغ عندة صنعيه محترفه زي غطاطي وبيومي...؟ فا الله مستعان
مافيش مشكلة كلنا بنتعلم واللى عنده معلومة ولو فى أى مجال حتى بيديها للتانى وهو ده الهدف من التواصل والتعارف إننا نساعد بعضينا ونتعلم من بعض