الموضوع: مصاريف تسجيل شقة في الشهر العقاري

متابع واعرف ان ممكن تستغني عن الموضوع ده بعمل صحة توقيع وبيبقي ارخص كتيير

المشاركة الأصلية كتبت بواسطة shaddadfalcon1

متابع واعرف ان ممكن تستغني عن الموضوع ده بعمل صحة توقيع وبيبقي ارخص كتيير

صحه التوقيع لا تغني عن تسجيل الشقة لكن هي احسن من مفيش طبعا

المشاركة الأصلية كتبت بواسطة tananybasha

حسب هل سبق تسجيل شقه فى العقار اما لا
لأن اغلى تسجيل بيكون تسجيل اول شقه
رفع مساحى
و ملكية مسجله
و تسلسلها
اصل بعد ما دخلت فى الحوار ده
رجعت فى كلامى لما لاقتنى اول شقه هتسجل و هاصرف بتاع 15000 جنيه

لا مش عارف فيه حد في العقار سجل شقة او لا - لكن اول مالك هو اللي بايع لي فبتهيالي هيكون التسلسل سهل

السلام عليكم ورحمه الله
يوجد نوعان من التسجيل
الاول تسجيل رضائى يعنى تروح تسجل مباشره فى الشهر العقارى انت والبائع شخصيا او معك توكيل من البائع بالتسجيل لك.

ثانيا هناك نوع اخر من التسجيل يتم عن طريق المحكمه اسمه صحه ونفاذ - وبعد ذلك يتم تسجيل الحكم فى الشهر العقارى ( لابد ان تاخذ بالك بانك لابد ان تكون مخلص كل الاجراءات والاوراق علشان تاخذ حكم الصحه والنفاذ فى اول جلسه اكرر اول جلسه لانك اذا تم التاجيل الى جلسه ثانيه سوف تدفع 7.5% للمحكمه من قيمه الشقه المدونه فى العقد.

عند اختيارك لاى من الطرق السابقه لابد اولا من ان تعمل كشف تحديد مساحى للشقه ويتم مراجعته بالشهر العقارى وتعمل اشهار لعريضه الدعوى بالشهر العقارى

ناتى على المصاريف متوسط تكلفه المحامى من 2000 - 4000 جنيها حسب اتفاقك بخلاف مصاريفه

اكراميات ورشاوى تعادل 100% من الرسوم الرسميه.

الافضل لك والاسهل تذهب الى الشهر العقارى المختص بشقتك وتتعرف على اى موظف وتقول وتفتح حديث عن التسجيل وفى الاخر تقول له ماتعرفش محامى كويس - فبالتالى يدلك على واحد يثق فيه من طرفه ويسهل لك التسجيل

مبدئيا تسجيل الشقه يحتاج من 3 شهور وانت طالع

المشاركة الأصلية كتبت بواسطة hn_kamal

التسجيل الرضائى امام الشهر العقارى (من خلال التجربة الشخصية) لتسجيل عدد 7 شقق : 1- اتعاب المحامى 1500 الى 2000 جنيه 2- رسوم نقابة المحامين = 5 فى الالف من سعر الشقة 3- رسوم الشهر العقارى 1300 جنيه تقريبا للمساحة فوق 100م2 واقل من 200م2 4- اكراميات = 300 جنيه تقريبا

ما معني التسجيل الرضائي ؟

المشاركة الأصلية كتبت بواسطة mi22do

ما معني التسجيل الرضائي ؟

التسجيل الرضائى - اى ان يتم تسجيل واشهار عقد البيع بموافقه وعدم ممانعه البائع امام الشهر العقارى مباشره