بخصوص زيت الفتيس للسيراتو استشارة عاجلة

**ls1090** · 05-06-2012 06:12 PM

عندك 3 انواع الافضل بالترتيب
1-hyundai atf spIV الكيلو ب 90ج من توكيل كيا من ابورواش او روكسى
2- liqui moly atf top tec 1200 الكيلو ب 80 ج عامل اعلان فى المنتدى
3-valvoline atf max life الكيلو ب 75 عامل اعلان فى المنتدى
العربية بتاخذ 2.7 هتجيب 3 كيلو وتحت 2.5 وتدور العربية وتستنى 10 دقائق وتقيس الزيت على n وتشوف على hot لو هتزود لازم تبطل وبعد كدا دور وحرك الفتيس من p الى d والوضع المنيوال وبعد كدا على n وقيس واوعى تيقيس والعربية معشقة على r او d القياس بيطلع مش مظبوت

**Ahmod** · 05-06-2012 06:40 PM

المشاركة الأصلية كتبت بواسطة Ahmod

انا عديت على الراجل النهارده

مركز خدمة تويوتا اجيبت في شارع السودان بص على الزيت قالي هو ناقص شوية بس مش محتاج يتغير

قلتله في الكتالوج مكتوب بيتغير عند 40 الف او 24 شهر !! لانه بيفقد خواصه

بص للزيت كدة ومسحه بايده وقالي انا من مصلحتي اني اغيرهولك عشان اخد فلوس ولو عايز تغيره انا ماعنديش مشكلة

بس انا بنصحك للامانة مش محتاج يتغير وراح موريني حاجة بصراحة صعقت لما شفتها !!

مقياس الزيت نفسه مكتوب عليه بالبوند العريض

ATF ( Automatic transmission fluid) NO need for change or replace under normal driving conditions !!! when changing back to user manual

!!! قالي شفت انا ماليش دعوة بكلام الكتالولج لانه بيتكلم على كذا محرك وممكن يكون قصده على فئة تانية او ماتور تاني لكن انا ليا باللى شايفه قدام عيني اهو قدامك مكتوب انه مش محتاج يتغير نهائيا !!

قلتله بس انا سواقتي مش Normal ! قالي ازاي ؟ قلتله يعني علطول ماشي حارق وعلى سرعات عالية ! قالي ماهو عشان الناس اللى سواقتها كدة بنغيرلهلهم على 80 الف او قبل كدة شوية لكن 40 الف دي صعبة اوي !! لكن عموما لو عايز نغيرهولك تحت امرك

قلتله بكام ! ؟ قالي الزيت تقريبا في حدود 300 جنيه العلبة ومصنعية تغيير وتنضيف ممكن تدخلها في 150 جنيه تقريبا يعني القصة كلها هتبقى بتتكلم في رنج 500 جنيه بالضريبة والدمغات !!

اول ماقالي 150 جنيه مصنعية تغيير الزيت !!! قلتله طيب متشكر ليك وسبته ومشيت

سالت عند موزع تويوتا معتمد تاني قالي نفس الكلام وانه بيتغير عند 80 الف !!

فكدة فيه تناقض مابين المكتوب في الكتالوج ومابين المكتوب على مقياس الزيت في العربية !! ؟ الكتالوج بيقول غيره وعلى المقياس مكتوب ماتغيرهوش

الواحد بس لولا انه عارف ان غالبا زيت الفبريكا بيبقى لا يعوض واحسن من الزيوت الموجودة في السوق حاليا حتى لو جبت نفسه !! كنت غيرته وقلت مش هخسر حاجة

لكن الخوف بس بعد مالواحد يغيره يقول ياريتني ماغيرته وهتبقى مصاريف على الفاضي !!

ايه رايكم يا جماعة ؟؟؟

**ابو ليلى** · 05-06-2012 07:34 PM

[QUOTE=mastr_n;3874355165]

المشاركة الأصلية كتبت بواسطة ابو ليلى

اخطر شى زيت الفتيس لانه روح العربية اوعى تهمل فيه نهائى المبلغ مش كبير
الموضوع ده فيه الاجابة على كل اسئلتك

http://www.nilemotors.net/Nile/287446-a.html[/QUOTE

الاستاذ ابو ليلى المحترم حضرتك الانواع الى فى التقرير دية والمواصفات دية اقدر اشتريها منين؟

لأن معظم محلات تغير الزيوت متوفر فيها موبيل atf 330 هل النوع دة كويس ؟

ياربت تدلينى الاقيهم فين خصوصا لزيت الفتيس انا عايز ATF SP- 111

محمد رشدى ( ls1090 ) خبير الزيت فى المنتدى وهو اعلم منى بكتير فيه
ورده شافى ووافى