حبيت اتكلم فى موضوع افيد بي الاعضاء الجدد في عالم الدراجات النارية ويساعد كتير من المبتدئين فى تقليل نسبة الحوادث و اللى هيا مفيش حد الا و اتلدع منها هتكلم على كام نقطة تحطهم فى اعتبارك و انت بتسوق و كل واحد و خبرتة عامة و مهارتة و طبعا المهارة فوق كل شى
1- دايما تسوق شمال علشان ممكن حد يشيلك من الجنب لو طالع بسرعة من حارة تمشى يمين فى طريق واقف او لو هتحود
2- اياك تمشى جنب تاكسى واقف علشان مش دايما اللى بيفتح باب التاكسى من الشمال بيبص على اللى جاى من ورا
3-لو بالليل تنور عالى قبل ما تدخل التقاطع و تطفية وقت ما تاخد طريقك
4-تدى كلاكس فى التقاطعات بالنهار علشان اللى جاى يسمعك
5- لو بتلف فى منعطف لف على الضيق لو انت ماشى بطىء علشان العربية هتبقى واخدة الواسع اكيد و علشان تفادى اى حد جى سريع و لو كنت ماشى بسرعة لف فى منتصف الملف و استخدم فرامل الايد بس على شرط متكونش مايل اوى
6- لو عايز تعدى عربية ماشية طلقة و خايف لتشيلك عديها بعد المطب علشان غالبا العربية هتهدى فوق المطب بس متلفش فوق المطب نفسة
7- شغل الرعاش او النور الواطى فى طريق اتجاهين علشان اللى قدامك ميعمكش تقوم تلبس فى حفرة ولا حاجة
8-اياك تسابق مع عربية و تمشى وراها علشان ممكن يلبسك فى صندوق ذبالة يطلع فى وشك مرة واحدة و لو ماشى بطى تمشى ورا الفردة بتاعة الكاوتش فى العربية علشان العربيات بتاخد البلاعات من النص و تسيب مسافة محترمة بينك و بينة
9- متمشيش جنب عربية و انت سايق فى منطقة برك علشان ميغرقكش (لسة واخد دش امبارح بسبب تاكسى ) فى الشارع
10-متجريش فى منعطف واسع الا لو معاك كاوتش ورانى عريض او محترف و ثابت علشان اى مطب هوا ممكن يقلبك
11-متجريش سريع فى مكان فى هوا جامد من اليمين او الشمال علشان ممكن يقلب العجلة الورانية زى اللعبة
12-خليك حذر و انت ماشى فوق رمل ابيض ناعم او ظلط
13-لو نازل من مطلع متبقاش دايس جامد على الفرامل خلى رجلك على سبيل التهدية بحيث تكون على سرعة التانى
14- لو شارع فية مية بس مستوى منخفض متستخدمش الا التهدية عن طريق الدبرياج و م تسيب ايد من الكلتش و فرامل قدام للتهدية دا لو فى مسافة كبيرة لو مسافة صغيرة و عايز تهدى استخدم لمة التروس من غير دبرياج و فرامل قدام وورا بالراحة
15-خلى مسافة بينك و بين اللى قدامك على الاقل 3 م
16- المرايات عينك و استخدام الاشارات ضرورى حتى لو مش هتحود لو هتمسك يمين او شمال بس
17 - لو هتدخل منعطف قبل المنعطف ب 20 م تكون واخد حارتة و اياك تقص الشارع بالعرض لو هتحود الا لو مقطوع
18-لو ماشى فى شارع فى عيال تمشى على التانى بس و تبقى واخد بالك علشان فية غيال اغبية ممكن يمشوا بضهرهم
19- لو هتحود فى منعطف داخل لشارع اتجاة واحد بص على الاتجاهين علشان فى ناس بتستغبى تمشى و مخالف و الغباوة اللى اكتر من كدا يمشوا مخالف من غير ميدوا كلاكسات او نور
20-متمشيش ورا واحدة ست سايقة علشان اغلبيتهم مبيفهموش فى السواقة او تمناية او كارتة او مشروع واحد يقولة على جنب هتلاقية كسر عليك لبسك
21-اهم نقطة لو هتكسر اى قاعدة من دول لازم تكون عارف حدودك مش ثقة زيادة عن اللزوم علشان الغلطة بفورة(اخطاء الاخرين قد تفوق مهارتك) بس مش دايما و ربنا يسترها مع الكل
منقول للافادة الاعضاء الكرام تحياتي