اولا : ماشي ممكن السنة دي بس لما نشوف السنة دي بعد ال 500 مانزلت
ثانيا : معلشان كدة عربيتك نطت ... الونش اشتكي XD
ثالثا : انا جبتلك الكبير !
http://upload.wikimedia.org/wikipedi...Marchionne.jpg
سرجيو ماركوني نفسه !
عرض للطباعة
اولا : ماشي ممكن السنة دي بس لما نشوف السنة دي بعد ال 500 مانزلت
ثانيا : معلشان كدة عربيتك نطت ... الونش اشتكي XD
ثالثا : انا جبتلك الكبير !
http://upload.wikimedia.org/wikipedi...Marchionne.jpg
سرجيو ماركوني نفسه !
ana m3ak ya karim enta w hazim
:wheelchair::wheelchair::scooter::scooter::scooter ::scooter::scooter::scooter:
بالمناسبة يا جماعة اعرفكم ببرو درايف
واحد من الناس اللي رأيهم في بيجو انها ،،
Pull Shit
فعلا البونتو معروفه بقله مشاكلها واعتماديتها ..... و موتورها " الناعم " و وتوافر قطع غيارها من التركى : الايطالى .
:) بالمناسبه صحيح ! حاجه مش ظريفه لما اجيب عربيه ب 100 الف جنيه " زيرو " كل يوم بليل الانزار يشتغل لوحديه ؟؟؟ :confused4: للاسف ده واحد جارى فعلا عربيته بليل الانذار بيشتغل لوحديه و كل شويه يطلع البلكونه يفصله !!!! اعتقد ده شى كويس :) !!! اوبشن ان فيها ريموت كنترول .
على فكره انا عندى 131 موديل 79 و بأمانه ربنا الميه مابتنقص نهائى .... يعنى ممكن مثلا كل شهر ازود القربع بتاع 200 ميلى يعنى تقريبا كوبايه ميه .... مع العلم انى بمشى بيها شهريا حوالى 1400 كيلو .
الميه بتنقص , العربيه بتسخن يعنى فيه عيب ولازم يتصلح , اتصلح مش حتسخن .
الحقيقه انا عندى اجيب سينا الصينى "احسن من انى اركب الفيرنا , او الانوس .
-----------------------------
حاجه اخيرا .... يا جماعه انتم بتتكلمو عن شركه " فيات " الى بتصنع سيارات من 110 سنه .... متخيلين الرقم ؟؟؟؟
مش معنى انى مابحبش فيات .. تبقى فيات بتصنع صناديق قمامه .
يعنى انا مثلا مابحبش بورش وميرسيدس ... هل اجرؤ انى اقول انهم وحشين ؟ اكيد مستحيل لانهم ماركات معروفه ومعروف انهم من احسن صانعين السيارات على مستوى العالم .
:) و بعدين مش كل مانفض خناقه مابين عصابه فيات وسيات , تيجو تشعلو الفتنه :yes:
تعليق بسيط على نقطة ذكرها الأستاذ سيات لافر :
"
اقتباس:
أرسل أصلا بواسطة Seatlover مشاهدة المشاركات
والهيونداى اللى مش عاجبة حضرتك اثبتت نفسها هنا قبل برة
وكفاية ان مشاكلها بتنحصر فى كاسيت بيعلق و سنتر بيقفل لوحدة "
من شهرين بس, واحد صحبى كان بيعمل عمرة لعربية هيونداى اكسل و هى عاملة 130 الف فقط!!!
مع التنويه انو مش من هواة القرص و لا الجرى, و السيارة كانت مع أبيه و هو استلمها من سنة بس, ده غير انو العربية متغيرلها اسطوانة عند 90 ألف.
بالذمة دى عربية؟!! و تقولى سنتر و كاسيت؟!!!
أنا كان معايا 128, بعتها عند 200 الف, و مكنش فيه ذرة هبو زيت بتطلع من الموتور!
و مش متغيرلها اسطوانة, و على فكرة مكنتش بتسخن الا لما فيوز المروحة يضرب, لأن الولاعة كانت بايظة, و متركبة مع فيوز المروحة.
دايهاتسو ايه بس الى بتتكلم عليها, و هيونداى ايه و سيات ايه, بتقارنهم مع مؤسسة تضم ماركتين رياضيتين الأغلى و الأشهر فى العالم؟! و شركة لصناعة التقنيات المتقدمة اسمها ماجنيتى ماريللى؟
فيات شركة مطورة للتقنيات و الأبحاث, أما هيونداى و دايهاتسو فشركتين تعيش على قوت الأخرين.
و سمعة فيات و لانسيا الرياضية لا تضاهى, و هى السيارات الوحيدة فى العالم التى تجمع بين الطابع المدنى و الأداء الرياضى المتفوق, و رائدة فى تطوير التقنيات المبتكرة التى تحسن من أداء السيارة.
شكرا لكل من السادة الأفاضل
حبيبنا الكبير ........... حازم خضر الجميل
ملك البيجو ........... حبيبي ......... هاني فلاير
استاذ و حبيب الفيات .............. المهندس فادي
العسل محمد ابيزا
و الأستاذ مُهاب على التوضيح مشكور
و حبيبي الأستاذ سيات لافر .... أو عاشق السيات كما أحب أن أطلق عليه بالعربية
أولا يا أستاذ سيات لافر ............ الفيات مش بيسخن زي ما أنت بتقول
الفيات اللي بيسخن هو 128 أو 127 .... 124 أو 125 و بعض موديلات الفيات من السيينا فقط
هاتلي موديل تاني بيسخن ؟؟
البونتو عمرها ما سخنت .................. التبمرا مش بتسخن
و على فكرة أنا بس عايز أضيف حاجة
فيات شركة كبيرة و لديها تنوع كبير جدا و موديلات كثيرة جدا و التنوع ده كبير و بالتالي بتلاقي حاجات مش موجودة في ماركات تانية
يبقى لما يكون فيه تنوع كبير من فيات بالطريقة دي و يطلع منهم كام عربية تصميم الستينيات و السبعينيات بتسخن
يبقى المفروض نكون عادلين و منقولش على الماركة كلها بتسخن ...........
131 .......... 132 ........ ريجاتا .......... شاهين .......... دوجان .......... بونتو ......... أونو ............ تمبرا ......... تيبو ........... برافو ........... باندا .........
حد يقولي أي عربية من دول بتسخن ؟؟؟؟؟؟؟؟؟؟؟؟؟؟؟؟
حيث أني مجرب الآتي تجربة شخصية
131 .......... 132 ........... شاهين .......... ريجاتا ........... بونتو ..........
و الباقي مع أقرباء أو أصحاب ........... و محدش بيشتكي نهائي من موضوع السخونة خالص في الموديلات دي
----------------------------------------------------------
بالنسبة لنقطة الثبات
أي عربية صغيرة مثل البونتو كلاسيك ...... بولو ....ابيزا القديم ...... سيريون ........ نيسان ميكرا ..........
العربيات اللي فاتت ثباتها ضعيف
طيب يعني أيه ثبات ضعيف ؟؟؟؟
يعني أنا لما بقول إن البونتو بعد 110 ثباتها ضعيف مش معنى الكلام أنها هاتطير بس أنا بقارن ثبات عربية صغيرة زي البونتو أو الإبيزا أو الميكرا ( لأن دول أنا أتملكتهم من قبل )
يبقى بقارن ثبات دول بثبات عربية ثابته زي الجين 2 مثلا أو البيجو 504 أو 505
الفرق بيتحس جامد لما تكون راكب في بونتو أو أبيزا و تنزل تركب عربية ثابتة على الأرض
أرجوا أنكم تكونوا فهمتم أنا أقصد أيه :)
و ده مش عيب في العربيات اللي فاتت علشان هي أساسا عربيات مدن و ليست سيارات للسفر الطويل
زي الياريس و السيتي ... مثلا .......... دي سيارات مدن بالأساس
و على فكرة البونتو و الإبيزا ثبات واحد و عن تجربة إمتلاك
أما الجراند فثباتها أعلى من البونتو
أستاذ محمد ابيزا
قولي بتحس بأيه لما تكون راكب ابيزا و تنزل تركب مرسيدس و تمشي على سرعة 120 مثلا ؟؟؟؟؟؟؟
--------------------------------------------------------------------------
بالنسبة لموضوع الصناعة الألماني
يا جماعة ألمانيا اللي هي ألمانيا ........... هي ثلاثة شركات بس
مرسيدس .......... بي إم ............ أودي
أما فولكس ............ و أوبل
فهما في مستوى الشركات الأوروبية الأخرى و بل و تتفوق عليهم بعض الشركات الأخرى
يعني مثلا فولفو أحسن من الشركتين دول ........... بيجو بتنتج منتجات رائعة و لديها ما هو أفضل منهم ...........
هما بس حظهم الحلو أن وجودهم في ألمانيا و لكنهم مستوى أخر من الألماني ( مستوى ليس قليل ) و لكنه ليس الذي نطلق عليه المقولة المصرية
"دي ألماني "
و الله يا جماعة لو تسمعوا الكلام اللي بيتقال على الشركتين دول في أوروبا هاتعرفوا أنا بتكلم على أيه ؟؟؟؟
طيب انا هاوضح أكتر
السوق البريطاني و الفرنسي
فولكس نزل منها موديل من البولو و كان فيه عيب في الدهان
و الدهان كان بيقشر من أول 6 شهور ........... و تم استرجاع سيارات كثيرة
و الدهان أيضا كان ضعيف جدا و بيصدي بسرعة
هل الكلام ده يطلع من مرسيدس أو بي إم ؟؟؟
فحرام نقول على عربية ب 50 ألف أو حتى 100 ألف جنيه و نقارنها بالماني و نقول دي ألماني لمجرد صنعها في ألمانيا
أه هي مصنوعة في ألمانيا و لكنها ليست الألماني المقصود به الكلام
كل عربية و لها سعر و كل سعر و له جودة
اللي عمل إسم ألمانيا في صناعة السيارات
ليس فولكس ............. و ليس أوبل
اللي صنع أسم ألمانيا في مصر و في العالم كله
هما عربيتين بالأخص
مرسيدس ....................... و بي إم .......... و جاءت بعدهم أودي
هي دي الثلاثة ماركات اللي خلوا الناس تقول ........ ده ألماني
-----------------------------------------
ملحوظة أخيرة
يوجد قطع غيار للبونتو من ألمانيا
و لكن أفضل قطع غيار و اغلاها سعرا هي الإيطالي ......... و ليس الألماني ..
------------------------------------
بالمناسبة أكبر مبيعات للهاتش باك كما قلت سابقا في أوروربا
هي فيات و بيجو ........... و بعدين ستروين ......... و بعدين فولكس و بعدين سيات
دلوقتى يا جماعة إحنا محتاجين نعرف برد عملى هل فعلا مواتير الفيات بتسخن فعلا كما يقال أم لا ؟
تعليق بسيط بس يا باشمهندس فادي ،،
عشان كان ليا خبرة في الموضوع ده ،،
من فترة كنت عايز اشتري عربية مستعملة ،، في حدود العشرينات ،،
و سألت واحد قريبي خبرة كبيرة في السيارات ،،
قالي لفظا دور علي اكسيل هاتشباك ،،
ليه ،،قاللي نصا ،،،،
الفيات و توابعه دي أكبر مقلب شربته مصر لمدة ثلاثين سنة
و قعد يحكيلي علي عربيته الإكسيل ، اللي فضل بيها ثلاث سنين طحن مغيرشي غير مساعد ،، و الإعجاز انها مبتسخنشي و مبيضربشي فيها البارومة و شاسيها مبيفتحشي لوحده
و فرق الإعتمادية بين الكوري في التسعينات و الفيات القديم سنوات ضوئية ،،،
أنا بحب فيات جدا بس ثقافيا أكثر ،، مش كمنتج ،،
و معنديش اي خلفية بالفيات الحديث أكيد اتحسنوا ،،
فيات عانت فى الستينات و السبعينات خصوصا من انتقادات طالت اعتمادية سياراتها, خاصة سيارات مثل ال128 و ال127, و لكن بعيدا عن ال131 و ال132.
و رغم أن هذه الانتقادات كانت فيها الكثير من المبالغة, كما أنها لم تؤثر كثيرا على مبيعات هذه السيارات, لأن تكنولوجيا هذه السيارات كانت الأفضل فى وقتها, و أداءها دائما هو الأفضل فى الفئة الاقتصادية.
بعدها قامت فيات بتطوير سياراتها لتصبح أكثر اعتمادية, و بدأت ثورة التصحيح تلك من الثمانينات, لتصل فى النهاية الى أوائل التسعينات حيث أصبحت سيارات فيات تتجاوز فى اعتماديتها بعض السيارات الأوروبية الشهيرة, فمثلا سمعة البونتو أفضل من البولو على صعيد الاعتمادية, و سمعة البرافا مثلا أفضل كثيرا من البيجو 307.
أما موضوع السخونة ده فمبالغ فيه طبعا, سيارة فيات بتسخن فقط اذا ما حدث شىء فى دورة التبريد, لكن مفيش عربية بطبيعتها بتسخن الا البيجو القديمة, و ده أول ما بيجو نزلت مصر.
باعتبارى احدى المالكين السابقين لل128 فأقدر أقولك الأتى :
- العربية سخنت منى مرتين بالعدد فى حوالى 3 سنين :
أول مرة فيوز المروحة ضرب, لأنه كان متركب مع فيوز ولاعة السجائر, و لما جيت أولع الولاعة كانت بايظة و عملت ماس, و حرقت الفيوز و توقفت مروحة الرادياتير عن العمل.
المرة التانية موتور المروحة اتحرق.
الملحوظة التانية انو عربيات فيات دورة مفتوحة, يعنى الرادياتير ليه غطا بسوسته, و الفكرة من ده هو السماح بخروج بخار المياه, و ده لأن محركات فيات مصممة للعمل على درجات حرارة مرتفعة عشان الكفاءة, يعنى بتكسب كفاءة و بتخسر بعض المليمترات من المياه كل شهر, فلازم نتذكر دائما انو فيات سيارة ايطالية, و السيارة الايطالية تقدم الأداء على كل شىء أخر حتى الاعتمادية.
لكن ده ميمنعش انو سيارات فيات معمرة جدا, فمثلا عربيات زى هيونداى أو سيريون ممكن تكون اعتمادية فى الخمس سنين الأولى فقط, لكن بعد كده بتنهار تماما و تعامل كأى سيارة 128 بقالها 30 سنة ماشية.
مثال بسيط, انظروا الى السوزوكى سويفت الأن و حالتها؟! و الاكسل؟ و حتى الأكسنت الى من التسعينات.
أما بالنسبة للشاهين, فأنا عايز اقولك انى بقالى 45 الف و معرفش غطا المحرك بيتفتح منين.
يا أستاذ أحمد, حرام تقارن بين الفيات القديم و هيونداى التسعينات,
الفيات 128 عربية تم تصميمها سنة 1969, مينفعش تقارنها مثلا بسيارة من التسعينات و تقولى بتعمل بارومة, نظرا لأن طرق الدهان اتطورت و حاليا صعب أى عربية تعمل بارومة بسبب طرق معالجة الدهان الجديدة, و على فكرة أشهر سيارة كانت بتعمل بارومة هى أودى, و لحد النهاردة سمعتها وحشة فى الموضوع ده, و لذلك بتقدم اودى 10 سنوات ضمان ضد البارومة حتى الأن للتخلص من تلك السمعة.
و لا تنسى أن معظم سيارات فيات التى وصلتنا مصنعة خارج مصنع فيات الأساسى, مثلا ال128 بداية من سنة 1989 أصبحت سيارة يوغوسلافية و ليس ايطالية.
و أعتقد ان أفضل مصنع تابع لفيات خارج ايطاليا هو توفاش التركية, الذى يقوم بصنع الشاهين و الباليو و اللينيا.
لكن ألم تسأل نفسك, ليه سعر عربية فيات 131 من السبعينات يوازى تقريبا سعر عربية هيونداى اكسل من التسعينات؟ رغم أن فرق 20 سنة كبير جدا فى عمر أى سيارة؟
ألا يدل هذا لا شىء؟
يدل على أن اعتمادية سيارة فيات بعد 30 سنة هى نفسها اعتمادية سيارة هيونداى بعد 10 سنوات على الأكثر, و ده لأن الفيات معمر أكتر.
و على فكرة مفيش عربية فيات شاسيها بيفتح غير ال128 فقط, و مفيش عربية فيات بتاكلها البارومة لو تم العناية بها جيدا.
يبقى معنى كلام حازم و فادى إن مقولة إن عربيات فيات بتسخن مقولة غير صحيحة و رأى مبنى على معلومات خاطئة
هل فيه أراء تانية فى الموضوع دا ؟؟
انا رايي عن تجارب يا احمد باشا مش فتي و خلاص
العربيات اللي راصصها فوق دي انا مجربها كلها سواء معايا او مع قرايبي
ولو كانت عربيات فيات بتسخن ماككنتش عايشه لحد انهارده
يا راجل دا معظم موديلات السبعينات مواتيرها بتاع بلادها لسه فيها يدوب بتعمر بس
لو بتسخن كانت غير اوشاش و مواتير دايما
من الاخر
البونتو
بونتو
بونتو
بونتو
بونتو
احسن عربيه
[quote=فادى;321065]
أما موضوع السخونة ده فمبالغ فيه طبعا, سيارة فيات بتسخن فقط اذا ما حدث شىء فى دورة التبريد, لكن مفيش عربية بطبيعتها بتسخن الا البيجو القديمة
quote]
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!
عامل ايه يا فادى باشا...انا ياجماعه مبحبش اشارك فى المواضيع اللى فيها شد
وجذب وكده عشان اريح دماغى..ورغم والحمد لله معرفتى تقريبا بكل كبيره وصغيره عن اغلب موديلات السيارات الا انى عمرى ما قلت رأيى الا لو ركبتها...غير كده مابتكلمش مهما كان عندى درايا بالعربيه دى
انما لما الاقى الكلام موجه للبيجو :boxing_smiley:
يبقى الساكت عن الحق شيطانا اخرس :)
انا اول مره فى حياتى....اسمع حد جوه مصر او بره مصر ..
(.علما بان ليا اختلاط بمالكى البيجو الاجانب اكتر من المصريين)....
اول مره اسمع كلمة البيجو القديم بيسخن !!!!!!!!!!!!!!!!!!!!!!!!!!!!!!!!
واسأل الناس اللى ركبت بيجو قديم بالذات من هنا فى المنتدى...واتحداك لو لقيت واحد قابل مشكله عامه فى الحراره
البيجو القديم بيسخن...تصدق وتؤمن بالله....انا كنت فى مره فى ussifogs
وواحد كان بيشتم واحد تانى بقوله
you are a cold like olds pugs هههههههههه.
.وتقوللى بتسخن ياباشا http://www.nilemotors.net/Nile/images/icons/icon10.gif
[quote=FLYINGPEUGEOT;321247]
كلا مظبوط 100% عمري ما سمعت عن بيجو بتسخن بطبيعتها لا جديد ولا قديم و العربيات البيجو القديم لو بيسخن مكانوش خدو ال 504 تاكسيات و شغالة رايح جاي زي النحلة و عمتي عندها بيجو قدييييييييييييييييييييييي ييييييمة انا مش فاكر موديل ايه الصراحة بس اللي هي شبه المرسيدس القديم اللي زي ما تكون مجنحة كده و صاحبي والده عنده بيجو 504 و بيشكر فيها جدا و مفيش اي شكاوي من الحرارة
لآ طبعا يا باشا مش بنفس السعر ،،
ال 131 بيدللوا عليها ،،
و المقارنة مش في محلها ،، لأن دي فئة و دي فئة ،،
طبيعي يعني العربيات الكبيرة تبقي اغلي في المستعمل لأنها أساسا اغلي في الزيرو
و عموما و لا يهمك
كيا برايد هاتشباك و فيات اونو ،، تسعينات
نفس الجيل نفس الفئة ،،
شوف سعر الزيرو بتاعهم كان كام
و فرق سعر المستعمل دلوقتي كام ،،
و مين اللي الناس بتدور عليه
[QUOTE=FLYINGPEUGEOT;321247]
يا باشا أبدا, على فكرة أنا بحب عربيات بيجو جدا, لكن بعد فيات طبعا:), الكلام ده كان موجود أول ما بيجو نزلت مصر, كانت فيها مشكلة انها مكنتش مجهزة للأجواء الحارة, و نجح الميكانيكية ساعتها فى تجاوز هذا العطل, لكن بيجو تلافت هذا العيب سريعا.
و بيجو سيارة مشهورة بالاعتمادية, و احنا عندنا بيجو 405, رغم انها سيارة ذات طابع عائلى مبالغ فيه(عربية عواجيزى يعنى :)), لكن مقدرش أنكر انها سيارة رائعة, ناعمة جدا, و أعطالها شبه معدومة, و قوية البنية.
ياجدعااااااااااااااااان
الموضوع عن البونتو
ايه اللي دخل الهيونداي و الفيرنا و السيريون و البيجو و الليله دي كلها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
معنديش معلومات عن الاونو و البرايد فمش هتكلم,
لكن شخصيا أفضل الأونو طبعا,
بس حرام انك تقارن بين هيونداى الشركة الناشئة التى تبيع اعتمادا على معادلة السعر فى الأساس,
و فيات التى تمتلك أشهر و أغلى شركتين فى العالم لانتاج السيارات الرياضية,
و لاحظ ايضا أن أى سيارة فيات أغلى من هيونداى فى نفس الفئة, على صعيد الاعتمادية ممكن فقط تقارن بين سيارات فيات المخصصة للعالم الثالث, زى السيينا و الباليو, و سيارات مثل الأكسنت و الفيرنا, و حتى هذه هتلاقى الفيات تتفوق فى الاعتمادية و التحمل و طبعا على صعيد الأداء و الثبات و التكنولوجيا.
أما لو قلتلى نقارن بين البرافو و الالنترا مثلا فلا وجه للمقارنة أصلا,
الفيات تتفوق على الكورى فى كل شىء من أول الاعتمادية و التحمل, و على صعيد الأداء و الثبات و الأداء الرشيق, و هو الشىء الذى تتميز به فيات على كل سيارات اوروبا, بالاضافة الى ان سياراتها دائما ما تسبق عصرها, و لا تنسى أن فيات احدى أفضل الشركات التى تنتج محركات الديزل فى اوروبا.
هيونداى سيارة جيدة فى سعرها, و فى حدود الامكانيات المتاحة تعطيك تكنولوجيا غير متميزة و قديمة بعض الشىء لكن ليست موغلة فى القدم, و تؤمن الحد الادنى من الأداء الذى يناسب السائق غير المتطلب, كل ذلك فى حدود السعر المنخفض.
السلام عليكم..
بما ان كان في ناس كتير عمالة تخبط في بعض..
وناس عماله تخبط في فولكس و اوبل.. :) و محدش بيرد..
فحبيت اقول تجربتي و رأيي المتواضع..
أولا العربية البونت عربية حلوة جدا ولو اني لم امتلكها و لكن قريت عنها كتير من مالكيها و من ناس اعرفهم معاهم.. و يمكن اللي كان ظالمها في الفترة اللي نزلت فيها مصر في اواخر التسعينات و اوائل الالفينات.. التوكيل الضايع اللي كان ماسكها.. ولولا كده كان اكيد هيبقي ليها مكان تاني اعلي شوية من مكانها الحالي..
وعلي الرغم من كده.. في عنده البونتو نفسها و الاونو عملت مبيعات عالية جدا.. و كانت بمثابة الجيل الجديد من ال127..
بالنسبة للسخونة.. كان الكلام ده كله في التكنولوجي القديمة جدا.. و العربيات اللي بتبقي حالتها تعبانه قوي بتسحن و تخرف..
انا عن نفسي كان معايا فيات 125 و اوقات كانت بتسخن بس عشان كان في مشاكل في الردياتير و جابت جوان علي خفيف و مكنتش حاسس بيه..
غير كده لما عغملتها كانت تمام جدا و فضلت اكترمن سنة منقصتش المية منها خالص..
نيجي بقي لصراع الحضارات.. :) :) :) و الكلام علي الماركات و الماني ايه و ايطالي مش عارف ايه..
انا أولا مع رأي الاستاذتوت في نقطة ان فعلا اعلي ماركتين في الالماني المرسيدس و البي ام.. و بعدهم الاودي و الباقي اقل..
طيب اذا كانت اودي اصلا احدي ممتلكات شركة فولكس فاجن.. اللي سعادتك بتقول انها اقل منهم..
لكنها دلوقتي بقت في نفس المكانة.. او مش بالظبط..
بس دخلت في قائمة الكبار.. نيجي بقي للكلام عن اوبل.. اوبل من اقدمك الماركات اللي عملت عربيات و حتي قبل فولكس اساسا.. و الكلام ده من عمر شركة اجنرال موتورز و يمكن قبلها كمان.. انا مش فاكر تواريخ بالظبط.. يعني من اوائل المصنعين.. و اكيد ليها دور في تطوير صناعه العربيات..و فيات اكيد معروف انها من اكبر مصنعي العربيات في اوروبا.. لا جدال..
بس هنيجي بقي نقول مين احسن و مين اوحش و الكلام ده.. الموضوع نسبي و مش مطلق نهائي..
اكيد كل شركة عملت عربيات فشلت.. او محققتش نجاح..و عربيات كسرت الدنيا..
كل شركة بتلعب في فئة معينة..او طبقة معينة من العربيات.. يعني المرسيدس معروفة في العربيات الفاخرة.. و الرياضية.. ولو حبت تدخل في سوق العربيات الاقتصادية نسبيا و الموفرة.. اكيد هتنجح بس هي شغالة في تراك معين..
و هكذا.. وجهة نظري اتفهمت..؟؟
اما موضوع ان مش عارف مين احسن من مين و الكلام الكبير ده..
الموضوع كله اراء شخصية.. و علي فكرة كريم (كريبتون) كان لسة عامل موضوع عندنا في منتدي اوبل عن الكورسا.. و اللي معمولة علي شايه مطوراه شركة فيات..
وفي المقابل كان في مساعدات من جنرال موتورز في تطوير مواتير معينة لفيات..
ده شيء طبيعي جدا.. و بيحصل كتير.. تحالفات و شراء تكنولوجي و هكذا.. و تبادل خبرات و الكلام ده.. الموضوع مش منافسة بحتة علي ما فيه قدر كبير من التعاون..
و التنافس الكبير جدا بيكون في الشكليات و الكماليات ودي الي بتبان قوي لو مصمم مشهور يتنقل من شركة للتانية.. او تقارب موديلات شكلا مع موديلات تانية.. لكن كأساسيات اكيد في اختلافات.. لكن في رأيي مش هتكون كبيرة قوي في العربيات اللي بتبتج عربيات في فئات متقاربة..
ده رأي متواضع و اللي عنده اي تصحيح اهلا بيه..
خلاص يا جماعه
فككوا من السيره دي
خلونا في موضوعنا
تقرير عن البونتو
هو المفروض المساعدين بيتغيروا كل كام الف؟
الاستاذ توت إسمحلي أكتب تجربتي في نفس الموضوع بدل ما كنت حفتح موضوع جديد.
السيارة في المجموع مثالية لأحتياجاتي في وسط البلد و الدائري و السفر على فترات.
و هذه هي تجربتي أنا و صديقي على سيارتي الجديدة (Punto Classic) يعني رأى 2:
المميزات:
1. الكراسي مريحة و الصالون حجمه جيد بالنسبة لسيارة هاتشباك.
2. الشنطة من أكبر الشنط في الهاتشباك.
3. زاوية الروئية و أبعاد السيارة واضحة و العدادات في وضعية مناسبة تماما.
4. المتور صوته جيد (هذا رأيي و رأى صديقي و لكن يوجد من يخالفنا الرأى في المنتدى)
5. الباور رائع فعلا و ذلك بدون خاصية CITY أما باستعمال هذه الخاصية فالأداء خيالي.
6. السيارة في المدينة و حتى 90كم مش حتكسفك أبدا إنطح في أي حد إستجابتها جيدة جدا.
7. النور الأمامي قابل للضبط من التابلو أعلى و أسفل و زاويته جيدة جدا.
8. الجنوط جميلة (أذواق).
9. الثبات لغايت 130كم الي جربتها على الدائري 100%.
العيوب:
1. الزجاج الكهربائى في التابلو (أنا أفضله في الباب) و لا يوجد خاصية وان تاتش.
2. مافيش كاسيت (حاجة رخمة مش كدة؟)
3. التكيف مش قوي و لكن أرى أنه لا يؤثر علي المتور (في اليومين الحر الي فاتو كان مخلي جو السيارة حلو بس مش تلاجة).
4. بعد 90كم و لغايت ال 100كم بتحس إن إستجابة العربية أبطأ.
5. المشكلة بعد ال100كم الإستجاب بطيئة جدا لغاية 130كم. أقصى سرعة جبتها بدون حرق نهائيا كانت 130كم. و في الحقيقة ده مش عيب لأنك عارف إنك مشتري عربية 1250سي سي 8 صباب و دة في رأيي أداء طبيعي بل مميز بالنظر للمحرك.
طيب يا زايد باشا
انا حاسس ان العربيه كده بتدب شويه في المطبات والارض المكسره
هل ده ممكن يكون من المساعدين؟
ربط عفشة وخلى بتاع العفشة يكشفلك ع المساعدين وامشى بالعربية بعد تربيط العفشة يومين وشوف الدبدبة لسة موجودة ولا خلاص
اخبار استهلاك البنزين في البونتو الجديده ايه؟
بالتكييف و بدون