إلا هـو ممكن (دبانة) تتجــــــوز @ ناموســــة !!!

@@@@@

أعزائي أحبائي أبنائي فلزات أكبادي
سؤال صريح ومباشر هل ممكن الدبانة تتجوز ناموسة ؟؟؟؟

http://profile.ak.fbcdn.net/hprofile..._2033315_n.jpg

http://www.feedo.net/lifestyle/images/Mosquito6.jpg

@@@@@@@@@

سؤال غريب مش كدة ؟
أصل أمبارح وأنا بسقي الزرع بصيت لقيت دبانة واقفه على أيدي
وقامت قرصتني فأستغربت ... قمت هشيتها متهشيتش
فقلتلها بسسسسسسسسسسسسسس
مرضتش تطير قمت ضربها بايدي ههههههههههه
وخلصت نفسي ، دببان أخر زمن وأستغربت هو أيه الي حصل في الدبان بتاع اليومين دول ... هو تحول ولا مبقاش عندو أحساس
ولا هما لعبوا في الجينات بتعتو ... !!!


وبعدين خطر على بالي السؤال ده هو ممكن دبانة (حولة) تتجوز نموسة ؟؟؟ وبما انها حولة تفتكر ان الي قدمها دي دبانة بس رشيقة شوية وبعد ما تتجوزها تكتشف انها نموسة ؟
وتخلف عيال متحولة دبان بيقرص .
وحدش يقلي القلب وما يــــــــــــــــريد .والهوى غلاب والكلام دهو
الي مابيوكلش عيش ..


زي ما بنت دكتور جراح صديقي ... بنتو الي طلع بيها من الدنيا خريجة جامعة مشهورة من أغلى جامعة مصر .
تحـــــــــــــــــــب سواق توك توك وتجوزو!! من ورى أبوها !

دنيا بقت غريبة بجد ... وكل حاجة متلخبطة فيها ، ده انا حتى بصيت كده في السما وانا بفكر هو النموس بيتجوز الدبان ولا لأ ... ولا دي فصيلة جديدة ولا أيه الحكاية ... وانا ببص في السما كدة أكتشفت حاجة غريبة عجيبة ... تصوروا ملقيتش نجوم في السما مع ان السما صافية واحنا في عز الليل !!!

أأأأأأأأأأأأأأأأأأأ الله هو النجوم راحت فين ؟؟
هههههههههههههههه

محدش يفهمني غلط ... بس حاجة تجنن يا جدع
هيا النجوم راحت فين ... زمان على أيامنا كان في النجم القطبي والنجم مش عارف ايه !! ... وكانت النجوم جمب بعض والخير كتير ... حتى كنت أفتكر كان ليا زميلة في الجامعة أسمها منى ... كنا نقعد زمان نوقف في أي حتى بالعربية البيجو 505 بتاعت الحج ونقعد اانا وهيا نعد النجوم ... أأأأأ الله هيا النجوم دي راحت فين ... النهرده تيجي تبص في السما أن لقيت نجمة ولا نجمتين يبقى كتر خير ربنا ... كان زمان على أيامنا النجوم كانت بالهبل ... وأن عرفت تعدهم تبقى أنتا جدع ...
أومال دلوقتي ليه السما فاضية ... ونرجع لسؤال الي محيرني هو ليه الدبان بقه يقرص اليومين دول هل هو تحول ولا لعبو في جيناتوا ... ولا هو الدبانة ممكن تتجوز ناموسة ... وتحياتي

@@@@@@@

وياريت علماء وخبراء المنتدى يجاوبوني على سؤالي الي محيرني

@@@@
وتحياتي

لا حول ولا قوه الا بالله
طب هيا النمله اللي ضحكت لسيدنا سليمان ,,,ذكر ولا انثي!!

أحمد حبيب قلبي

سؤال وجيه ... بس أعتقد النملة تبقى مؤنث مش مذكر ... لأنها نمله مش نمل .هههههههه وبعدين متخرجناش عن الموضوع
بتاع الدبان الي بيقرص الله يخليك هههههههه

اقتباس:

---

المشاركة الأصلية كتبت بواسطة me_medoo

أحمد حبيب قلبي

سؤال وجيه ... بس أعتقد النملة تبقى مؤنث مش مذكر ... لأنها نمله مش نمل .هههههههه وبعدين متخرجناش عن الموضوع
بتاع الدبان الي بيقرص الله يخليك هههههههه

---

طيب يا ميدو بص يامعلم,,,مينغعش نموسه تتجوز دبانه,,,,ليه!!!!
عشان دي فصيله ودي فصيله تانيه
بمعني ان الشهوه الجنسيه للدبانه مش هتبقي للناموسه
يعني انت ممكن شهوتك الجنسيه تروح لقطه!!!!


موضوعك غريب اوي يعم الحج ههههههههههههههه

طيب أزاي الدبان بتاع اليومين دول بقه يقرص
طول عمري أعرف الدبانه تيجي جمب ودنك
وتقعد تزززن ... أنما الدبان بقه يطير من سكات
ويجي يوقف على أيدك أو حتى على رقبتك ويقوم قارص ... عارفين دي مشكلة لو كانت سلالة جديدة من الدبان القارص .
وأحتمال تكون أسرائيل وراها .
http://a3.sphotos.ak.fbcdn.net/hphot...37982891_n.jpg

دة الدبااااااااااان الصحراوى اللى بيعمل كدة !! ولاتعرف تهشها ورخمة رخامة دنيا والاخرة وفى اخر هتقرصك برضك !! هتلاقى كنت مسافر فى حتى ولا حاجة وهية ركبت معااااااااااااك :tongue32:

يا باشا احنا في زمن العجايب

اقتباس:

---

المشاركة الأصلية كتبت بواسطة ahmed_nubira

لا حول ولا قوه الا بالله
طب هيا النمله اللي ضحكت لسيدنا سليمان ,,,ذكر ولا انثي!!

---

علم لا يفيد
هلك بسببه العثمانيين

فى نوع من الدبان بيقرص يا ميدو
بس انت خلى بالك

ايوة فى دبان بيقرص وبيبقا رخم تهشو ميمشيش لما بسافر الصعيد او اطلع حتة فيها صحرا بيبقا الدبان رزل اوى لازم تموتها علشان تمشى ...

اما موضوع الجواز ده معرفش عنو حاجه بصراحة .....

اقتباس:

---

المشاركة الأصلية كتبت بواسطة me_medoo

سؤال صريح ومباشر هل ممكن الدبانة تتجوز ناموسة ؟؟؟؟

---

فكرتني بالنكتة بتاعة يحصل أيه لو فيل أتجوز نملة ؟
الإجابة طبعاً : فيل رجله منملة .
والنكتة التانية : بتاعة يحصل أية لو كلب أتجوز قطة ؟
الإجابة : كلب مقطط أو قطة بنت كلب

اقتباس:

---

المشاركة الأصلية كتبت بواسطة me_medoo

أأأأأأأأأأأأأأأأأأأ الله هو النجوم راحت فين ؟؟

وياريت علماء وخبراء المنتدى يجاوبوني على سؤالي الي محيرني

وتحياتي

---

تحياتنا أحنا والله
عدد النجوم التي يمكن أن نراها في ليلة يغيب فيها القمر ، وفي منطقة بعيدة عن أضواء المدن هو حوالي 2000 نجم ، وكلما زادت السماء ضياءً قل عدد النجوم التي يمكن أن نراها ، ويحدث ذلك عندما يكون القمر بدراً أو عندما نراقب السماء من المدينة ، وهذا ما يسميه الفلكيون بالتلوث الضوئي .

لا أحد يعرف بدقة عدد النجوم في الكون ، فبلايين البلايين منها منتشر في السماء ، وعملية عدها أمر مستحيل . يقدر العلماء عدد النجوم في مجرتنا - مجرة درب التبانة - بحوالي 200 بليون نجم .

ألا قول لي أنت دخلت فتكات كام مرة ، وشربت أيه هناك :U_thin1[1]:؟ مش كل أصناف فتكات تتشرب يا me_medoo - إلا أصدقاء السوء

اقتباس:

---

المشاركة الأصلية كتبت بواسطة ahmed_nubira

طيب يا ميدو بص يامعلم,,,مينغعش نموسه تتجوز دبانه,,,,ليه!!!!
عشان دي فصيله ودي فصيله تانيه
بمعني ان الشهوه الجنسيه للدبانه مش هتبقي للناموسه
يعني انت ممكن شهوتك الجنسيه تروح لقطه!!!!


موضوعك غريب اوي يعم الحج ههههههههههههههه

---

يا بوحميد مهي عندها عُذرها

الراجل قالك حُولَة:8954[1]:

اقتباس:

---

المشاركة الأصلية كتبت بواسطة me_medoo

طيب أزاي الدبان بتاع اليومين دول بقه يقرص
طول عمري أعرف الدبانه تيجي جمب ودنك
وتقعد تزززن ... أنما الدبان بقه يطير من سكات
ويجي يوقف على أيدك أو حتى على رقبتك ويقوم قارص ... عارفين دي مشكلة لو كانت سلالة جديدة من الدبان القارص .
وأحتمال تكون أسرائيل وراها .

---

عندك حق فعلاً .. في دبان بيكون في المناطق الصحراوية وبيقرص ومبيتهشش.
ولما بصيت عن قُرب ودققت فيه .. لقيت جزء من جسمه لونه أحمر.

ياباشا تلاقي اللي بالي بالك أطلقوا السلالة الجديدة دي من الدبان على الشعب
عشان يزهقوه من الثورة والثوار ، وعشان يخلوا الناس تنتخب شفيق ، اللي هيلمهُلكوا كله إن شاء الله في خلال 24 ساعة.

هو ممكن فعلا شرط الماذون يكون صرصار

اقتباس:

---

المشاركة الأصلية كتبت بواسطة ahmed_nubira

طيب يا ميدو بص يامعلم,,,مينغعش نموسه تتجوز دبانه,,,,ليه!!!!
عشان دي فصيله ودي فصيله تانيه
بمعني ان الشهوه الجنسيه للدبانه مش هتبقي للناموسه
يعني انت ممكن شهوتك الجنسيه تروح لقطه!!!!


موضوعك غريب اوي يعم الحج ههههههههههههههه

---

واللهي يا أحمد يا أخويا ... على الرغم أني متجوز ألا أني مرات نفسي تهفيني كده وتشدني لقطة حلوة أشوفها ماشية قدامي ... أرجع بيها شبابي ... وكل ماشوف قطة ماشية كده وتكون زي العسل ... أقول منك لله يا مبارك هلكتنا ونتفت ريشنا ... فيها أيه لو كنت عايشت شعبك بخير ونعيم مش كان زمنا متجوزين تلاته واربعه وخمسة كمان وكنا حلينا أزمة العنوسة في البلد ... والقطط كتير بس فين الفلوس الي الواحد هيتجوز بيها ... ياسلالالالالالام لو الواحد يكون عندو قطة قطتتين كده ... ههههههه ده حتى يربيهم ويكسب فيهم ثواب .. هههههههههههههههه

اقتباس:

---

المشاركة الأصلية كتبت بواسطة bunsh_fox

دة الدبااااااااااان الصحراوى اللى بيعمل كدة !! ولاتعرف تهشها ورخمة رخامة دنيا والاخرة وفى اخر هتقرصك برضك !! هتلاقى كنت مسافر فى حتى ولا حاجة وهية ركبت معااااااااااااك :tongue32:

---

اقتباس:

---

المشاركة الأصلية كتبت بواسطة mazher_m

يا باشا احنا في زمن العجايب

---

اقتباس:

---

المشاركة الأصلية كتبت بواسطة mohammedabdallh

فى نوع من الدبان بيقرص يا ميدو
بس انت خلى بالك

---

اقتباس:

---

المشاركة الأصلية كتبت بواسطة koshary

ايوة فى دبان بيقرص وبيبقا رخم تهشو ميمشيش لما بسافر الصعيد او اطلع حتة فيها صحرا بيبقا الدبان رزل اوى لازم تموتها علشان تمشى ...

اما موضوع الجواز ده معرفش عنو حاجه بصراحة .....

---

بانشي ومحمد وكوشري باشا منورين يا حبايب ماي هارتي ... حبايب قلبي من جوا جوا ... واللهِ وحشني موت .
وأه واللهِ الدبان الي بيقرص كان زمان الواحد يشوفوا في سكة السفر ده غير (الدبانة الجامبو ) بس النهردة حتى جوا المدن بقينا نلاقي الدبان الصعيدي ده والصحراوي بقه جوا المدن ... ياترى دول جين يدوروا على فرصة عمل في القاهرة هههههههه ولا جين يعملو أيه !

وبعدين تصوروا الدبان دلوقتي بقه ذكي عارفين ان البيوت كلها مركبة سلك دبان ونموس على الشبابيك فبقت الدبانة ياعيني تعمل ايه علشان تخوش البيت جوة في التكيف ... تيجي تخش بيتك تقوم هيا بشويش كده توقف على ظهرك من غير ولا حركة وولا نفس وأول ما تخش بيتك تبتدي بقه زن وقرص ونرفزة .

علشان كده بقول لأي واحد جي يخش بيتي نفض ظهرك قبل ما تخش .هههههههههههههههه وتحياتي .

اقتباس:

---

المشاركة الأصلية كتبت بواسطة friendship7897

عدد النجوم التي يمكن أن نراها في ليلة يغيب فيها القمر ، وفي منطقة بعيدة عن أضواء المدن هو حوالي 2000 نجم ، وكلما زادت السماء ضياءً قل عدد النجوم التي يمكن أن نراها ، ويحدث ذلك عندما يكون القمر بدراً أو عندما نراقب السماء من المدينة ، وهذا ما يسميه الفلكيون بالتلوث الضوئي .

لا أحد يعرف بدقة عدد النجوم في الكون ، فبلايين البلايين منها منتشر في السماء ، وعملية عدها أمر مستحيل .

---

هههههههههههه أزاي يا باشا ... أومال أنا والبت منى (زميلة الجامعة ) كنا بنوقف نعد أيه هههههههههههه ؟
ده أحنا كنا بنعدهم نجمة نجمة واللهِ ، هههههههه ياه على الفراغ بتاع أيام زمان ، أيام مكنا نستنى تكسي السهرة على القناة التانية وأخترنا لك على القناة الأولى . هههههههه

اقتباس:

---

المشاركة الأصلية كتبت بواسطة ahmedhawas

يا بوحميد مهي عندها عُذرها

الراجل قالك حُولَة:8954[1]:

---

أه واللهِ ... أنا دايماً بقول ... ألي يجي يهش دبانة يهشها براحة لأنك ممكن لمن تيجي تهش الدبانة صوابعك تخبط عنيها فتلاقي الدبانة ياعيني مش شايفة هيا بتطير فين ولا رايحة فين ههههههه حتى في بعض الاحيان بتبقى قاعد وتلاقي دبانة طايرة طايرة وتقوم زيوووو داخله في فتحت مناخيرك هههههه دبانة (عامية ) .

اقتباس:

---

المشاركة الأصلية كتبت بواسطة ahmedhawas

عندك حق فعلاً .. في دبان بيكون في المناطق الصحراوية وبيقرص ومبيتهشش.
ولما بصيت عن قُرب ودققت فيه .. لقيت جزء من جسمه لونه أحمر.

ياباشا تلاقي اللي بالي بالك أطلقوا السلالة الجديدة دي من الدبان على الشعب
عشان يزهقوه من الثورة والثوار ، وعشان يخلوا الناس تنتخب شفيق ، اللي هيلمهُلكوا كله إن شاء الله في خلال 24 ساعة.

---

حبيب قلبي يا بوحميد ... أنتا فاكر لمن أوباما أول ما تعيين وجه يخطب في جامعة القاهرة ... والراجل واقف ياعيني وكل كاميرات العالم كلها مسلطة عليها وهوبا تجيلك دبانة عمية بنت الهبلة سابت القاعة كلها ورايح توقف على جبين براك أوباما ويهشها وترجع توقف تاني ... وكل مايهشها ترجعلو تاني ... أنا أول ماشفت منظر الدبانة قعدت أظحك وقلت في سري لبراك أوباما مــــــرحبـــاً بك في مصــــــــــــــر هههههههههههه .

ياراجل يا طيب بتبقى راكب عربيتك وفجئة تبص تلاقي دبانة تطير قدامك وتقف على البرفريز من جوة وتبقى وانتا سايق تخولك كده .تيجي يمين تجيلك شمال تييجي شمال تجيلك يمن ... وشوية توقف على وشك وتخش في عنيك وشوية تقوم طايرة على المدام جمبك ... والمدام أيديها طرشة تيجي تهشها تبص هوباااااا صوابعها قامت دييييييييب ضربة وطرفة عنيك ، وتقولك يوووووه لمؤخزة ياحبيبي ههههههههه أصلي كنت بهش الدبانة .

ده غير النموس الي يخشلك العربية ومش عارف ايه غيتو ينزل تحت في الدفى عند الدوسات ويخشلك من فتحت البنطلوم بين الفتحة وأستيك الشراب ... وتبقى انتا يا عيني مش عارف تسوق ولا تهش الدبان وتوطي تهرش في رجليك ههههههههه .

وعمال بقول يا سلام لو في مخترع مصري عبقري كدة يخترع لنا على شبابيك العربية سلك مضاد للناموس والدبان ... أو حتى تيجي شركة (ريد أو بف باف أو أيزالو ) تخترع جهاز يشتغل على ولاعة العربية تحط فيه أقراص طاردة الناموس دي ... علشان الواحد يسوق وهو مرتاح مش طول ما هو سايق ... يسوق ويقعد يهرش ..هههههههه وتحياتي

اقتباس:

---

المشاركة الأصلية كتبت بواسطة cameeron

هو ممكن فعلا شرط الماذون يكون صرصار

---

بمناسبة الأسالة دي، هو الشيطان بيولد ولا بيبيض؟

يا سلام علينا
تعرفوا إن نظريه طيران الهيلكوبتر مستوحاه من طيران الذبابه واليعسوب
ده الفرق بين من يرى نصف الكوب الممتلئ ومن يرى نصف الكوب الفارغ

اقتباس:

---

المشاركة الأصلية كتبت بواسطة horeen

يا سلام علينا
تعرفوا إن نظريه طيران الهيلكوبتر مستوحاه من طيران الذبابه واليعسوب
ده الفرق بين من يرى نصف الكوب الممتلئ ومن يرى نصف الكوب الفارغ

---

111111+
معاك حق ... رغم اني زمان شفت فيلم علمي ... بيقولك علماء الفراعنة كانو راسمين الطيارة الاباتشي المستوحاة من اليعسوب قبل 7000 سنـة ... واعتقد ممكن في المستقبل يخترعو طيارة على شكل ذبابة لسهولة المناورات بتعتها وشكلها الدينميكي .

أو ممكن يخترعو قنابل طائرة ... على شكل دبانة تروح توقف على ظهر الدبابة وبعدين فجئة بووووووووووم .وتفجرها .

انا عن نفسي ... فكرت في جهاز بالليزر الحارق ... تحط الجهاز في أوضة النوم ... وتطلع وتسكها الجهاز يشتغل بعد خمس دقايق واي دبانة طايرة ولا واقفة في اي حته الجهاز على طول يلقطها ويولع في أمها بالليزر . بالذات اني جربت جهاز صاعق الذباب . والدبان مع الاسف أتضح أنو ذكي لو شاف دبانة زميلتو او دبانة حبيبتو دخلت الجهاز وأتصعقت ... تبص تلاقيه واقف بره على القفص من بره وعمال يبص لزميلتو ويعيط ويعتبر .

%%%%%%%%%%%%

وتحياتي

بيحضرني هنا المقوله الشهيره : " اول مره بشوف الليل ناقص بنجومه ... اول مرة بيحكى الليل بيشكيلوا همومه " لسيده الفاضله ميريام فارس

فعلا لو طلعت فى البلكونه او وقفت فى اى شارع وبصيت للسما مش هتشوف النجوم بنفس الكميه زى زمان
والسبب ان زمان كانت اللمبات قدرتها ضعيفه لكن دلوقتى كم الاعلانات واللمبات الى قدرتها اضعاف اضعاف قدرة اللمبات القديمه بقت بتعمل حاجه اشبه بهاله ضوئيه حول المدن بتكون اضائتها اقوى من النور الى جاى من النجوم وبالتالى مش بنقدر نشوف النجوم كلها

لو عايز تتأكد من كلامى اول ما النور يقطع اطلع بص فى السما هتلاقى النجوم بنفس عددهم ايام زمان بعد دقيقتان اول ما مولدات الكهرباء الاحتياطيه تبدأ تشتغل فى بعض المبانى هتلاقى اكتر من نص النجوم مش قادر تميزه و أول ما النور يجي تاني هتلاقى اغلب النجوم الى كنت لسه شايفهم مش لاقيها