الموضوع: ايه الموقف القانونى من ابراج تقوية شبكات المحمول

المشاركة الأصلية كتبت بواسطة micromoud

ربنا يطمنك يا أستاذ احمد انت ما تتخيلش انت اد ايه شلت منى هم ومن الناس اللى عندى فى البيت :))) وجزاك الله كل خير

و إياكم :) ...... صدقني لو عندك فرن ميكروويف في البيت هيطلع منه اشعاع اقوى من المحطة :) (مش باخوفك من الفرن برضه امان ماتخافش هههههههه)

المشاركة الأصلية كتبت بواسطة micromoud

اه ايه الفرق بين اللى على شكل طبله واللى على شكل مستطيل ؟؟

الطبلة ده microwave dish عشان الربط بين محطات و بعضها و احيانا البرج تلاقي عليه طبلتين ضهرهم لبعض بيبقى نقطة في النص للربط بين كذا محطة كمان ...... الشعاع الخارج من الطبلة بيبقى شعاع مركز beam يعني مش موجات متناثرة و لازم قصاد الطبلة دي بعييييييييد تبقى فيه طبلة زيها شايفاها و على حذاها بالمللي و لا مللي يمين و لا مللي شمال ........ دي اساسا و لا ليك دعوة بيها

المستطيل ده الانتينا اللي بتوزع شبكة المحمول على المستخدمين ........

المشاركة الأصلية كتبت بواسطة solyelissa

سؤال أ/ احمد كمال
الجهاز اللي بيركب جوة شقة ( شركة مثلا او محل ) لتقوية الشبكة اكيد حضرتك تعرفة هو بيبقة جهاز جوة طالع منة انتنة صغيرة والقطعة التانية برة صغيرة بردو ذي الراوتر كدة يعني بيجيب الاشارة من برة يدخلها جوة .. واللي بيركبة شركة المحمول بردو .. هل دة في خطورة ؟؟ ولا امن

ضرره ما يزيدش عن ضرر ال wireless router :) يعني ماتخافش منه خالص برضه ......

المشاركة الأصلية كتبت بواسطة hanyemad123

طيب يا استاذ احمد انا عندى مشكله مشابهه

العماره اللى جبنى مركبه شكبه تقويه

الفرق تقريبا بينى و بين العماره 10 متر افقى و 9 متر رأسى
انا فى الدور الثالث و العماره المقابله 6 ادوار

فى ضرر كده ولا ايه

ان شاء الله لأ .....

المشاركة الأصلية كتبت بواسطة azmeralda

تصدق لسه كنت هسأ ل فى الموضوع ده
امال ليه بنسمع كتير ان الناس اللى ساكنة تحته بيجيلها اورام فى المخ ومشاكل للأطفال معقول كل دى اشاعات

كمان عيزة اعرف لو انت اشتريت شقة تمليك ايه اللى يضمن لك قانونا انهم ميركبوش المحطة دى فى اى وقت لو انت مش عيزها تركب

كمان الفروق بين الأفراد فى التأثر فردية جدا يعنى فى مرض نادر بيصيب ناس من التعرض للتلفزيون تخيلوا لو اتعرض لأشعاع تلفزيون مفتوح يجيله تشنجات وممكن يغمى عليه وتأثير الموبايل نفسه فى ناس متقدرش تتكلم فيه اكتر من دقايق ويجيلها صداع وناس بترغى بالساعات ولا يحصل لها حاجة
وفى جميع الأحوال كل الأختراعات التكنولوجية ليها اضرارها من اول التلاجة حتى فأكيد لو واحد دافع دم قلبه فى شقة مش هيقبل ولو مجرد المخاطرة حتى لو مثبتش علميا لغاية دلوقتى ممكن يبان قدام زى ما ظهر ان الموبايل بعدد دقايق زيادة بيبدأ يأُثر على خلايا المخ
واظن من حقه ميتفرضش عليه حاجة زى كده فوق دماغه

على فكرة اشعاع المحطة مش لتحت اساسا يعني موضوع الناس اللي تحت المحطة ده افتكاسة مصرية معتبرة

و موضوع الفروق الفردية و الكلام ده خلط للاوراق لان منظمة مثلا زي الجمعية الامريكية للسرطان cancer.org اما بتعمل بحث بتعمله على عشرات الالاف


ممكن اعرف اضرار التلاجة ايه؟؟


ممكن اعرف مصدر معلومة الموبايل بعد دقايق بيأثر على خلايا المخ (برضه لم تثبت علميا)


على فكرة صدقوني المعلومات اللي بتبقى في الجرايد المصرية 90% منها بيبقى هجص :(