بصراحه انا شايف انه سوق مفهوش اي نوع من التفكير العلمي السليم وعربيات اسعرها خياليه وليست تستحق هذه الاسعار
انتو ايه رايكم
عرض للطباعة
بصراحه انا شايف انه سوق مفهوش اي نوع من التفكير العلمي السليم وعربيات اسعرها خياليه وليست تستحق هذه الاسعار
انتو ايه رايكم
أنا رأيي من رأيك طبعا
السوق المصري خاضع لنظرية الفتي والصنايعيه
والله كلامك مظبوط
وبينطبق على كل حاجه مش في العربيات بس واكتر حاجه يظهر فيها الكلام ده العقارات مش بيراعو العمر الافتراضي للعقار ونفس القصه للعربيات
وبسم الله ما شاء الله التجار عندنا بروفيشنال وفي الاخر الزبون الى بيلبس
وربنا يرحمنا في البلد دي
كله من الجمارك
مش السوق بس ده الدوله الـ ....................*
يعني انا لسه خارج من البيت دلوقتي قابلت عربيه كامري راكبها واحد قطري علي قد حاله
احنا هنا اخرنا 1600 سي سي وبنعرق عليها كمان
حاجه تجيب الضغط والسكر والقولون والقلب :| :| :|
شعب معاه فلوس مش عارف يوديها فيييييين ..
اهم حاجة عنده ما شاء الله الشكل ..
لا يهمه وسائل الأمن .. و مبيتعلمش غير لما يتقرص ..
شعب غلبان و ساذج ..
انت هتقولى
شوف العربيات المظلومه قد ايه
فولفو
اوبل
اودى
و بيجو
ما هو لو حكومتك محترمة مكانتش نزلت عربيات من غير وسائل امان
ال city cars زي البيكانتو وال i10 بينزلوا اوروبا ب 6 ايرباج و abs-ebd-bas-tcs-esp ستاندرد
مفيش عربية بتدخل اوروبا من غير انظمة امان ولو كانت راكب واحد
ومش هنا بس في الشرق الاوسط كله , الكامري بتنزل امريكا ب 10 ايرباج ووسائل امان بالعبيط وفي الخليج بتنزل ب 2 ايرباج و abs بس !
لا يا عم التوكيل ابن ........ وده الطبيعي
ولكن الحكومة مفروض انها تمنع جشع التوكيلات ومتحطش الايرباجات وانظمة الفرامل على انها اوبشن
عارف العربيات دي زي اللوجان والبومة صح ؟ :))))))
على فكرة ال 2 ايرباج دول مش انجاز ولا كده تبقى العربية امنة , 2 ايرباج يعني لو حد لا قدر الله خبطك من الجنب هتتشلفط ومش هينفعك الايرباج الامامي , فاحنا معندناش وسائل امان اصلا :)
عندك حق
وسوق حورات يعني التجار لما يحبوا يعلو عربية يرفعوها للسما
وكذلك يخسفوا بعربيات الارض
عندك حق فعلا ان شاء الله الايام الجاية الامور تتصلح
هو اكيد حضرتك اللي عارض السعر مش هيعرض سعر عالي الا وهو عارف ان حد هيشتري
لان اكيد لو السعر مبالغ فيه محدش هيشتري منه
وبعدين معروف الاسواق دي بتاعة التجار ومتنفعش خالص للناس تروح تشتري من هناك
لانك في نهاية هتلاقي نفسك اما بتشتري لتاجر او بتبيع لتاجر ده في حالة العربيات الكويسة
لكن افضل طريقة فعلا هي انك تشتري من حد معرفة او عن طريق النت او معرض وتعرف تفاصل معاه
فعلا الاسعار مبالغ فيها جداااااااا
والله عندكم حق فى كل اللى قلتوه سابقا
ياما فى مصر عربيات محترمه جدا ولكن مالهاش سوق خال واخص بالذكر كل الاوروبى المستعمل اللى يضرب كل الكورى اللى مجننى من ناحيه اسعاره العاليه وقله امكانياته وخصوصا فى السيفتى
:angry35::angry35::angry35::angry35::angry35:
استغلال جهل نصب احتيال إلا من رحم ربى
عندك حق بس هو مش موضوع نصب اكتر منه كذب
لما اشتريت من معرض كذب علي في حاجات وانا كنت بصدقه
طبعا الحمد لله كلها حاجات بسيطة جدا بس يكفي انه كان بيكذب علي
مره يقولي تلاقي سلكة ملمسة تلاقي بطارية الريموت ضعيفة
والواحد اتعلم طبعا وخد خبرة الحمد لله
ده غير ان العربية كانت مخبوطة خبطة بسيطة ومش قالي وكمان كان رافع تمنها وماسك فيه
لكن انه يبيع عربية شاسيه مخبوط او مركبة ربع او موتور فده نصب وسرقة على خلق الله
يعنى هو فيه فرق بين الكذب والنصب ما الاتنين توينز يا برنس
لما اشتريت العربيه خدتها من تاجر علي اساس انها مش رشه حاجه وانها بيتي وطلعت في الأخر رشه خوراج ماعدا شنطه وسقف وطلعت متبهدله وشغاله مشواير
في فرق لما واحد يكذب عشان يبيع وده فلوسه حرام
وواحد ينصب علي في عربية ورقها مضروب او مركبة ربع او مخبوطة بالشاسيه
هنا هو مش هيكذب لانه مش هيقولي ورقها سليم او ان الشاسيه سليم
لا هيسكت وهو عارف الكلام ده
وده النصب حضرتك على خلق الله
وللاسف موجود وكتير فنصيحة محدش يعتمد في حكمه على عربية من خلال البائع ابدااا
وحكاية ان العربيات المستعملة ماسكه سعرها مش عارف بصراحة سبب محدد
ازاي عربية بقالها 10 سنين يبقى تمنها ماسك نفسه
بس يمكن لان كل العربيات اللي ماسكه سعرها لما تيجي تقارنها بعربية جديدة
زي الفيرنا او اللانوس تلاقي ان في عربيات بتغلبها وبتعديها بمراحل كمان وهي مستعملة
وتمن الفيرنا مش قليل لا ده في سما مع انها عربية عادية جدا فاصبحت مقياس
حتى لو تمنها طلع بتلاقي تمن المستعمل طلع معاها
طب سؤال لية دايما الناس بتشترى العربيات دة مع ان الطرق مهببة والعربيات غالية ومفيش اى تخطيط ولا ادمية فى السواقة لية لما العربيات سعرها بيغلى الاقبال عليها بيزيد خوفا من انها تزيد اكثر اظن طول ما احنا راضيين وموافقين ومفيش اى تحرك جماعى ناحية الجمارك الكل بيشتكى منها حتى العرب او المقبلين من الخارج للدخول بسيارتهم مصر كل
فاظن المواضيع وكل الكلام البيتقال دة ان مش حيشوف النور حيبقى ما بينا وبين بعض بنصبر بية نفسنا وحينزل الناس يشترو تانى وهكذا واهة بدات بازمات البنزين وقبلها الحوادث الزيادة بشكل كبيرة وبعدها 2014 حيبقى مفيش مكان لضخ سيارات جديدة فى الاسواق المصرية بسبب التكدس الحنشوفة بس على مين احنا المصريين حنفضل نشترى حتى لو نركنها تحت البيت المفروض لما نلاقى الزيادة نقاطع مش حيستنى شهر ولا اتنين من البنستناهم علشان نستلم عربيتنا الجديدة او
المستعملة لية لما نلاقى طريق يبقى فى شكوى منة ونعترض حتى تحل لية لما نلاقى عشوائية وجهل ورمى زبالة مبنتحدش لية علشان نحد منة الالتزام حيجى بالفرض وبالقانون والشايفة فى الشارع المصرى الان ولا وجود تخطيط للطرق او احترام للقانون وتقصير واضح من الطرفين حتى بقينا نعتبر السلوكيات الغلط عادى وبنتأقلم معاها
الشعب اصبح محتاج اعادة تاهيل اما باعادة الاختبارات او المشاركة فى برامج اعادة التاهيل والقيادة وتغيير قوانين بناء ورصف وتخطيط وتسويق عالمية نلتزم بها ووجود لجان رقابة على الطرق وتكون مغطاة بكاميرات مش برادارات فقط وتحدد قوانين جديدة للمخالفات تطبق بصورة عملية وادمية حتى تكون مفيدة ان المخطاء يقوم بعمل مجتمعى لما يخطاء يتعاقب بية مش مجرد فلوس بتدفع وخلاص علشان يفهم العملة دة خطورة اية
مينفعش ان كل توكيل بمزاج ومينفعش ان كل شخص بمزاج ومينفعش ان كل مهندس بيبنى طريق بمذاج ومينفعش ان كل شرطى يطبق القانون بمذاج هى منظومة من الفشل حتفضل موجودة الى ان يتم عمل ما قلتة تطبيق القوانين العالمية فى الطرق والجمارك والبناء والعمل والبيئة وقتها حنعرف نعيش زى البنى ادمين فى مصر ...
سوق!!.. سوق ايه بس؟!!
مصر مفيهاش سوق لأي حاجة عدلة.. لا لعربيات ولا غيره..
مستهلك معلوماته قليلة و بيرضى بأي حاجة تتجابلة و بيشتري حتى لو الحاجة مش عاجباه..
فطالما الطلب عندك بالمنظر ده ليه العرض يبقى كويس طالما الناس كده كده بتشتري أي حاجة تعرضها حتى لو معيوبة!. و ليه يبقى في تنوع في السلع المعروضة طالما سلعة واحدة تكفي!. و ليه يبقى في أكتر من عارض طالما ممكن تبقى لوحدك و تحتكر السوق براحتك و محدش هيكلمك!. فليه هتقدم خدمة كويسة بقى طالما أنت كده كده المتحكم في السوق و كده كده الناس هتحتاجلك!.
أنا عن نفسي في حاجات كتير بطلت أجيبها من هنا و بجيبها من بره. نظراً لأني مبلاقيش الحاجات اللي عايزها هنا أو نظراً لردائة الجودة الموجودة هنا..