يعني انا اصدق التوكيل ولا الكتالوج !! ؟

**mrghost** · 05-06-2012 12:44 AM

التزم بالكتالوج طبعا مفيش كلام

**S O P H O S** · 05-06-2012 01:52 AM

غير يا ابو حميد

**alu** · 05-06-2012 02:27 AM

طبعا كلام الكتالوج هو الفيصل

**zangry** · 05-06-2012 06:31 AM

غيره دول عايزين يبوظولك الفتيس عشان تروح تشتري واحد تانى والله :d

**tutankhamoun** · 05-06-2012 06:37 AM

اتصلت بعدها بمركز خدمة تويوتا اجيبت في شارع السودان

مركز معتمد قلت اشوف يمكن ينفع فيه

المهم اتصلت بيه قلتله عايز اغير زيت فتيس تويوتا ياريس

قالي حضرتك اول مرة تغيره ؟ قلتله اه هي العربية عاملة 40 الف ودي اول مرة

قالي لا لسه بدري يافندم بيتغير عند 80 الف !!

قلتله بس العربية بقالها خمس سنين موديل 2007 يعني اكيد الزيت فقد خواصه !!

قالي حضرتك تشرفنا بكرة نكشفلك على الزيت ونشوف اذا كان محتاج يتغير ولا لاء

فانتو ايه رايكم ؟؟؟ اغيره وخلاص ولا لو قالي انه تمام استنى لحد ال 80 !! ؟ ولو اني حاسس انه محتاج يتغير ؟؟

مبدئيا طبعا و زي ما كل زملائي الأفاضل قالوا ...... ألتزم بكلام صانع السيارة .

ثاينا بقى و تعليقي على الجزء اللي أنا أقتبسته

هو سيادته عنده معمل لتحليل الزيوت علشان يعرف هو فقد خواصه و لا لاءة ؟؟؟؟

و لا بس قصده أنه يزود الزيت لو نقص ؟

و في الآخر صباح الأفتاء الأصلي .

**حماده المصري** · 05-06-2012 07:17 AM

غير يامعلم الاول عايز يطلع مصلحه
والتاني عايز يبوز الفتيس

**mi22do** · 05-06-2012 07:19 AM

بمناسبه زيت الفتيس - هو لو العربيه مانيوال - بغيرلها زيت الفتيس امتي ؟

**lanos2004** · 05-06-2012 09:11 AM

هتفضل تقول اغير مغيرش -لحد اما توصل 80 الف كيلو

**MohammedAladel** · 05-06-2012 10:31 AM

غيره بالزيت الموصى بيه مش هتخسر حاجة

**ahmedhawas** · 05-06-2012 12:24 PM

نصيحتي ليك .. إلتزم بالكتالوج طبعا ، وغيره بره التوكيل.
بس طبعاً تتأكد من الكمية المطلوبة وتشوف المقاس بعد التغيير.

هو في التوكيل : ونظراً للزحمة بيقولوا لأي حد التغيير مع صيانة ال 40 ألف ومضاعفاتها.
لكن لو الدنيا فاضية ورايحلهم .. مبيقولوش لأ.

الأخ التاني اللي قالك الأوتوماتيك بيتغير على 80 ألف .. أكيد إختلط عليه الأمر وكان يقصد المانيوال. عشان المانيوال بيتغير على 80 فعلاً.
والأوتوماتيك في أغلب العربيات بيتغير على 40 ألف.
ونصيحة بلاش تتأخر عن 40 ألف .. لإنك هتدخل في مشاكل كتييييييييييييييييير إنت في غنى عنها.