لانوس 1 السحب بقى ضعيف وبتبرجل مع الحرارة

عملت نصف عمره للموتور طقم شمبر و كاوتش صبابات ، العربيه بقى عزمها ضعيف حاسه زى الموتور الكامة .
غيرت الموبينا - بوجيهات 1 شمعة دينسن يابانى - سلوك بوجيهات - كونترول - طرمبة بنزين - متحلتش المشكله - نضفت الرشاشات اتحلت المشكله بتاعت التقطيع والبرجله سواء العربيه بارده او سخنه ، لكن العزم مش زى الاول برده - مشيت لحد حالا 400 كيلو من بعد النصف عمره دى .
لما بشغل التكييف وتسخن بلاحظ العزم بيقل شويه عن الطبيعى حاسس العربيه بتكن فجأه ومكتومه ، و ف العادى مكتومه برده ، وساعات مع الحراره ادوس بنزين مره واحده احس بان الصوت طالع مقطع مش صافى ، ايه ممكن اوجه نظرى ليه انى اغيره يكون كاتم العربيه ف المشى ؟

لمبة check منورة ؟
هي عربيتك أنهي موتور ؟

عيد علي ظبط الكاتينة وعيد الرباط علي مسامير وش السلندر واخبار الروديه الي اتعمل ايه طبع برة ولا سابه يطبع بعد الدوارة

لمبة الcheck عندى بتبقى كلمة service بس مش منوره هيا المكنة الاستيراد ال twin cam

الميكانيكى الى بعمل عنده الشغل كويس معتقدش يكون فاتته وش التقسيمة ف المكنه لانها ف الدوارة كويسه مش مهربه - ووش السليندر تمام مع الجوان زى الفل - والعربيه كانت دايره يومين بعد ما قفل المكنه ، الجديد انى نضفت الرشاشات ياجماعة بالاسبراى w4 تقريبا اسمه كده و حطيت سائل التنضيف ده ماركة ابرو الامريكى عامل 35جنيه من البنزينه وفولت بحط 92 من اول ماجبتها ، والعربيه بقالها معايا يوم اهوه كامل مفيش اى برجله ولا تتليته ، مشكلتى حالا ف كتمه العربيه بس ، عديت ع الميكانيكى باليل قالى من الديسك والاسطوانه ، وانا ناوى اغيرهم يوم الجمعة عشان بدال الدبرياج تقيل اوى عامل زى بتاع الشاهين ، ايه رايكو ف الكلام ده

تفتكر يا مستر طارق اسطوانة الدبرياج والديسك هيظبطو الكتمه دى فى المشى او الجرى بالعربية ، وقالى علبه البيئة ملهاش دعوة كانت هتدى نتايج تانيه غير الى بشتكى منها لو بايظه ! كان فدماغى لو البيئه بايظة اشيلها واحط ماسورة

احتمال طقم الدبرياج يكون هوا المشكلة
اخبار فلتر الهواء بتاعك ايه

ديسك واسطوانه مالهوش علاقه بكتمه العربيه-على ما اعتقد

الكتمه فلاتر-بوجيهات -طرمبه
ضعيفه-سير كاتينه قرب ينتهى -حساس بايظ او قرب يودع

اقتباس:

---

المشاركة الأصلية كتبت بواسطة lanos2004

ديسك واسطوانه مالهوش علاقه بكتمه العربيه-على ما اعتقد

الكتمه فلاتر-بوجيهات -طرمبه
ضعيفه-سير كاتينه قرب ينتهى -حساس بايظ او قرب يودع

---

كله تمام عدا الي بالازرق يا ابو حميد

الي بالازرق دة حصل معايا

انا حصل معايا نفس اللي حصل معاك وانا شاكك فعلا في الاسطوانة خصوصا ان صوت العربية بقي عالي بس مش هاغيرها دلوقتى وياريت لو غيرتها وفرقت معاك ياريت تقولي

انا هغير الجمعة الجاية ان شاء الله الاسطوانة والديسك وبليه دبرياج و هشوف الفرق لان الدبرياج تقيل اوى قارفنى عامل زى بتاع الشاهين ، بالنسبه للسيور جديده و سلك البوجيهات جديد و البوجيهات واحد شمعه يابانى كله غيرته ، بس ياريت ياجماعة توجهو نظرى للحساسات الى ابص عليها عايزه تتنضف بال w4 او اغيرها او اعرف ان فيها مشكله ازاى.

فلتر الهواء جبته جديد من يومين

مفيش حساسات بتتنضف

الايدل بيتنضف بس مبيفرقش فى اداء العربية خالص

MMamdouh

طب ياجماعة اجرب ايه تانى وانا عند الميكانيكى انا حاسس ان علبة البيئة كاتمة العربيه اشيها واجرب احط ماسورة واشوف سحب العربيه هيفرق ولا لاء ! شاكك فيها خصوصا العربيه كانت بتجيب دخنه بيضا قبل النصف عمره دى ، وكمان الزيت كان بينزل ف الشكمان من المكنه كانت بتدخن ممكن تكون مسدوده ؟

احنمال كبير تلف علبة البيئة اكشف عليها

غيرت طرمبة البنزين وجبت وحده استعمال خارج هجرب بيها انهاردة الجمعة ف الحر بعد الصلاة عشان العربيه لما بتسخن بتظهر المشاكل الى كانت بتصادفنى

المشكلة خلاص فى طلمبة البنزين كانت السبب وهرجع الاستعمال خارج عشان بتزن ودى بدايه بوظان الموتور الى فيها وقلقان من المستعمل فى الحاجات دى خصوصا الموبينه او طلمبة البنزين هجيبها جديده gm عاملة 500 جنيه واريح بالى طالما حاجه جديده واصليه فى العربية

هات ماتور بوش اصلى 250 وركبه او هات الماتور الاصلى 200 وركبه جوة الطلمبه
ولو انته من طنطا وعاوز مستعمل فيه واحد كويس اسمه اسامه قدام محله مرحوم عند شركه البترول عندة شغل فوق الممتاز استيراد

اقتباس:

---

المشاركة الأصلية كتبت بواسطة lanos2004

هات ماتور بوش اصلى 250 وركبه او هات الماتور الاصلى 200 وركبه جوة الطلمبه
ولو انته من طنطا وعاوز مستعمل فيه واحد كويس اسمه اسامه قدام محله مرحوم عند شركه البترول عندة شغل فوق الممتاز استيراد

---

بعد اذن حضرتك الماتور البوش أو الاصلى بيتجاب منين لان معظم الموجود بيبقى صينى و فيه واحد بتاع ميتسوبيشى و مكتوب صناعة يبانى بس سعره 100 جنيه و فى اعتقادى انه مضروب

تغيير الموتور مش مفيد اوي لكن غير الطرمبة بالكامل افضل وفرق السعر اعتقد مش كبير بالنسبة للعمر الافتراضي

انا هرجع طرمبة البنزين الجديده لانها بتأخر دوارة العربيه ونضفت القديمه وغسلتها بالبنزين وفيكتها كلها وركبتها ف العربيه بقت احسن من الجديده ومبتأخرش دوارة العربية و مع الحر شغاله تمام

انا مغير الماتور بماتور اوريجنال وشغال زى الفل--لما فكيت الطرمبه لقيت جواها رمل والله رمل شكرا بنزينات مصر

المشكله مطلعتش من الطرمبة الجديده طلعت من الرشاشات ، الطرمبة الجديده ضغطها شديد بتأخر ف الدوارة وهيا بارده الكل اجمع انها رشاشات ف مش هرجعها