ليكوي مولي ولا فالفولين !!!

**m7mda7md** · 05-06-2012 03:37 AM

اعتقد يا باشتنا صعب حد يبت في الموضوع ده الا عن تجربه و اعتقد الاعضاء ال جربوا الاتنين بالفعل قليلين ان كانوا موجودين اساسا....انا لسه حاطط سيرا تك و توب تك بتوع ليكوي مولي و ماشي بيهم 100 كيلو تقريبا و مع ذلك مش راضي اكتب تقييم لأنه هيكون مش دقيق و ممكن يكون خادع فيما بعد....و لكن مبدأيا موبيل ده لا يرقي انه يتسمي زيت موتور و شل افضل من موبيل بكتير و لكن ليكوي مولي بالفعل اخد خطوه عنهم و هي هدوء صوت الموتور و خصوصا في الأر بي ام العالي و دي حاجه جميله جدا....لسه محكمتش علي معدل البخر و الاداء في الشتا و استهلاك البنزين و الاحتفاظ باللزوجه بس انا متفائل جدا خصوصا بعد ما استخدمت منظف الرشاشات بتاعهم و عجبني جدا.....تجربتي مع فالفولين كانت زيت فتيس مانيوال و كان قبله في عضه في الريفيرس و اختفت مع فالفولين و تحسن باقي النقلات بقدر يكاد يكون غير ملحوظ و التقل بتاع الصبح في الشتا انعدم الحمد لله و بدون اي تغير في استهلاك البنزين

**Dr_Smart** · 05-06-2012 03:56 AM

المشاركة الأصلية كتبت بواسطة yoko

على حسب العربيه العربيات الي مواتيرها عنيفه زي الفيات والبروتون الليقوي أفضل

ممكن افهم يعني ايه عربيات مواتيرها عنيفه ؟؟؟؟

وايه تاني غير الفيات والبروتون ؟

**zangry** · 05-06-2012 04:03 AM

المشاركة الأصلية كتبت بواسطة dr_smart

ممكن افهم يعني ايه عربيات مواتيرها عنيفه ؟؟؟؟

وايه تاني غير الفيات والبروتون ؟

والله اخدت السؤال من على لسانى كنت لسه داخل اكتبة :d

**MohammedAladel** · 05-06-2012 10:43 AM

أيوة الناس اللى بتحكم بتحكم على أساس إيه عامة انا بستخدم توتال كوارتز وعايز أغير المرة الجاية لليكوى مولى خصوصا فرق السعر بينهم وصل 80 جنيه لصالح ليكوى بس هل ليكوى بنفس كفاءة توتال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ أنا اشتريت كوارتز ب 265 والبديل ليه فى ليكوى ب 190 بس

**yoko** · 05-06-2012 11:33 AM

المشاركة الأصلية كتبت بواسطة Dr_Smart

ممكن افهم يعني ايه عربيات مواتيرها عنيفه ؟؟؟؟

وايه تاني غير الفيات والبروتون ؟

المواتير العصبيه هي المواتير التربو والي متصممة إنها تجري أكتر من المشي العادي زي الجين 2 اومن الأخر المواتير الي تسارعها عالي مقارنة بحجم الموتور

المشاركة الأصلية كتبت بواسطة MohammedAladel

أيوة الناس اللى بتحكم بتحكم على أساس إيه عامة انا بستخدم توتال كوارتز وعايز أغير المرة الجاية لليكوى مولى خصوصا فرق السعر بينهم وصل 80 جنيه لصالح ليكوى بس هل ليكوى بنفس كفاءة توتال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ أنا اشتريت كوارتز ب 265 والبديل ليه فى ليكوى ب 190 بس

كوارتز انا حطيته عندي على صوت المكنة وخلاها خشنة وزود إستهلاك البنزين

**BassamHafez** · 05-06-2012 11:45 AM

انا جربت الاتنين

فلفولين كنت حاطط 5w30 وده كان ممتااااااااااز جدا لما كنت بسوق سواقه هاديه لكن لما قرصت عليه قرصه جامده الموتور صوته على حاجه عبيطه بس انا عشان مركز مع العربيه حسيتها

الليكوي كنت حاطط هاي تك 5w40 وده برضو كان ممتاااااااااااااااز جدا وكان حلو في الحرق وما كنتش بحس ان الموتور صوته على بعد الشد

بصراحه مش عارف فالفولين 5w40 ها يكون زي الليكوي من نفس اللزوجه ولا لا

بس بصراحه الاتنين حلوين جدا في حاله السواقه العاديه

العربيه اللي تم تجربه الزيوت عليها تيدا 2010 اوتوماتيك