مش عايز احبطك بس ماخفى كان اعظم
عرض للطباعة
و يقولك طور مصر للطيران !!!!!!!!!! حسبى الله و نعم الوكيل
الشهاده لله
انا ركبت مصر للطيران في رحلات داخليه وخارجيه لحضور مؤتمرات طبية:
في تناقض كبير جدا بين مستوي الطيارات على حسب المكان اللي رايحاه:
مثلا طيارة مصر للطيران اللي ركبتها وانا مسافر لندن او دبي "مستوي رائع من حيث راحة الكراسي والشاشات والطاقم وكفاءة الطائره" تختلف تماما عن اللي ركبتها وانا رايح السعوديه للعمره
مثلا :وانا راجع من العمره الضغط داخل الطائره كان بيتغير بطريقه مستفزه تؤدي الي الم بالاذن اثناء الاقلاع والهبوط
وكذلك الرحلات الداخليه اللي رايحه
مرسى علم تختلف تماما عن الي رايحه اي مكان اخر
مع العلم ان كلهم درجه سياحيه
ربنا يصلح احوال مصر ويصلح اخلاق وضمائر الشعب الحبيب
ويارب اعيش لما اشوف مصر في احسن حال
وربنا يولي علينا من يتق الله فينا
ويحفظ لهذا الشعب كرامته ويعمل على راحته.
محروق ابومصر للطيران على العملها
دى شركه مكروبصات مش طيرات
دا طيران نسمه احلى منها
مستوى الطيارات فعلا هتلاقى اختلاف فيه وخصوصا لو بتسافر كتير ودة راجع لأن الشركة قعدت فترة طويلة بنفس الاسطول بدون اى تحديث بس الحمد لله فاقوا شوية وجابوا طيارات جديدة وطبعا فى العادى لو مفيش اى مشاكل هتلاقى الطيارات دى بتطلع دول معينة ودة اكتر كمان فى الطيارات الكبيرة زة a330 و b777
عاملة زى مايكون عندك عربية تعبانة وعربية نضيفة لو مشوار فيه بهدلة هتطلع التعبانة علشان التانية متدبهدلش
معاملة الضيافة حسب الراكب
بصراحة احيانا بيبقى فى ركاب مستفزين
يعنى واحد فى السعودية مثلا ودة حصل اودامى التذكرة بتاعتة سياحية وهو داخل لقى كرسى فاضى راح قاعد علية ( كرسى بيزنس) المضيفة تحاول تفهمة انة مينفعش ولازم يرجع ورا فى الكرسى بتاعت ودة بيتكلم بقله ذوق اية المشكلة يعنى هو مش كرسى فاضى اهو ... طبيعة بشر سواء راكب او مضيفة
موضوع الرحلات الداخلية هتلاقيها جت معاك صدفة لأن الداخلى تقريبا كله واحد والطيارات
[frame="1 80"]
سعر غالى معاملة زفت وضيافة زفت - والله حتى المضيفات عاملين زى بتوع الشاى فى القطار
[/frame]
هههههههههه حلوة
فعلا المضيفات شكلهم خناشير قوى وماينفعوش خالص ومعاملتهم نيلة
هذة احدى انجازات شفيق اللى مصدع دماغنا بيه ليل نهار حسبنا الله و نعم الوكيل
أنا جربت مصر للطيران لرحلات أوروبية ....... ممتازين.
و رحلات في دول شرق آسيا ........ رضه كانوا ممتازين .
وضاح أنهم مختلفين على كل خط !!!!
و دي مش أحترافية في التعامل !
و بصراحة أنا بركب مصر للطيران تشجيعا للشركات المصرية و برضه علشان ما قابلنيش أي مشاكل معاهم حتى الآن .
معظم المضيفات الجداد وسايط بنسب عالية
واهم حاجة الحركات وكلمتين انجليزى ( طبعا فى منهم محترمين سواء على المستوى الشخصى او المهنى )
ومعظمهم واخدين الشغلانة فلوس وفسح ولما تزهق او تتجوز هتسيبها
فا بالمواصفات دى مش هتتعب نفسها علشان تجيبلك حاجة دة غير انك فى شركة حكومية يعنى النظام مريح شويتين :))
انا في الخط بتاع القاهرة الدمام
بحالات على حسب الستف لكن الفتره الأخيره بيحطوا أسوء طيارات عندهم (بتزيق من كل حتة وبتكون airbus قديمه)
اللى بشوفه انهم بيتعاملوا حسب الراكب وحسب الموود :))
بس كلمة حق مستوى الضيافة كاداء اشخاص على الشركات الخاصة المصرية احسن من مصر للطيران
طبعا مش قاعدة عامة لأن فى مصر للطيران ناس محترمين جدا بس لو انت اخدت مقارنة ككل هنا وهنا هتطلع الشركات الخاصة احسن
انا بقالي بتاع 18 سنه بركب الدمام (الظهران زمان) القاهرة
أنا عارف أصوات التزيق دي لكن اليحصل أكتر من مره خصوصا لما بيكون في معاد مقتول (بعيد عن السيزون) بتبقى الطياره الairbus القلم الي هي a320 تقريبا (مش متأكد)
المكان بتاع الشنط فوق مش ماسك نفسه وبيلعب طول ما الطيارة ماشيه وكذا مره اللوك بايظ وملزوق بسوليتب ومره واحده يفك ويترزع
الكرسي سايب من مكانه
مكان الرجلين يا مش موجود يا مكسور (متعلق من ناحيه واحده)
حتى طربيزة الاكل مره جيت أفتحها لقيت الذراع ماسك ناحيه والناحيه التانيه مفيش وغيرت مكاني بسبب الحوار ده
لأ أنا بشوف مهاذل
ومسافر تاني عليها للأسف للدمام يوم 7 أغسطس الطيارة بوينج 777 (غالبا بتكون محترمة عشان وقت سيزون)
وراجع 16 سبتمبر الطياره a340
واضح انك عانيت كتير :))
مشكلة الطيارات القديمة انك هتلاقى مشاكل الكابينة كتير شوية
بص حتة ان مكان الشنط يلعب دى صعب شوية ( مش بكدبك ) وبالاخص اثناء الرحلة ممكن يبقى فيه هزة خفيفة فى ال landing او ال take off اول لما الطيارة تسيب الارض وقبل مايلم العجل ... انما سايب فا دة عيب no go
اللوك المكسور معاك , ممكن يكون اتكسر ومفيش وقت لتغييرة فا بيتقفل بشريط كويس ولا يتم استخدامة , دة عيب لا يؤثر على سلامة الطيارة ( ممكن فى الرحلة دى متلزقش كويس وبالتالى فتح )
الكرسى مش ثابت صعب جدا دة no go item , انا هقولك الفرق :
- الكرسى نفسه مش ثابت فى ارضية الطيارة دة صعب جدا وغير مسموح
- ضهر الكرسى بيتحرك ودة طبيعى بيبقى فيه بوش وبيبقى ليه حدود مسموح بها
اماكن الرجلين اعتقد ان كان نزل تعديل بالغائهم ( الكراسى الجديدة على الطيارات اللى اتجددت مش هتلاقيها حتى فى البيزنس )
معظم مشاكل الكابينة زى حاجة مكسورة حاجة سايبة بتبقى لو الطيارة جاية من رحلة وطالعة على طول والراكب اللى اتكسر منه سكت وطنش ومبيبقاش فى وقت للكشف على الكابينة كلها بس فى الحالة دى من حقك تغير الكرسى وبيتقفل الكرسى علشان محدش يقعد فيه
أنا فاهم الكلام ده كله وفنيا لو الطيارة تمام الراكب مش بيشوف غير الحاجات (الهبلة وغير مؤثرة) الي جوه الكبينه وبتقفله من الرحلة
وموضوع المكان الشنط ده والله كان حاصل ومش في takeoff ولا landing
ضهر الكرسي كان البوش كبير جدا مش مسموح بيه خالص (لما الضهر يلعب على الأقل في زاويه 10 أو 15 درجة على الأقل)
أنا عارف إن ده في وجهة نظر المهندسين زي حالتنا تفاهات بدام مش مؤثره على السلامة لكن الزبون بيقفل منها
موضوع مكان الشنط دة كان طيارة اية ؟؟؟!!!
ظهر الكرسى اعتقد كان لحد 2 او 2.5 سم اودام وورا من الوضع ال neutral وال limitation دى بتفرق حسب نوع الكرسى , خلى بالك مع الاستخدام البوش هيزيد ولكن دة اقصى حد مسموح به وبعدة يبقى الكرسى فيه مشكلة يايتصلح يايتقفل لحد لما يتصلح
المشكلة فى طيارات الشركة انهم قعدوا فترة طويلة مفيش تجديد للأسطول غير مؤخرا ودة اللى ادى لكل المشاكل دى ولو تلاحظ اغلبيتها متعلق بالكابينة والكراسى لأن دى من اكتر الحاجات اللى بتتبهدل فى الطيارة
وهتلاقى الطيارات الصغيرة القديمة الكابينة متبهدله اكتر من الطيارات الكبيرة لأن الطيارات الصغيرة مبتقعدش شغالة طالعة نازلة مش زى الكبيرة بتسافر مسافات طويلة يعنى ممكن فى رحلة لطيارة كبيرة تكون الصغيرة عملت رحلتين تلاتة ان مكنش اكتر
انا شغلى فى اثيوبيا بسافر فى السنة حوالى 6 مرات على مصر للطيران
رحلة واحدة يوميا الى اديس ابابا ذهابا وأيابا طبعا بيكون فى الطيارة crew 2
وبشوف مهازل طبعا طقم المضيفين الى جاى بالطيارة بينام فى رحلة العودة والعكس
المضيفات نايمين فى الكراسى الخلفية كل واحدة واخدة تلات كراسى ونايمين
بعد الاقلاع وتوزيع الوجبات القسم الخلفى والبوفية بيتقلب قهوة وبيقعدوا يتكلموا مع بعضهم وناسين الركاب
يا سلام لو طلبت قهوة او اى مشروب كأنك غلطت ووش خشب
بالمقارنة بالخطوط ألاثيوبية مصر للطيران حاجة تكسف
الواحد بردو بيختار مصر للطيران بيقول عشان يساند الاقتصاد الوطني لكن لازم الشكاوي دي توصل
للمسئولين عن الشركه لان الناس بعد كده هتغير رأيها وتختار شركات اخرى
طبعا مش عايز احكي عن الفيديو اللي لسه شغال بشرايط و بيسف ...... و عن الكاسيت المركزي ابو شرايط برضه و برضه بيسف .......
تكنولوجيا من ايام الترللي امان
wecare@egyptair.com
صورة من الشكوى وصورة من المحضر
فى حالة سوء الاحوال الجوية ( الفعلية ) الشركة غير مسئولة عن تعويض الركاب لأن دى حالة خارجة عن ادارة اى شركة ( ليست تقصير من الشركة ) ولكن كنوع من المجاملة والضيافة يتم تقديم مشروبات للركاب
حمداً لله على سلامتك يا عم :)
صيّتهملك على تويتر
النوت مش بابليك لو حد مش فريند مش هتفتح عنده :)
عجبى وبيقولو مصر للطيران واخده تصنيف بركاتك ياشفيق هههههه
تقريبا كل تجاربى مع مصر للطيران تجارب غير سعيده بالمره
يا جدعان انا ركبت مصر للطيران مرة واحدة
شوفت حاجات غريبة منها انها جايبة زجاجة بيبسى 2 لتر زجاجة فانتا واللى تختار منة تحطلك فى كوباية قاعدين فى قهوة
والله كان منظر مسخرة
والاكل بقى قولتهم عايز فراخ ما بحبش اللحمة الرد الفراخ خلصت خد لحمة ماشى يا عم الكمسرى هات
افتح اللحمة كلها دهن مش لاقى لحمة تتاكل اصلا
طيراااااان مسخرة
مصر الطيران ديه لو اتفتحنا في الكلام عيلها مش هانخلص بس للاسف
بتبقى شر لابد منه عشان معاد سفر او سعر او وقت
ده ابسط حاجة ان المضيفات بيزعقوا للركاااب عادي جدا
تقريبا عشان يندموهم على اليوم اللي حجزوا فيه
طب لما ديه مصر للطيران .. مصر كلها هايبقى حالها ايه
ربنا يصبرنااااااااا
انا تجربتى مع مصر للطيران للرحلات الاوروبيه اقل ما توصف بانها كانت زفت الطين
مسافر هولندا و الرحله نازله ترانزيت فى المانيا 14 ساعه
و رمونا فى المطار ولا حجز فندق ولا غيره
تكلم مندوب مصر للطيران يقول لك حجز الفندق على لوفتهانزا روح كلمهم
تكلم لوفتهانزا يقولوا ان موضوع الفندق ده على مصر للطيران مش عليهم لان انا شارى التذكره من مصر للطيران احنا مهمتنا ننقل بس من المانيا لهولندا حسب اتفاقهم مع مصر للطيران (و ده كلام منطقى جدا)
و للعلم من قبل ما نطلع من مصر و المفروض ان فيه حجز فندق و متاكد
يا راجل ده طيران الماليزيه مره كنا نازلين 6 ساعات فى ماليزيا اتحجز لنا فندق و غدا فى الفندق و لما استفسرنا قالوا لنا ان ده قانون دولى طالما فيه فترة ترانزيت (4 او 6 ساعات مش فاكر بالضبط) لازم يتحجز فندق