واحد خابطنى و كمان دفعتلة فلوس لو انتا مكانى هتعمل اية؟؟

كنت فى الميرلاند و كنت بركن فى مكان اللى بتبقى صف واحد موازى معا الرصيف و انا بعد موقفت وبرجع و و خلى بالكو كويس او من كلمت كنت برجع دى و كان الرصيف على يمينى و عشان اخش فى المكان يبقى لازم و انا راجع اكسر يمين المهم و انا برجع تاكسى ابيض الصينى ال byd دخل فى الاكصدام ناحية الشما طبعا بعديها نزل هوا وقاعد يزعق و قال اية انا طلعت قدامة مرة واحدة و انا اللى خبطة وانا اللى غلطان و هوا فى الاساس هوا اللى دخل فية و الدليل على كدة عندى الاكصدام اتفك و بقت علية بويا بيضة من التاكسى و هوا بيقلى ان الرفرف بتاعة انا اللى طبقتة و الرفرف بتاعة مطبق باين علية من الاول عشان لو انا الللى طبقتهولو كان هطبع عندة اللون بتاع فى الرفرف بتاعة و دة محصلش و احنا واقفين بنتخانق معا بعض دخل فى الكلام اتنين رجالة سنهم كبير و لما لقيوة قليل الادب و صوتة عالى سابونا مشيوة و الراجل قعد يهدد فيا و يقولى لو متصلحتش هكسرلك عربيتك دة ير ان قدى فى الجسم مرتين و هاخود حقى و هوا المفروض هوا اللى يصلحلى الاكصدام بتاعى اللى هوا دخل فية و فى الاخر اديتة 100 جنية و هى كلها لو هتتصلح كانت هتتكلف 30 بالكبير اوى لان مفيش عندة بوهية وقعت ولا حاجة و كدة يعتبر بلطجة و انا من الربكة مختش رقم التكسى بتاعة ولا اى حاجة و قعد بعد ماخد الفلوس يقولى اية تعالى معايا عشان لو اتبقت فلوس تاخدها هوا اول ماقلى كدة جة فى بالى على طول انو لما هيردها ممكن تنزل البوهية اللى عليها و ساعتها هيقولى رشهالى قمت انا قولتلة انتا طلبت 100 جنية و الناس اللى شافتها حاكمت بى 50 جنية و هى اصلا هتتكلف 30 دة لو عند واحد غالى ورغم ذلك ختها بردو اتكل على الله و فكك منى و ركب التاكسى بتاعة و مشى

عايز اعرف الاراء عشان لما بعد الشر يحصل موقف تانى زى دة ابقى عارف اتصرف ازاى انا من الارتباك من اسلوبة معرفتش افكر اصلا خصوصا انى محصلش معايا موقف زى دة قبل كدة غير مرة واحدة و مكنتش بالطريقة دى

لو انتا مكانى هتعمل اية؟؟

لو أنا مكانك هايبقى نهاره أسود لأني أكيد انا اللي قده مرتين في الجسم.. ولو ما نفعش الجسم في الطبنجة تنفع مع الأشكال اللي زيه.. وانت غلطان إنك اديته فلوس، أضعف الإيمان قوله تعالى نعمل محضر في القسم واطلب عربية النجدة ولو جه جنب عربيتك بأي حاجة وافتح نفوخه

الناس هترد عليك وتقولك انت غلطان ولو كنت مكانك كنت عملت وسويت
وانا بقولك يكفي الخضه اللي بتتخضها ومنها بتكون مرتبك جدا وتفكيرك بيتشل
عن نفسي قبل كده كنت ماشي في تقاطع وواحد جاي زي الصاروخ وانا مش شايفه هو طريقه
لكن دي مش سرعة يمشي فيها بحواري كنت هندخل في بعض وكانت هتبقى حادثة جامدة
انا من الخضه ارتبكت جامد وخدت 5 دقايق تفكيري مشلول والراجل اصلا محترف نازل يزعق
بعدها مسكته وعملت معاه الصح وركبته الغلط ولولا انها جت سليمه كنا ممكن نمسك في بعض

بس انت نصيبك بقى وقعك في سواق تاكسي وكمان خبرة لان اللي بيعمل حادثة وينزل يزعق
اعرف انه محترف حوادث وكونه سواق تاكسي فانت معرفتش تاخد معاه لا حق ولا باطل
بس طبعا ده نصاب والمفروض كان هو اللي يدفع بس انت معذور طبعا
وفي كل الاحوال خير يمكن لو في احتمال 1% انه هو صاحب حق يبقى انت كده ضمنت انك مش ظلمه
وصدقني انت هتتعلم من الموقف ده وبعد كده هتعرف تتعامل لو لا قدر الله حصل حاجه

اقتباس:

---

المشاركة الأصلية كتبت بواسطة Sehsss

لو أنا مكانك هايبقى نهاره أسود لأني أكيد انا اللي قده مرتين في الجسم.. ولو ما نفعش الجسم في الطبنجة تنفع مع الأشكال اللي زيه.. وانت غلطان إنك اديته فلوس، أضعف الإيمان قوله تعالى نعمل محضر في القسم واطلب عربية النجدة ولو جه جنب عربيتك بأي حاجة وافتح نفوخه

---

ههههههههه مش بقلك شرانى :d

بس معاك حق

كل اللى هقدر اقولهولك انك طييييييييييييييب اوى
العمر واحد و الرب واحد يا استاذ و قل لن يصيبنا الا ما كتبه الله لنا خش بعد كده بقلب جامد فى اى حد و متخفش من حد الا من اللى خلقك ( الزمن ده عايز كده )
و ربنا ان شاء الله هيطلع على جته اهله ال 100 جنيه اللى اخدها منك
يارب يكون معدى قصاد منجد ضارب برشام و رامى شويه مسامير فى الارض يطيرلعوا ال 4 فرد
ينزل يبص على الفرد ييجى اتوبيس ساحى فااااااااخر يدشمله هو و العربيه
^_^

اقتباس:

---

المشاركة الأصلية كتبت بواسطة semi

الناس هترد عليك وتقولك انت غلطان ولو كنت مكانك كنت عملت وسويت
وانا بقولك يكفي الخضه اللي بتتخضها ومنها بتكون مرتبك جدا وتفكيرك بيتشل
عن نفسي قبل كده كنت ماشي في تقاطع وواحد جاي زي الصاروخ وانا مش شايفه هو طريقه
لكن دي مش سرعة يمشي فيها بحواري كنت هندخل في بعض وكانت هتبقى حادثة جامدة
انا من الخضه ارتبكت جامد وخدت 5 دقايق تفكيري مشلول والراجل اصلا محترف نازل يزعق
بعدها مسكته وعملت معاه الصح وركبته الغلط ولولا انها جت سليمه كنا ممكن نمسك في بعض

بس انت نصيبك بقى وقعك في سواق تاكسي وكمان خبرة لان اللي بيعمل حادثة وينزل يزعق
اعرف انه محترف حوادث وكونه سواق تاكسي فانت معرفتش تاخد معاه لا حق ولا باطل
بس طبعا ده نصاب والمفروض كان هو اللي يدفع بس انت معذور طبعا
وفي كل الاحوال خير يمكن لو في احتمال 1% انه هو صاحب حق يبقى انت كده ضمنت انك مش ظلمه
وصدقني انت هتتعلم من الموقف ده وبعد كده هتعرف تتعامل لو لا قدر الله حصل حاجه

---

+1111111111111

اقتباس:

---

المشاركة الأصلية كتبت بواسطة ahmedeihab

كل اللى هقدر اقولهولك انك طييييييييييييييب اوى
العمر واحد و الرب واحد يا استاذ و قل لن يصيبنا الا ما كتبه الله لنا خش بعد كده بقلب جامد فى اى حد و متخفش من حد الا من اللى خلقك ( الزمن ده عايز كده )
و ربنا ان شاء الله هيطلع على جته اهله ال 100 جنيه اللى اخدها منك
يارب يكون معدى قصاد منجد ضارب برشام و رامى شويه مسامير فى الارض يطيرلعوا ال 4 فرد
ينزل يبص على الفرد ييجى اتوبيس ساحى فااااااااخر يدشمله هو و العربيه
^_^

---

هههههههههههههههههه

انا بصراحه في المواقف الي زي دي مقرر هعمل ايه هسحب العصايه من جمبي عملها للمواقف الي زي دي لحد لما اشوف مضرب بيسبول وانزل وقبل ما يتكلم واحده في دراعه مكنش دراعه نخش علي القفص الصدري وشوية حلوين في العربيه دا في حالة انها عربيه اجره انما الناس الي زينا كدا بنزل اهزر لو الموضوع بسيط
كلمه لطيفه العربيه عليها اقساط وابتسامه بتعدي

حصل خير بس الناس دي قليلة الادب اصلا
متزعلش
قول حسبي الله
ودي تكفي ..

اقتباس:

---

المشاركة الأصلية كتبت بواسطة ahmedeihab

كل اللى هقدر اقولهولك انك طييييييييييييييب اوى
العمر واحد و الرب واحد يا استاذ و قل لن يصيبنا الا ما كتبه الله لنا خش بعد كده بقلب جامد فى اى حد و متخفش من حد الا من اللى خلقك ( الزمن ده عايز كده )
و ربنا ان شاء الله هيطلع على جته اهله ال 100 جنيه اللى اخدها منك
يارب يكون معدى قصاد منجد ضارب برشام و رامى شويه مسامير فى الارض يطيرلعوا ال 4 فرد
ينزل يبص على الفرد ييجى اتوبيس ساحى فااااااااخر يدشمله هو و العربيه
^_^

---

هههههههههه اضحك الله سنك يااحمد وربنا يعوضك خير يافيرومان ويكفيك الشر

بص يا باشا ان كان هو طمعان في الفلوس مش هيتهنا بيها لانها ظلم واذا كنت انت غلطان اديك الحمد لله صلحت غلطك
قدر الله وما شاء فعل

انسي الموضوع ومتفكرش كتير
قضي الامر واللي حصل انتهي

انا من راى الشخصى انتا فديت نفسك 100 جنية
و الحمد لله على كل شىء نيجى بقى للموضوع
دة نوع من انواع النصب الجديدة اصلى المصيبة انى اقلية من الناس ذوى النفوس الضعيفة
بتحترف و بطور نفسها فى النصب
هو دلوقتى بيقولك اية بدل ماقعد فى الحر الف و احرق بنزين و حرق دم و اعصاب انا اعمل مصلحة او اتسنكح على اى حد
و سياتك بتقول انو واقف يعنى واقف يصطاد و احسن شىء انتا عملته انى انتا مروحتش معاه فى اى حتة لانى الموضوع مش بوية و له هدفع عند صنيعى و له دة لا الموضوع انى انتا ممكن تروح معاه مكان و تتثبت و تتاخد منك عربيتك

الجمد لله جت سليمة
و منه لله لو هو ظالم او اخد حق مش حقه

ربنا بيحبك يا باشا دول ناس مش هتعرف تسلك معاهم وبعدين ال 100 جنيه اللى ادتهاله ولو انها مش مبلغ يتصلح بيه خبطات بس حقك برضه ولو جنيه واحد بس كان مفروض تاخد رقم العربية وتبلغ فيه بعد ما يمشى بس ربنا خلاك تنسى لظروف هو اعلم بيها وربنا يعوضك خير وكل واحد بياخد نصيبه

كنت اديله 200 جنيه وريح نفسك-خناق ايه بس وبتاع ايه-هوة فيه حد فاضى لوجع الدماغ
دة مرة واحد من دول بتوع الاشتغالات واقف فى امان الله وعمال يرجع واديله كلاس وبيرجع برضه قمت معشق الاولانى ودايس بنزين وزقيته من قدامى ومشيت وهوة عمال يشتم انا عمال اضحك -هعمل ايه انا راكب لانوس وعربيتى اصلا مفهاش حته سليمه

فرفووووووووور .......... بس .............. ههههههههههه

أنصحك تشرب بيريل

اقتباس:

---

المشاركة الأصلية كتبت بواسطة semi

الناس هترد عليك وتقولك انت غلطان ولو كنت مكانك كنت عملت وسويت
وانا بقولك يكفي الخضه اللي بتتخضها ومنها بتكون مرتبك جدا وتفكيرك بيتشل
عن نفسي قبل كده كنت ماشي في تقاطع وواحد جاي زي الصاروخ وانا مش شايفه هو طريقه
لكن دي مش سرعة يمشي فيها بحواري كنت هندخل في بعض وكانت هتبقى حادثة جامدة
انا من الخضه ارتبكت جامد وخدت 5 دقايق تفكيري مشلول والراجل اصلا محترف نازل يزعق
بعدها مسكته وعملت معاه الصح وركبته الغلط ولولا انها جت سليمه كنا ممكن نمسك في بعض

بس انت نصيبك بقى وقعك في سواق تاكسي وكمان خبرة لان اللي بيعمل حادثة وينزل يزعق
اعرف انه محترف حوادث وكونه سواق تاكسي فانت معرفتش تاخد معاه لا حق ولا باطل
بس طبعا ده نصاب والمفروض كان هو اللي يدفع بس انت معذور طبعا
وفي كل الاحوال خير يمكن لو في احتمال 1% انه هو صاحب حق يبقى انت كده ضمنت انك مش ظلمه
وصدقني انت هتتعلم من الموقف ده وبعد كده هتعرف تتعامل لو لا قدر الله حصل حاجه

---

+11111111111111111111111111111

اقتباس:

---

المشاركة الأصلية كتبت بواسطة alaamousa

بص يا باشا ان كان هو طمعان في الفلوس مش هيتهنا بيها لانها ظلم واذا كنت انت غلطان اديك الحمد لله صلحت غلطك
قدر الله وما شاء فعل

---

+11111

قدر الله وما شاء فعل - الموضوع مش موضوع 100ج - أو خناقة أو صوت عالي - الواحد في الوقت دا بيكون مش عارف أنه هو اللي غلطان ولا الطرف الآخر:fun_10_9_134[1]: ، فبيتشتت وما بيقدرش يقرر ، وخصوصاً لو تدخل حد زود تشتته ( زي الراجلين اللي دخلوا في الأول ومشيوا ) ، عموماً الحمد لله ، وزي ما أحد المشاركين قال : أشتريت دماغك بالـ 100ج دول ، ولو أنا حصل لي كدة مع حد نصاب وكنت مترددة كنت أديته الفلوس برضوا بس بإحتكار وأقلله أدام نفسه وأدام اللي واقفين ، وأعرفه أنه هو نصاب وشحات بالمحسوس مش مباشر :10_9_133:.

والله انا لو مكانك كنت ربيتة وعملت انا مع الصح وخدت منة فلوس كمان ويبقى يلمس بس العربية مش يكسرها

طالما انا مش غلطان ومتأكد من دة 100 فى 100 يبقى انسى ويولع بجاز معفن وخلية يقعد يهوهو للصبح طالما انى صح

شوف ياباشا انت كدة غلطان عشان اديتلة فلوس انا مش معاك خالص فى الموضوع دة

حصل خير ومحدش بيتعلم ببلاش

قول الحمد لله انها جت على قد كدا
وكبر دماغك
بس المره الجايه اتغدى بيه قبل ما يتعشى بيك
وزق واشتم وكدا يعنى وعلى صوتك واعمل انك بتتصل بالنجده وكدا يعنى

السلام عليكم ورحمة الله وبركاته
اخى الكريم اعرف حاجة مهمه جدا انك لو كنت غلطان فمن افسد شئ فعليه اصلاحه فانت اصلحته لوجه الله
ولو انت مش غلطان صدقنى وعن تجربة الـ 100 جنيه اللى اخدها الاخ الثانى هيدفعها اكثر من كده

انا مش عارف الكلام ده بالليل ولا بالنهار
بس أيا كان كان هيبقي نهار أو ليل اللي جابوه أسود مطين علي دماغهم

ريح دماغك بعد كدا , الي يخبطك قوله نطلع ع القسم و دا اخر كلام عندي
هيسيبك لو راجل محترم و مش هايقول حاجه
لكن الاشكال الغلط بقى هايقولك لا انا عايز حقي , قوله حقه تاخد ف القسم

و سيبه يهوهو مع نفسه

اقتباس:

---

المشاركة الأصلية كتبت بواسطة Sehsss

لو أنا مكانك هايبقى نهاره أسود لأني أكيد انا اللي قده مرتين في الجسم.. ولو ما نفعش الجسم في الطبنجة تنفع مع الأشكال اللي زيه.. وانت غلطان إنك اديته فلوس، أضعف الإيمان قوله تعالى نعمل محضر في القسم واطلب عربية النجدة ولو جه جنب عربيتك بأي حاجة وافتح نفوخه

---

ماوصلتش للطبنجه

اولا حمد الله على سلامتك وكويس انها جت على قد كده
ولكن المفروض أنك ما كنتش اديتله اى حاجة
وفعلا كنت طلبت النجدة

سيبه يههوهوو وخد عربيتك وامشي وركز لو لا قدر الله اتكررت

بص الناس فى الحالات دى بتبداء تقول انا مكانك كنت عملت و سويت طب مش عاوز احلف
كان فيه خناقة ايام الجامعة من كام سنة و كل واحد يقول لصاحبنا انت لو مشكنت جريت كنت عملت و سويت و صاحبى دة قالى بعد لما الموضوع ده انفض كل اللى كان عامل عشر رجالة فى بعض جرى زى الفراخ الناس بق على الفاضى

نيجى بقى لكلام العقل ... فى الف داهية الميت ملطوش و اتاكد ان البرنس هيدفعهم اضعاف كده ... يعنى عسكرى يرخم عليه.. امين شرطة عادى جدااا

تفتكر لو كنت اتخانقت معاه كان لما تضربة هيحصل ايه ؟؟
ولا اى حاجة هيروح البيت عادى جدااا
- تصور انت بقى لو انت اللى انضربت او اخدتلك ضربة ما ايه اللى هيحصل؟
انا ممكن مش اطلع من البيت لمدة كام يوم , تعرف ليه ؟ لان احنا عندنا كرامة و مش واخدين على قلة القيمة.

التصرف العاقل هو انك مش تتخانق معاه و دة الصح
انا من رائي
تقف تتصل بالنجدة ...
تتحصل بالناس صحابك و نقعد و نتكلم مش هناكل بعض فى الشارع
و معظم الناس اللى بتعدى فى الشارع بتهنجم و تقول اى كلام
و احيانا الزعيق بينفع و الى صوتة اعلى هو اللى بياخد الجو العام

يا عم الحاج مافيش حكومة اليومين دول والبوليسة نايمة فى العسليكا

اقتباس:

---

المشاركة الأصلية كتبت بواسطة Sehsss

لو أنا مكانك هايبقى نهاره أسود لأني أكيد انا اللي قده مرتين في الجسم.. ولو ما نفعش الجسم في الطبنجة تنفع مع الأشكال اللي زيه.. وانت غلطان إنك اديته فلوس، أضعف الإيمان قوله تعالى نعمل محضر في القسم واطلب عربية النجدة ولو جه جنب عربيتك بأي حاجة وافتح نفوخه

---

:Bravo::Bravo::Bravo:

تمام ياهندسة دول ناس معندهاش دم أصلا ومتجيش الا بالعين الحمرا أحنا عايزين زمن التوت والنبوت يرجع تانى

اقتباس:

---

المشاركة الأصلية كتبت بواسطة zangry

ههههههههه مش بقلك شرانى :d

بس معاك حق

---

:36_1_1[1]::gun_smilie::2::gun_bandana::70[1]:

اقتباس:

---

المشاركة الأصلية كتبت بواسطة ahma8

بص الناس فى الحالات دى بتبداء تقول انا مكانك كنت عملت و سويت طب مش عاوز احلف
كان فيه خناقة ايام الجامعة من كام سنة و كل واحد يقول لصاحبنا انت لو مشكنت جريت كنت عملت و سويت و صاحبى دة قالى بعد لما الموضوع ده انفض كل اللى كان عامل عشر رجالة فى بعض جرى زى الفراخ الناس بق على الفاضى

نيجى بقى لكلام العقل ... فى الف داهية الميت ملطوش و اتاكد ان البرنس هيدفعهم اضعاف كده ... يعنى عسكرى يرخم عليه.. امين شرطة عادى جدااا

تفتكر لو كنت اتخانقت معاه كان لما تضربة هيحصل ايه ؟؟
ولا اى حاجة هيروح البيت عادى جدااا
- تصور انت بقى لو انت اللى انضربت او اخدتلك ضربة ما ايه اللى هيحصل؟
انا ممكن مش اطلع من البيت لمدة كام يوم , تعرف ليه ؟ لان احنا عندنا كرامة و مش واخدين على قلة القيمة.

التصرف العاقل هو انك مش تتخانق معاه و دة الصح
انا من رائي
تقف تتصل بالنجدة ...
تتحصل بالناس صحابك و نقعد و نتكلم مش هناكل بعض فى الشارع
و معظم الناس اللى بتعدى فى الشارع بتهنجم و تقول اى كلام
و احيانا الزعيق بينفع و الى صوتة اعلى هو اللى بياخد الجو العام

يا عم الحاج مافيش حكومة اليومين دول والبوليسة نايمة فى العسليكا

---

انا لما فكرت بعد كدة لقيت انى بالميت جنية دى اشتريت عدواتة و اشتريت بدل مانروح القسم و البهدهلة عشان موضوع صغير و عديت الموضوع و خلاص خصوص ان الحمد للة الخبطة عندى الحمد لله صغيرة مش مستهلة رم ان الاكصدام اتفك

اقتباس:

---

المشاركة الأصلية كتبت بواسطة veroman

انا لما فكرت بعد كدة لقيت انى بالميت جنية دى اشتريت عدواتة و اشتريت بدل مانروح القسم و البهدهلة عشان موضوع صغير و عديت الموضوع و خلاص خصوص ان الحمد لله الخبطة عندى الحمد لله صغيرة مش مستهلة رم ان الاكصدام اتفك

---

بس إنت دفعت التمن غالي الموضوع مش موضوع خسارة فلوس الخسارة هنا إنك صغرت قدام نفسك إن فيه جزء جواك إتكسر و بقي يخاف, المرة دي هددك إنه هايكسر العربية المرة الجاية يا عالم أي حد ممكن يهددك بأية تاني, بعد كده لما حد هايبلطج عليك مش هاتقدر تتصدرله لأنك نفسياً إتهزمت و إنت دلوقتي بتحاول تحسن صورة نفسك قدامك و بتحاول تبرر اللي حصل بس نفسياُ الموضوع مأثر فيك علشان كده عملت موضوع و إستنيت إن حد يقولك إنك عملت الصح و إن مكنش فيه حاجة غير كده تتعمل

العنف ملوش الف لازمه الا لو بتدافع عن نفسك
والجديد فى السواقه بيتعرف من طريقته المتسرعه لما العربيه تتخبط
واعتقد انك اللى غلطان عشان مخدتش بالك من الطريق وانت بترجع ولو عايز تتأكد لو فاكر شكل العربيات لما نزلت هتلاقيه هو عربيه مستقيمه على الطريق وعربيتك مايله عليه عشان كده الأكصدام اتخلع متطبقش
وسواق التاكس بيبقى ليه عذر لما بيطلب تعويض عشان المفروض يرجع البيت بعد الورديه ب 50 مثلا البيت ياكل منها يلاقى نفسه هيرجع من غير فلوس وممكن يدفع كمان العشره ولا العشرين اللى خارج بيها من البيت فوقيهم
والعربيات كده كده بتصرف والحمد لله انها جت فى حديد مش بى ادم
ولو فى موقف متأكد انك مش غلطان متدفعش حاجه وانت هادى وان شاء الله مش هيحصل حاجه

بص يا باشا مع اني والحمد للة رياضي متقدم في لعبة قتالية بس لا تزعل الحكاية حسب الظروف لو معاك اهلك في العربية مينفعش تتخانق انا اتخانق في حالة واحدة لو كان قليل الادب وغلط فيا وهنا هوا قليل الادب لاكن لما تقعد تفكر انتا صح لا تندم لو موتة او كسرتة او العكس الحكاية هنا الخسائر هتكون كتييير طيب لو حصل لك موقف كدة تاني اقفل العربية كويس وامشي وخد رقم العربية الي قدامك علشان لو نفذ تهديدة تبلغ علية او تمشي بلعربية او تلم علية الناس وتطلب النجدة او تعمل الي انتا عملتة او تضربة وتخلص وكل دة تفكير واحنا هاديين قاعدين قدام الاب لاكن الجد حسب المقدر لك اللة ينجيك