اللاب توب مبينطقش ومش قادر اوديه يتصلح !

**SAbuhashem** · 17-06-2008 03:18 PM

اللاب توب إتطرطش عليه بيبسي مش إندلق عليه

نشفنا قطرات البيبسي من الكيبورد وقلبناه بسرعة وفضل شغال عادي
بعدين شلنا البطارية وسبناه ينشف

لما ركبنا البطارية تاني منطقش ولا حتى أي علامة على الحياة إلا اللمبة إلي تدل إن البطارية جاري شحنها وبتقلب من برتقالي لأخضر دليل إن البطارية شحنت
غير كدة مش راضي ينطق نهائي وبقالوا إسبوع على كدة دة لو كان وقع في البحر كان نشف !!

المشكلة إن عليه حاجات برايفت كتير وكل لما اوديه لواحد يقولي سيبوه وأنا مش واثق في أي حد وخايف إنه يقعد يفتش في الهارد ديسك بعد ما يصلحه

حاولت أطلع الهارد ديسك واحطه في كايس علشان اشيل كل الداتا من عليه لقيت الكونكشن بتاعه غريب غير أي هارد ديسك تاني وغير كل ال-External Cases إلي عندي مما زاد المشكلة

أي إقتراحات لسبب المشكلة
أو حد يصلحه وأنا معاه ولو حتى أفضل معاه اليوم كله

إيه الحل ؟!

Thanks
Eng.Sherif Shaker

**Karim_Monir** · 17-06-2008 03:40 PM

هابتدي من الاخر
الاكسترنال كيس نوعين
اما IDE وده القديم
واما SATA
دي مش مشكلة تجيب اي كيس تمنه حوالي 40 جنية
وتاخد الداتا بتاعتك
انت عايز حد جامد اديلك نمرة مهندس شاطر قوي ومتخصص لاب توب بس
ومكانة في سوق العصر
وقولوة انك من طرف كريم منير
هايخدة ويظبطهولك ويديلك الهارد قبل ما يشتغل فيه
حتى يصلحة وانت راجعلة تجيب الهارد معاك يركبهولك ويقوملك الجهاز
0101566178
مهندس محمد
وشاطر جدا فعلا
كلمة وقوللي عملت ايه

**AhmedGen2** · 18-06-2008 03:06 PM

طب يا جماعة حد يعرف مهندس ليه فى الراوترز والشبكات ؟ ، عندى اتنين راوترز واحد منهم وايرلس Linksys والتانى موصل بيه الكابلات عادى ، بس اللابتوب مش بيلقط وايرلس من الوايرلس التانى دة خالص رغم إنى لغيت ال DHCP من عليه ومخلى الراوتر الأول بس هو اللى DHCP Enabled ومظبط ال Wirless settings من جوة وكله تمام ، حتى لما آجى اوصله كابل عادى النت بيشتغل تمام ، لكن وايرلس لا مش عارف ليه .

فلو حد يعرف مهندس يقدر ييجى البيت يبقى ممتاز اوى انا ساكن فى هليوبليس.

**Karim_Monir** · 18-06-2008 03:28 PM

مش عارف والله يا اسلام
انا اعرف مهندسين نتورك كتير بس مايرضوش يتحركو في الكلام ده ويروح بيوت
دول بيروحو شركات وتكلفتهم عالية لانهم بيشتغلو سيسكو

**SAbuhashem** · 19-06-2008 01:54 AM

كريم
كلمت مهندس محمد و وديتله اللاب توب
وصي عليه بقى :)

هكلمك بكرة

Thanks
Eng.Sherif Shaker

**Ahmed Selim** · 19-06-2008 10:41 AM

المشاركة الأصلية كتبت بواسطة IslamGen2

طب يا جماعة حد يعرف مهندس ليه فى الراوترز والشبكات ؟ ، عندى اتنين راوترز واحد منهم وايرلس Linksys والتانى موصل بيه الكابلات عادى ، بس اللابتوب مش بيلقط وايرلس من الوايرلس التانى دة خالص رغم إنى لغيت ال DHCP من عليه ومخلى الراوتر الأول بس هو اللى DHCP Enabled ومظبط ال Wirless settings من جوة وكله تمام ، حتى لما آجى اوصله كابل عادى النت بيشتغل تمام ، لكن وايرلس لا مش عارف ليه .

فلو حد يعرف مهندس يقدر ييجى البيت يبقى ممتاز اوى انا ساكن فى هليوبليس.

بص يا أسلام أنا عامل عندى نفس ال setup ده وشغال

هو تعبنى شوية فى الأول بس الحمدلله أشتغل

هو أنت مدى للوايرلس روتر IP و Gateway أيه ؟

المفروض يكونو من ال Network الأصلية يتاعت الروتر العادى وحسب ما فهمت من كلامك لما توصل أيثرنت ( كابل عادى ) على الوايرلس روتر بيشتغل صح ؟

جرب تشغل ال DHCP على الوايرلس روتر و شوف هيديك IP أيه فى الحالتين Wireless & Wired

**Karim_Monir** · 19-06-2008 01:15 PM

المشاركة الأصلية كتبت بواسطة SAbuhashem

كريم
كلمت مهندس محمد و وديتله اللاب توب
وصي عليه بقى :)

هكلمك بكرة

Thanks
Eng.Sherif Shaker

عينيا يا شريف
هو ما يتوصاش
هو شاطر قوي
هو الجهاز ايه قولتلي

-

-

-

الموضوع: اللاب توب مبينطقش ومش قادر اوديه يتصلح !

LinkBack

أدوات الموضوع

عرض

اللاب توب مبينطقش ومش قادر اوديه يتصلح ! - انشر الموضوع فى :

-

-

-

-

-

-

المواضيع المتشابهه

محتاج مساعده... التلفزيون في البيت باظ اوديه لمين ولا اعمل ايه؟؟

هو الكمبورسور ممكن يتصلح

هو الكمبورسور ممكن يتصلح

ينفع شرخ الزجاج يتصلح ولا دى اشتغالة

الانزار الجديد باظ هل ينفع يتصلح

الكلمات الدلالية لهذا الموضوع

المفضلات

المفضلات

ضوابط المشاركة