يا ترى حد جرب الطريق الساحلى الجديد من الاسماعيلية الى دمياط و رأس البر و جمصة
و نظامه ايه و المسافة قد ايه و السرعات عليه ايه
عرض للطباعة
يا ترى حد جرب الطريق الساحلى الجديد من الاسماعيلية الى دمياط و رأس البر و جمصة
و نظامه ايه و المسافة قد ايه و السرعات عليه ايه
انا جربت من بورسعيد لدمياط. يادوبك نص ساعة بس. مشوار صغير (غير كافي للرد على كل اسئلتك)بس انطباعي عنة انه طريق كويس. أحسن من طرق دمياط التانية (كفر سعد، فاراسكور...) بكتير لو ناوي تصيف في راس البر
. :D
انا جربته من اسكندرية لبورسعيد هو من اسكندرية لرشيد كويس و من دمياط لبورسعيد كويس من رشيد لدمياط (يعنى نصف الطريق 135 كم تقريبا) زى الز..... ، اقصد سىء ، لكن ميزته انه فاضى و ان كانت برضه ممكن تعتبر عيب
السرعة طبعا 100 لكن فى اجزاء الطريق مش قد كده، و انصح انك تبص عليه فى جوجل ايرث علشان اللوحات الارشادية مش كتير و ممكن تفوت على المكان اللى انتى عايزه من غيرما تاخد بالك، و كمان مفيش خدمات كتير،مثلا تقريبا مفيش محطة بنزين فيها 92 و العدد على الطريق كله حوالى 3-4 بنزينه فى 300 كم من اسكندرية لحد الاخر
بصراحة أنا جربته من جمصة لغاية أسكندرية ..
الطريق كان زى الفل ..
بس هو فعلا مافيش عليه إرشادات تقريبا خالص ..
ولاخدمات .. ولا أي حاجه .. لكن في منتهي الجمال .. علي قد تجربتي ..
بس لازم العربية تكون سليمة .. علشان ما يبقاش في وجع دماغ .. وربنا يسترها دايما ..
الوصلة من االاسماعيلية مرورا ببورسعيد ودمياط كويسة وتبتدى القرف من اول جمصة كدة هتلاقى الطريق مش مظبوط لحد ما تعدى المنصورة بشوية يبتدى يظبط ويرجع يتنيل تانى من رشيد الى ما قبل الاسكندرية بشوية .
هوا معقول اوى فى السفر خصوصا انك هتبقا ماشى على 120 مثلا ومفيش مطبات ولا ردار ولا وجع قلب.
شكرا لكم يا جماعة
انا حاطلع من القاهرة و كنت رايح جمصة و عادة كنا بنطلع على الطريق الزراعى
لكن السنة دى سمعت عن الطريق الساحلى و قلت اسألكم يمكن حد جربه قبل كده
و هو كام كيلومتر تقريبا من القاهرة لغاية جمصة على الطريق الساحلى
فى الطريق الزراعى كانت فى حدود 230 كم
استنى بقى لو راح تطلع من القاهره لجمصه من على الطريق الساحلى يبقى راح تمشى مسافة حواىل 100 كم اكثر من اى طريق أخر انت عايز تطلع من القاهره ثم الاسماعيلية ثم الوصله من بورسعيد لدمياط ثم جمصه هو طريق رائع بكل المقاييس المصريه و انا شخصيا جربته اكتر من مره لكن يعيبه طول المسافه زى ما قلت حواى 100 كم زيادة عن طريق المنصوره دمياط الالغربى اللى بيمر على كفر سعد طبعا عيبه ان عليه حوالى 150 مطب بدون مبالغه من اول بنها لحد جمصه تقريبا عددهم كده فاشوف بقى عايز تمشى 100 كيلو زيادة بدون زياده فى الوقت براحتك
كل اللي اقدر اقوله من بورسعيد لاسكندريه محدش يسافر على الطريق ده بليل الا لو كان حافظه. الطريق مفيهوش نور ولا خطوط على الارض خالص!!
لكن هل هناك علامات ارشادية للاتجاهات من دمياط لجمصة
الطريق معقول من اسكندرية لبورسعيد بس منطقة جمصة بايظة شوية و الرجوع كان سيئ (مطبات هواء كتير جدا)
و طبعا لا خدمات لا علامات لا اشارات