معروض عليا 128 موديل 88 على 20000 نهائي والراجل مش عايز يتحتح عن كده ولا ينزل ولا مليم هي بصراحه العربيه حالتها حلوه و مش رشه دواخل
ايه رايكم في السعر ده؟
عرض للطباعة
معروض عليا 128 موديل 88 على 20000 نهائي والراجل مش عايز يتحتح عن كده ولا ينزل ولا مليم هي بصراحه العربيه حالتها حلوه و مش رشه دواخل
ايه رايكم في السعر ده؟
لو حالتها فعلا حلوة و فابريقة جوة و مش محتاجة مصاريف كتير تبقي لقطة الصراحة لان تمن العربية دي لو حالتها حلوة منها ممكن يوصل 21 و 22 الف ......
لو السعر كده يبقى حلوة أوي ... بس اكشف عليها كويس
الراجل رجع في كلامه
و قالي مش عايز ابيع
فين سوق سيدي بشر ده و مواعيده ايه لو سمحت؟
بص يا سيدي سوق سيدي بشر دة في شارع العيسوي وقريب من فندق رمادا
بس خد معاك سمكري معرفه وامين بحيث انة ميبعكش ,حاول تشوف حاجة مع ركيب ,بالتوفيق
العربيات بتقف في سوق سيدي بشر من الساعة كام ؟ و ده بيبقي موجود كل يوم ولا في يوم معين بس ؟
غالبا هوة يوم الاحد دة اليوم الرسمي بتاعهم ولكن هما موجودين كل يوم وتقريبا من7
الي 10,بالتوفيق
أخي أنصحك نصيحة كما نصحك الأخ الفاضل من قبلي
شوف لك حاجة مع واحد ركيب
وبصراحة لا أحب سوق سيدي بشر خالص ، ممكن تقع وقعة مش تمام فيه
عليك بالوسيط ودور فيه حتى لو حتروح تتفرج على 50 عربية ، واعذرني في الكلمة ، تحلى بشيء من برود الأعصاب عند الشراء ، يعني الذي يبيع عنده خيار واحد فقط وهو أن يبيع سيارته
أما أنت فلديك ألف خيار فأنت معك فلوس ممكن تشتري بيها أي سيارة تريدها
خلاصة الكلام لا تتعجل ونصحتي الذهبية ، وأنت تشتري ضع نفسك في محل البائع ، هل هذه السيارة ممكن أبيعها بسهولة ولا بطلوع الروح ؟
وفقك الله تعالى