الموضوع: تحزير بخصوص Sym Fiddle

شيل قيمه الضمان لمده سنين و الاكسسوارات و شويه ضرايب حيوصل مصر بالسعر ده بجانب مكان التقفيل

المشاركة الأصلية كتبت بواسطة kanou

كلام حضرتك مش مظبوط عن الضريبه فى مصر الضريبه بتوصل 200%
واسال بتوع الريس حاتعرف الاسكوتر ده بكام

لأ يا باشا أنا كلامي صح 100%
الجمارك علي الموتوسيكل 15% فقط و ضريبة المبيعات 10% و يتم أحتساب هذه القيمة تقديريا بمعرفة الجمارك و دائما هذه القيمة بتكون أقل بكتير من القيمة الحقيقية

و مافيش حكاية 200% دي نهائي في الموتوسيكلات دي أشتغالة من التجار ليس أكتر.

و ده مش مجرد كلام
ده عن تجربة حقيقية في أستيراد موتوسيكل و تخليص الجمارك و ضريبة المبيعات بنفسي

ده طبيعى ..انا كنت فى ماليزيا بلد البروتون وكان سعرها هناك اغلى من هنا
الفيدل ده موديل من شركة sym ودى شركه عالميه وليها سمعتها ومش هتنزل منتج غير مطابق للمواصفات
وطبيعى ان التسعير بيبقى حسب السوق اللى الحاجه نازله فيه..غير ان جمارك الموتوسيكلات مش زى العربيات وبلد المنشا بتفرق فى الجمرك..والفيدل من مصنع الصين ويمكن يكون اللى فى اوروبا من مصنع تايوان لأن الشركه ليها مصنعين

المشكله الاكبر ان الاستاذ احمد جاب الخلاصه مش لاقي مصدر لقطع الغيار اصلا دي لو ماركه محترمه يكون ليها مركز صيانه اصلا ولا حتي محل دول ولا اللي بيبيع مخدرات الوب سايت مفهوش عنوان واحد والتلفونات مقفوله وكمان في كذا واحد يقولك ان هو التوكيل وفي النهايه تلاقي واحد يقولك تعالا صفحه الجروب في الفيس بوك تروح تلاقي كله وهم في وهم واظاهر ان في مصالح لناس كتيره مع الماركه دي بالذات وبيتعملها دعايه عالنت جامده

المشاركة الأصلية كتبت بواسطة mhmdabdo

المشكله الاكبر ان الاستاذ احمد جاب الخلاصه مش لاقي مصدر لقطع الغيار اصلا دي لو ماركه محترمه يكون ليها مركز صيانه اصلا ولا حتي محل دول ولا اللي بيبيع مخدرات الوب سايت مفهوش عنوان واحد والتلفونات مقفوله وكمان في كذا واحد يقولك ان هو التوكيل وفي النهايه تلاقي واحد يقولك تعالا صفحه الجروب في الفيس بوك تروح تلاقي كله وهم في وهم واظاهر ان في مصالح لناس كتيره مع الماركه دي بالذات وبيتعملها دعايه عالنت جامده

أنا شايف أن كلام حضرتك مظبوط و كمان أنا دايخ بقالي شهر و ملقتش حد يقنعني ب ال sym بس كل اللي مغريني أنها رخيصة بس.
و للأسف سألت ناس كتير ليه تمنها رخيص و الهوندا و البيجو أغلى مع أن نفس المواصفات محدش عرف يرد.

ممكن توضح موضوع البزين ده ؟ أصل واحد صاحبي قال لي إن استهلاكه بسيط جداً و ده منطقي عشان موتور صغير !

المشاركة الأصلية كتبت بواسطة ahmed1789291

لو عايزين رأى واحد مجرب ال fiddle ii ..... أنا مجربه و عامل بيه اكتر ٧٥٠٠ كلم وماشى معايا كويس جدا الحمد لله و على حد علمى زى ماكتيير قالوا هنا إنه سكوتر تايوانى متقفل فى الصين و ليس تصنيع صينى ودا باين جداً لما تشيل الفيبر وتشوف الشاسيه و طريقة اللحام و الوصلات لكن الموتور و الفيتيس أقدر أقول ممتاذ و أحسن من الهوندا ١٢٥
على فكره الهوندا ١٢٥ اللى فى السوق تقفيل صينى أيضاً
و إللى أعرفه على إن كل الموديلات sym ال ١٥٠ cc إللى بتنزل مصر تقفيل صينى أما الأكبر فتايوانى و دا يفسر فرق السعر الكبير
من مميزاته هو التسارع و من عيوبه فى رأيى إستهلاكه للبنزين و صوته العالى نسبياً زى كل السكوترز ال cvt
سرعته القصوى ١٠٠ الى ١١٠ كلم / س لكن فى العاده بتكون سرعتى من ٨٠ الى ٩٠ كلم/س على المحور من الشيخ زايد للمهندسين
فى وسط البلد أكثر من رائع فى سرعته و سهولة التحكم فيه
لغاية دلوقتى مش عارف أوصل لمصدر source قطع الغيار بتاعته
يارب أكون أضفت معلومه مفيده عن السكوتر fiddle ii 150cc

ممكن حضرتك توضح موضوع البنزين ده ؟ أصل واحد صاحبي قال لي إن استهلاكه بسيط جداً و ده منطقي عشان موتور صغير !

البنزين عالي شويه ومن غير ما تجربه وانا حقلك ليه
شوف في موتوسيكلات كتير في مصر من سنتين عملو 3 بوجيه و 4بوجيه وطبعا ان عارف ان البوجيه بيحرق البنزين اللي داخل الماتور وبالتالي بيستهلك كميه بنزين اقل عشان يوصل للكميه المحروقه المطلوبه
لو تابعت كل المواقع بره حتلاقي انهم بيهتمو بتفاصيل الميكانيكا اكتر ودا يفسر مثلا ان sym hd 200 مش موجود في مصر لانه حجمه صغير وتبريد ميه وبالتالي هنا بعتمدو علي السعر فقط في التسويق وميهمهمش المكنه تعيش ولا لا مع ان الفرق مش كبير + ان فيه مكن كتير انجكشن يعني يستهلك بنزين اقل بكتير منالكربرتير وكدا
عامتا في نوع في مصر ممتاز بس موتوسيكل مش سكوتر بيعمل 35 كيلو في اللتر في الزحمه 200cc
وفي 45 كيلو متر كمان بس 125 3 بوجيه

في النهايه كنت عاوز اسأل عن عفشه السكوتر والماكس سكوتر وهل ممكن ياخد مطب كبير بدون ما يحك ؟؟؟؟؟؟؟؟؟؟؟؟؟؟؟