-
مابقتش طايق البيت
انا مش عارف ابدا كلامى ازاى لان ربنا يعلم الحالة اللى انا فيها
بس حاسس انى عايز افك مع حد مايعرفنيش شوية
انا ابويا باختصار كدة ولا لية اى دور فى حياتى
شايل الهم والمسؤلية من صغرى
من صغرى وانا بشوفة بيزعل امى وعلى طول مالوش دعوة بينا ولا بيقعد يتكلم معانا ولا كانة موجود فى حياتنا اصلا
لدرجة انى بقيت عايش كانى ماليش اب شايلة من حساباتى خالص
على طول الناس كلها عارفة كل حاجة عننا منة هو لازم كل حاجة يحكيها للناس علشان يعرف الناس انة قد اية بيعمل ومستحملنا والاخبار تجيلنا من الغريب ان ابوك قال وماينفعش كدة واحنا اصلا مابنعملش معاة اى حاجة وحشة ومستحملين وساكتين
وعلى طول بيزعل امى وهى اصلا اللى ليا فى الدنيا وهى اللى شالية همنا وبتحسسنا بالامان وبتعوضنا عن اللى هو عاملة معانا
انما انا كل اللى مزعلنى هى لان احنا كدة كدة بنشيل جوان وبنسكت لاكن بنلاقى اصحابنا نضحك ونتكلم مع بعض ونفك معاهم شوية
انما هى هتعمل اية جدى وجدتى متوفين ياعنى مالهاش حد فى الدنيا غيرنا وهو ولاعايز يفهم كدة
يجى من الشغل ينزل الشارع مع اصحابة او على القهوة ويطلع 12 ولا 1 باليل ينام وملعون ابو ام الناس اللى عايشة معاة فى البيت
وباردوا بحاول اعوضها عن اللى هو بيعملة معاها وعلى طول قريب منها وبشيل جوايا وبسكت لغاية ماتعبت
واخر مشكلة بينى وبينة ماقدرتش امسك نفسى وزعقت معاة جامد وضربنى وكانت مشكلة جامد وهى وقعت فى النص وجالها انهيار ولسانها تقل مابتقدرش تكلم كويس
انا نفسى اسيب البيت وخايف عليها لانى اصلا عايش ددا كلة فى البيت علشان خاطرها هى
مش عايز اشوفة ولا اتعامل معاة تانى بجد تعبت منة وخايف لما اسيب البيت يجرلها حاجة لانها باردوا بتتصبر بيا وحتى وهى تعبانة مش بترتاح غير لما اكون انا جنبها
هو لية الناس دى بتعمل فينا كدة
انا بتحسر لما اشوف زمايلى ابهاتهم بيعملوهم كويس وانا ابويا مش موجود فى حياتى
وكمان لما اشوف ابويا كويس مع الناس ومعانا احنا لا
انا فعلا تعبااااااااااااااان وطول عمرى جوايا الكلام دا ومش بحكية علشان مابحبش اتعب حد باللى جوايا
-
'طبعا متسيبش البيت وحاول تستحمل زى ما والدتك استحملت عشانك
ومتتحسرش كل واحد بياخد نصيبه وياما ابهات زىه واسوأ منه حاول تبص للى اقل منك مش اعلى منك وياما بيوت فى وضع زى ده بس هم مش بيقولوا زى ما انت مش بتقول
وهو ابتلاء حاول تدور عالدروس اللى ربنا باعتها لك فيه زى انك تعامل مراتك ان شاء الله وولادك ازاى ومتكونش صورة منه
وزى انك تعوض امك
وزى انك تبره برضه وتقاوم نفسك وتعامل ربنا فيه وفى اى حد يظلمك مش تعامل الشخص نفسه
وزى انك تتفوق وتخرج بنفسك وبوالدتك من الوضع ده
وزى ان فكرك ميبقاش زى فكر المتخلفين اللى بيوصلوا المرأة فى مجتمعنا فى الآخر انها تتقبل اوضاع عذاب واهانة لمجرد انها تحتفظ ببرواز ولقب زوجة عشان متتعرضش للبلاوى الى بتتعرض لها المطلقة
وزى انك تتفقه فى الدين اكتر عشان تعرف اللى ليك وعليك فى اى تعامل
وتأكد ان المشكلة هتزيدك صلابة وهتخلى منك انسان احسن متسمحلوش يهزمك او يقتل حاجات حلوة فيك
وعليك بالدعاء ربنا قادر على كل شىء
ومحدش هيقدر يقوللك ليه الناس دى بتعمل كده لأن هى الدنيا كده فيها الحلو والوحش والله اعلم هو اتعرض لأ]ه فى صغره خلاه كده وممكن جدا يكون من وجهة نظره بيقنع نفسه انه عامل اللى عليه ومبيغلطش
واحنا مش بنختار اهلنا بس بنختار احنا ممكن نكون مين فى الدنيا
ركز فى اللى تقدر تعمله اكتر من الحاجات الى ملكش يد فيها
-
مش عارف ابدأ الرد منين والله يا ميدو....
انا حاسس بيك جدا والله واتضايقك اوى لما قريت موضوعك لأنى بحط نفسى مكانك قبل ما أرد....
للأسف برده فى الأول والاخر ده والدك....ومحدش بيختار أبوه وأمه....حاول مره واتنين وتلاته تقرب منه وتتكلم معاه وتحسسه انه ملهوش دور فى حياتكم....وانك محتاجله يبقى قريب منك....حاول تيجى على نفسك شوف مثلا هوا بيحب ايه وتعملهوله.....مثلا بيحب الكوره اتكلم معاه فى الكوره بيحب السياسه اقعد اتكلم معاه فى السياسه...والله يا ميدو الكلام ده مع انه ممكن يبقى بسيط أوى بس ممكن وحده وحده يقربك منه ويبدأ يحس إنه مقصر فى حق....
حاول على قدر المستطاع كل ما تتخنق تقرب من ربنا أكتروأكتر وتخليك جمب والدتك أكتر - ربنا يارب يباركلك فيها ويديها الصحه وطولة العمر- لأن واضح انها بتحبك أوى ووجودك جمبها بيريحها.....حاول يا ميدو تانى وتالت ورابع ومتزهقش لأن ده فى النهايه أبوك برده مهما عمل فيك ومهما زعلك أبوك برده...
أعرف واحد صاحبى يا ميدو والله كان مخنوق أوى زيك ويمكن اكتر من والده....وساب البيت وسافر السعوديه ومسألش 3 سنين عن والده خالص.....والده اتوفى من 4 شهور تقريبا بقى بيضرب نفسه يا ميدو بالجزمه انه مسألش عنه ولا كلف نفسه يرفع التليفون يطمن عليه برغم كل اللى عمله فيه لأنى زى ما بقولك ده ابوه برده...وصاحبى عايش بقاله 4 شهور فى اكتئاب واحساس بالذنب ان برغم كل اللى ابوه عمله فيه وفى امه خايف ان ابوه يكون اتوفى وهوا غضبان عليه عشان قاطعه ومسالش عنه 3 سنين...
الخلاصه يعنى .... حاول على قد ما تقدر تقرب منه ومتزهقش...وافتكر كل ما يصدك مره أو يزعلك مره...انك بتعمل كده ابتغاءا لمرضاة الله عز وجل لأنه أبوك ومهما عمل ليه حق عليك....
ده ربنا سبحانه وتعالى قال " وإن جاهداك على أن تشرك بى ما ليس لك به علم فلا تطعهما وصاحبهما فى الدنيا معروفا"
ياااااااااااااااااااااااا ه.....يعنى سبحانه وتعالى بيقولك لو صلت بأبوك أنه شغال زن عليك كل شويه زن زن زن زن عشان تكفر بالله عز وجل أوعى تقاطعه أو تزعله وتصاحبهم فى الدنيا بالمعروف.....عرفت برده قيمة رضاء الأب وألأم عند ربنا سبحانه وتعالى.....
إن شاء الله تتحسن الأمور وربنا يباركلك فى والدتك يارب ويسعدها بيك.....ونسئل الله الهداية للسيد الوالد ولنا أجمعين يارب العالمين....
-
-
بص بقى يا معلم.
انا مش عايزك تشيل هم الدنيا كتير وكويس انك سالت الناس هنا كلهم فى منتهى الادب والذوق.
انا عندى سؤال بس يا باسا يمكن اعرف اساعدك انت بتدرس ولا شغال؟
تقبل تحياتى ولو احتجت اى مشورة او مساعدة كلمنى رقمى هتلاقيه فى ملفى الخاص.
بس اوعى تسيب البيت صدقنى كل حاجة ليها حل.
-
بص يا ميدو
انا قصرت مع اهلى كتير
بسبب شغلى
اخترت الشغل على حساب اهلى
فى الاخر
كل اللى بنيته فى الشغل راح
اللى بيبقى ليك هو الناس اللى بتحبك من قلبها
شوف ليه والدك مش سعيد فى البيت
حلل الموقف
هل هو - عذراً فى اللفظ - من النوع اللى مش بيحب يشيل مسئولية
هل هو عدم تفاهم معاكم او مع الوالدة
انظر للموقف بحيادية كأنك شخص من الخارج هتعرف الموقف فيه ايه
وبعد كدة حاول تدخل حد من اللى ليهم تأثير عليه
سواء ادبى كخال والدك او عمه او جدك
او نفسى زى صديق مقرب ليه
ربنا يقوم والدتك بالسلامة
-
ربنا يصبرك ... كل واحد فينا عند مشاكل، إلي ايدو بتوجعو أو ضهرو قافش أو عندو صداع مزمن. لو صحتك كويسة ممكن صحة حد من الاسرة تكون فيها مشكلة... أو الواحد شغلو في مشكلة. لي واحد صاحبي كان يقولي: أنا عندي مكتب إستيراد و في نفس الوقت موظف في بنك ،،، لما التجارة تشد أرباح البنك تريح ... و لما أرباح البنك تزبط التجارة تنام! في الاخر كلو بيتساوى! بالنسبة لوالد حضرتك الافضل مكنش يكون في موجهة، لكن بما انها حصلت يبقى متهيألي الحل المؤقت يكون التجاهل منك ليه و هو كمان هيتجنبك! و ربنا يصلح حالنا و حالك قول آمين و تذكر في النهاية إن الحياه كلها رحلة قصيرة مهما طالت... و الام و الاب مش ممكن يتعوضو مهما يكون في مشاكل - أخوك أحمد سامي
-
لو شغال خد شقه باليجار انت والحاجه شويه
واشترو دماغكو النوعيه بتاعة القهاوي واللي بطلع سر البيت عمره ملا بينعدل
-
السلام عليكم
لن أقول أفضل مما قالته العضوة الفاضلة azmeralda و لتبحث عن الحكم الشرعي...فالثابت في السنة ( أنت و مالك لأبيك )
و في ذات الوقت أمك ثم أمك ثم أمك ثم أبيك
-
ربنا يعينك شيل الراجل من دماغك و هي تمشي انت واضح بتمسك عليه كل كلمة بيقولها لك هتسيب البيت تروح فين محدش بينفع حد صدقني الدنيا ديف محدش واخد منها حاجة ا
Content Relevant URLs by
vBSEO 3.6.0 PL2