اكسيل 97 ولا صنى 94 محتارة بين الاتنين

السلام عليكم ورحمة الله وبركاته

انا قدامى عربيتين الاتنيين فى قنا جنبنا هروح اشوفهم يوم الجمعة ان شاء الله
انا هقول مواصفات الاتنيين وثقولولى انه افضل لانى انا معرفش


الاولى هوينداى اكسل 97
سيدان وماشية 15400 كيلو فبريكة من جوا منوال فيها تكييف وريموت وانذار وسنتروراديو كاست على 33000 الحقيقة معرفش سعة الموتور نسيت اساله بس رخصة العربية سارية لحد شهر اكتور اللى جاى


التانية نيسان صنى 94
1300 سى سى منوال فبريكا من جوا رشة من بره نضافة وفيها طبعا راديو كاست وفيها مكيف شغال
وجنوط معروضة على 28500 وقالى هاتى اى مكانيكى ويكشف عليها بره وجوا معندوش مشكلة ووعدنى انه ممكن ينزل فى السعر شوية والرخصة سارية لحد اخر الشهر ده بس الفحص لحد 2014
انا مش عارفة انه احسن افتونى

أكسيل لو حالتها نضيفة و 1500

طب ليه اكسيل عشان افهم عشان انا مش عندى خبرة فى العربيات

هو الشئ الغريب ان مكتوب الهيونداي ماشية 15 الف كيلو في 15 سنة
ازاي مش عارف ؟؟؟

اقتباس:

---

المشاركة الأصلية كتبت بواسطة الزيرو

طب ليه اكسيل عشان افهم عشان انا مش عندى خبرة فى العربيات

---

قطع غيارها متوفرة جدا جدا ورخيصة جداااااااا
صياناتها سهلة وأي حد بيشتغل فيها
الصني ده مش متوفرة قوي وحتي لو حبيت تبيع الأكسيل هتتباع هوا

اقتباس:

---

المشاركة الأصلية كتبت بواسطة ahmed1006

هو الشئ الغريب ان مكتوب الهيونداي ماشية 15 الف كيلو في 15 سنة
ازاي مش عارف ؟؟؟

---

أكيد في صفر ناقص

يا باشا الحالة هي الفيصل بس طبعا الياباني اعتمادية أفضل

اقتباس:

---

المشاركة الأصلية كتبت بواسطة Eng.Geo

أكيد في صفر ناقص

---

اشكرك انا كنت حاسس بكده بردوا :clover:

الاتنيين فى قنا وانا هاخد ميكانيكى واروح ولو الحالتين ممتازين ايه افضل اليابانى ولا الكورى وكمان السعر الصنى ارخص بالنسبة ليا

اقتباس:

---

المشاركة الأصلية كتبت بواسطة الزيرو

الاتنيين فى قنا وانا هاخد ميكانيكى واروح ولو الحالتين ممتازين ايه افضل اليابانى ولا الكورى وكمان السعر الصنى ارخص بالنسبة ليا

---

في الحالة دي يبقى الياباني طبعا

اقتباس:

---

المشاركة الأصلية كتبت بواسطة Sehsss

في الحالة دي يبقى الياباني طبعا

---

:verygood:

اهم حاجه حاله العربيه والموتور و الراحه النفسيه بس انا رايي النيسان افضل الاكسيل زباله وكمان غاليه

اقتباس:

---

المشاركة الأصلية كتبت بواسطة besokate

اهم حاجه حاله العربيه والموتور و الراحه النفسيه بس انا رايي النيسان افضل الاكسيل زباله وكمان غاليه

---

مش لدرجة الزبالة، الإكسيل عربية جميلة جدا وقطع غيارها رخيصة وعلى فكرة أفضل من الأكسنت التسعينات

اقتباس:

---

المشاركة الأصلية كتبت بواسطة besokate

اهم حاجه حاله العربيه والموتور و الراحه النفسيه بس انا رايي النيسان افضل الاكسيل زباله وكمان غاليه

---

:N_no[1]::N_no[1]:

متشكرة جدا يا جماعة افدتونى بجد بس ممكن طلب اخير بس انا اعرف معلومات عن الاكسيل والاكسنت والكورسا والمازدا 121 والدايو سيلو عشان كنت عايزة اشترى حاجة منهم بس الصنى الحقيقة معرفش اى معلومات عنها يا ريت بس تقولى امكانيها واستهلاكها للبنزين انا عارفة ان صاجها قوى وبالنسبة لقطع الغيار انا عارفة انها غالية بس المهم انها موجودة بس هل معمرة ولا لا وشكرا ليكم بجد

اقتباس:

---

المشاركة الأصلية كتبت بواسطة الزيرو

متشكرة جدا يا جماعة افدتونى بجد بس ممكن طلب اخير بس انا اعرف معلومات عن الاكسيل والاكسنت والكورسا والمازدا 121 والدايو سيلو عشان كنت عايزة اشترى حاجة منهم بس الصنى الحقيقة معرفش اى معلومات عنها يا ريت بس تقولى امكانيها واستهلاكها للبنزين انا عارفة ان صاجها قوى وبالنسبة لقطع الغيار انا عارفة انها غالية بس المهم انها موجودة بس هل معمرة ولا لا وشكرا ليكم بجد

---

النيسان صني (طبعا أنا بتكلم عن الـ1600 سي سي) موتور قوي 118 حصانا، 2 كامة .. عفشة قوية جدا، ثبات راااااائع على السرعات العالية لحد 180 كيلو.. تكييف ثلاجة.. صاج قوي.. إيرباج.. فرامل abs ... توكيل ممتااااااااز.. لا يعيبها فقط سوى ضيق المساحة الخلفية مقارنة بشنطة واسعة جدا

الحقيقة هى 1300 سى سى ومش عارفة 28000 ده سعرها حقيقى ولا لا عشان شايفة على النت اسعار اعلى من كده هى موديل 94 ومنوال

والمفروض ارفع العربية فى بنزينة ولا اخد ميكانيكى والسمكرى لازم ولا لا واخد معايا فلوس اد ايه المفروض انا اول مرة اشترى عربية ومش عارفة المفروض اعمل ايه

ساعدونى معلش عشان مش عندى خبرة فى الموضوع ده وايه الاجراءات والمفروض اطلب من صاحبها ايه غير اوراق الملكية

الرخصة هتتنتهى 24 الشهر ده بس قال الفحص لسه لحد 2014

الصني 94 قطع غيارها قليلة
لازم العربية يتكشف عليها صح
أهم حاجة الدواخل سليمة ومش مرشوشة ولا فيها أي خبطة
الموتور حالته تكون كويسة
العفشة تكون سليمة
لو عندك ميكانيكي ثقة وبيفهم خده معاك وبعدها تجرب في بنزينة يشوفلك كبس الموتور ويشوف كل حاجة
خد معاك عربون بتاع 5 ألاف عشان لو عجبتك تعمل عقد أبتدائي بالمبلغ وتكمل المبلغ في الشهر العقاري

والسمكرى ضرورى ولا مش لازم

والميكانيكى والسمكرى بياخدوا فى حدود كام انا اعرف ان البنزينة بتاخد 160 جنيه

نصيحة لله .... فكري في قطع الغيار وانتشارها في بلدك الاول ... لانك هتحتاجي تصرفي علي اي عربية فيهم لو حالتهم كويسة مش اقل من خمسة الاف جنيه ... ده لو قطع غيارهم اسعارها عادية ... لانهم واضح انهم مهلوكين شغل لان مويلاتهم بعيدة يعني اقل واحدة فيهم من 15 سنة والتانية من 18 سنة

اللي يقولك مش هتدفعي حاجة وهتخديها ع المفتاح تعرفي انه كداب ونصاب لو صاحب العربية ... لو الميكانيكي يبقي هيتعرق من صاحب العربية ... لو عضو من المنتدي يبقي بيجرب فيكي وشششش

لازم تاخدي ميكانيكي ثقة يعني حد من معارفك يعرفه كويس ... وكمان تاخدي حد من قرايبك بيفهم معاكي
وطبعا لازم تتأكدي من رش الدواخل لان ده معناه ان العربية عاملة حادثة خطيرة قد يكون انها كانت نصين مثلا ....
وخلي بالك ان انت كده كده لما هتخلص الرخصة وتحتاجي نقل الملكية هتعملي فحص للعربية يعني حكاية انها فحصها بعد سنتين ده كلام ملوش اهمية ......
لازم تشوفي عداد الكيلو مترات عامل اد ايه .... ولو لقيتي رقم قليل تحت ال 100 الف تشكي ان العربية دي موتورها ملعوب فيه وبالبلدي قالبة عداد

لازم تتأكدي ان اللي قدامك هو المالك الاصلي للعربية والرخصة باسمه مش بتوكيل لانه ممكن يكون لاعب في ورقها و مجمعها في الوكالة وتيجي ترخصي يتحفظوا عليها لا قدر الله ... بتتعمل مع البنات بالذات كتير

عشان تريحي دماغك بجد .... بلاش حكاية الميكانيكي بقي انا فكرت في حل تاني ... انت تاخديها مركز خدمة التابع للتوكيل سواء نيسان او هيونداي واعتقد فيه في الصعيد ... وهناك تطلبي مقايسة في حدود فلوس البنزينة برضه وتعرفي انت هتغيري ايه وتعرفيه وتمنه في التوكيل كام وبره بكام وتعرفي هتحتاجي تصرفي قدايه
اوعي تستهتري بالنقطة دي لان الميكانيكي مش هيبقي في دقة التوكيل ابدا ... في حكاية معرفة العيوب وتقييمها .... يعني تعرفي ايه اللازم تغييره وتعرفي التكلفة كام جوه التوكيل وتسألي بره التوكيل وتعرفي انت ميزانيتك ايه وكمان هيطمنوكي اكثر عن العربية عاملة حادثة قالبة عداد اي خبايا ...
واسف لو كنت طولت عليكي ... بس بجد محبش انه يتعمل معاكي زي ما حصلي زمان قبل ما افهم وادرس

وربنا معاكي يا استاذة ان شاء الله

اقتباس:

---

المشاركة الأصلية كتبت بواسطة eng_hatmido

نصيحة لله .... فكري في قطع الغيار وانتشارها في بلدك الاول ... لانك هتحتاجي تصرفي علي اي عربية فيهم لو حالتهم كويسة مش اقل من خمسة الاف جنيه ... ده لو قطع غيارهم اسعارها عادية ... لانهم واضح انهم مهلوكين شغل لان مويلاتهم بعيدة يعني اقل واحدة فيهم من 15 سنة والتانية من 18 سنة

اللي يقولك مش هتدفعي حاجة وهتخديها ع المفتاح تعرفي انه كداب ونصاب لو صاحب العربية ... لو الميكانيكي يبقي هيتعرق من صاحب العربية ... لو عضو من المنتدي يبقي بيجرب فيكي وشششش

لازم تاخدي ميكانيكي ثقة يعني حد من معارفك يعرفه كويس ... وكمان تاخدي حد من قرايبك بيفهم معاكي
وطبعا لازم تتأكدي من رش الدواخل لان ده معناه ان العربية عاملة حادثة خطيرة قد يكون انها كانت نصين مثلا ....
وخلي بالك ان انت كده كده لما هتخلص الرخصة وتحتاجي نقل الملكية هتعملي فحص للعربية يعني حكاية انها فحصها بعد سنتين ده كلام ملوش اهمية ......
لازم تشوفي عداد الكيلو مترات عامل اد ايه .... ولو لقيتي رقم قليل تحت ال 100 الف تشكي ان العربية دي موتورها ملعوب فيه وبالبلدي قالبة عداد

لازم تتأكدي ان اللي قدامك هو المالك الاصلي للعربية والرخصة باسمه مش بتوكيل لانه ممكن يكون لاعب في ورقها و مجمعها في الوكالة وتيجي ترخصي يتحفظوا عليها لا قدر الله ... بتتعمل مع البنات بالذات كتير

عشان تريحي دماغك بجد .... بلاش حكاية الميكانيكي بقي انا فكرت في حل تاني ... انت تاخديها مركز خدمة التابع للتوكيل سواء نيسان او هيونداي واعتقد فيه في الصعيد ... وهناك تطلبي مقايسة في حدود فلوس البنزينة برضه وتعرفي انت هتغيري ايه وتعرفيه وتمنه في التوكيل كام وبره بكام وتعرفي هتحتاجي تصرفي قدايه
اوعي تستهتري بالنقطة دي لان الميكانيكي مش هيبقي في دقة التوكيل ابدا ... في حكاية معرفة العيوب وتقييمها .... يعني تعرفي ايه اللازم تغييره وتعرفي التكلفة كام جوه التوكيل وتسألي بره التوكيل وتعرفي انت ميزانيتك ايه وكمان هيطمنوكي اكثر عن العربية عاملة حادثة قالبة عداد اي خبايا ...
واسف لو كنت طولت عليكي ... بس بجد محبش انه يتعمل معاكي زي ما حصلي زمان قبل ما افهم وادرس

---

+1111

متشكرة جدا يا فندم بس احنا عندنا فى اسيوط جينرال موتور فى خاص بنيسان وفى فرع لقطع الغيار وفى مركز خدمة بس معرفش قنا فيها ولا لا طب لو مفيش فى قنا مركز خدمة اعمل ايه وهل ممكن صاحب العربية يرضى انى اخدها اسيوط ويجى معايا واكشف عليها هنا اكيد مش هيرضى غير لما تكون فلوسها معاه

اقتباس:

---

المشاركة الأصلية كتبت بواسطة eng_hatmido

نصيحة لله .... فكري في قطع الغيار وانتشارها في بلدك الاول ... لانك هتحتاجي تصرفي علي اي عربية فيهم لو حالتهم كويسة مش اقل من خمسة الاف جنيه ... ده لو قطع غيارهم اسعارها عادية ... لانهم واضح انهم مهلوكين شغل لان مويلاتهم بعيدة يعني اقل واحدة فيهم من 15 سنة والتانية من 18 سنة

اللي يقولك مش هتدفعي حاجة وهتخديها ع المفتاح تعرفي انه كداب ونصاب لو صاحب العربية ... لو الميكانيكي يبقي هيتعرق من صاحب العربية ... لو عضو من المنتدي يبقي بيجرب فيكي وشششش

لازم تاخدي ميكانيكي ثقة يعني حد من معارفك يعرفه كويس ... وكمان تاخدي حد من قرايبك بيفهم معاكي
وطبعا لازم تتأكدي من رش الدواخل لان ده معناه ان العربية عاملة حادثة خطيرة قد يكون انها كانت نصين مثلا ....
وخلي بالك ان انت كده كده لما هتخلص الرخصة وتحتاجي نقل الملكية هتعملي فحص للعربية يعني حكاية انها فحصها بعد سنتين ده كلام ملوش اهمية ......
لازم تشوفي عداد الكيلو مترات عامل اد ايه .... ولو لقيتي رقم قليل تحت ال 100 الف تشكي ان العربية دي موتورها ملعوب فيه وبالبلدي قالبة عداد

لازم تتأكدي ان اللي قدامك هو المالك الاصلي للعربية والرخصة باسمه مش بتوكيل لانه ممكن يكون لاعب في ورقها و مجمعها في الوكالة وتيجي ترخصي يتحفظوا عليها لا قدر الله ... بتتعمل مع البنات بالذات كتير

عشان تريحي دماغك بجد .... بلاش حكاية الميكانيكي بقي انا فكرت في حل تاني ... انت تاخديها مركز خدمة التابع للتوكيل سواء نيسان او هيونداي واعتقد فيه في الصعيد ... وهناك تطلبي مقايسة في حدود فلوس البنزينة برضه وتعرفي انت هتغيري ايه وتعرفيه وتمنه في التوكيل كام وبره بكام وتعرفي هتحتاجي تصرفي قدايه
اوعي تستهتري بالنقطة دي لان الميكانيكي مش هيبقي في دقة التوكيل ابدا ... في حكاية معرفة العيوب وتقييمها .... يعني تعرفي ايه اللازم تغييره وتعرفي التكلفة كام جوه التوكيل وتسألي بره التوكيل وتعرفي انت ميزانيتك ايه وكمان هيطمنوكي اكثر عن العربية عاملة حادثة قالبة عداد اي خبايا ...
واسف لو كنت طولت عليكي ... بس بجد محبش انه يتعمل معاكي زي ما حصلي زمان قبل ما افهم وادرس

---

ما شاء الله احسن حل ..

انا خلاص يا جماعة قررت اجيب زيرو تقسيط وعايزة نصحتكم بقى ايه احسن وارخص الاتوس برايم ولا الاى تن ولا البيكانتو ولا الفرنا عشان فرق سعر الفرنا من الاى تن مش كبير يعتبر السعر واحد انصحونى بالتفصيل وقولولى نظام التقسيط على خمس سنيين يبقى ازاى لو عن طريق بنك ناصر وانا لو جبت هجيب عن طريق ناشيونال موتورز ااسيوط افتونى بالتفصيل الممل

اقتباس:

---

المشاركة الأصلية كتبت بواسطة الزيرو

انا خلاص يا جماعة قررت اجيب زيرو تقسيط وعايزة نصحتكم بقى ايه احسن وارخص الاتوس برايم ولا الاى تن ولا البيكانتو ولا الفرنا عشان فرق سعر الفرنا من الاى تن مش كبير يعتبر السعر واحد انصحونى بالتفصيل وقولولى نظام التقسيط على خمس سنيين يبقى ازاى لو عن طريق بنك ناصر وانا لو جبت هجيب عن طريق ناشيونال موتورز ااسيوط افتونى بالتفصيل الممل

---

أنا أرشحلك البيكانتو علشان تبعدي عن غبور والعربية كمان كويسة جدا.. وبالنسبة لتقسيط بنك ناصر لو حضرتك موظفة هاتدفعي مقدم 50 % من قيمة السيارة هايتم التقسيط على 5 أو 7 سنوات بفائدة 6 % .. وفي حالة إنك مش هاتدفعي مقدم أقل من النصف هياكون في ضامن وهايتم في الحالتين تحويل مرتبك على البنك