الموضوع: هل اسافر شرم الشيخ بالسياره؟

المشاركة الأصلية كتبت بواسطة medoampir

اخوانى جميعا احب اقولكم انى قمت بالرحله ورجعت والحمد لله كانت رحله ممتعه
وطبعا علشان يكتمل الموضوع ده حبيت اشارك التجربه معاكم.

طبعا زى ماذكرت قبل كده انى كنت مسافر بعد الظهر وده لانى معرفتش اخد اجازه من الشغل
انا شغلى فى القريه الذكيه - الكيلو 28 مصر الاسكندريه الصحراوى

1- الطريق: الساعه 3 عصرا من القريه الذكيه انطلقت على طريق الاسكندريه القاهره الصحراوى ومطلعتش المحور كملت على طول الى طريق حازم حسن الجديد ثم الطريق الدائرى وعلى طوووووووووول لحد اول طريق السويس - وهناك وقفت عند on the run اشتريت حاجات بسيطه كده عصير ومياه وشيكولاته - وتاكدت من ان التانك مليان - وانطلقت على طريق السويس - هو طريق حارتين لذيذ وممهد و 90% عربيات نقل تقيل - بس متتخضوش امشى عدل يحتار عدوك فيك - او امشى زى مانا كنت ماشى واستحمل صاحبك اللى قاعد فى الكنبه اللى ورا وهو عمال يعيط ويقول "يابنى حرام عليك عاندى واد عايز ارجع اربيه" - المهم طريق السويس حوالى 130 كيلو سريعه كده واخره اول لجنه - مكان واسع كده عامل زى البارك هاتلاقى شويه عساكر جيش قاعدين واحد هايقوم على مضض يشوف الرخص وبطايق الركاب واحتمال يقولك افتح الشنطه علشان هوا يروح يقفلها وبعدها اتفضلوا وتوصلوا بالسلامه - ناس طيبين قوى - اوعى تفكر تجري فى النفق - لانه رايح جاى - الحاره ضيقه - الاسفلت مريح والعربيه ممكن تعوم عليه - وهو كله كام متر يعنى - فى الاول كنت فاكر ان النفق ضلمه قوى بس بعد كده صاحبى اللى قاعد جنبى قالى هو انت شايف بالنضاره الشمس كده؟ - وبعد كده تكون على طريق شرم الشيخ - الطريق رايح جاى لكن واسع مش زى ماتخيلت - ومش زحمه يعنى كل فين وفين لما تلاقى عربيه سواء مقابلاك او على نفس الصف بتاعك - عايز تعدى اللى قدامك قدامك حل من اتنين - اما انك تكلكسله ولو هو محترم هارمى يمين شويه وانت تعدى - وعلى فكره معظم اللى على الطريق ده كانوا محترمين - واما تتاكد تماما ان مفيش حد جاى من المقابل وتعديه من الحاره التانيه - ودى مش صعبه يعنى بس خلى بالك كويس - افضل بقى ماشى لحد مايبانلك صاحب - مرورا بقى بابو زنيمه وراس سدر وراس محمد وحمام فرعون ودى لافته بس مش عارف هو فين الحمام ده - قبل مانسى اعتقد انى كملت البنزين تانى عند السويس علشان كنت قلقان من الموضوع ده.

2- الحاله الامنيه: باختصار كده الجيش مأمن الطريق واللجان والكماين موجوده - وكل فتره كده بشوف دوريه راكبه (بوكس ماشى يعنى) - اصحابى كانوا بيتضايقوا جدا من اللجان لكن انا كنت مبسوط قوى - تقريبا مكانش فيه تفتيش قوى واحنا رايحين لكن فى رحله الرجوع وقفنا حوالى ساعه فى السويس للتفتيش - ده طبعا من الزحمه مش قاعدين يفتشو فينا ساعه يعنى.

3- متعه الطريق: مليان مناظر خلابه - منظر البحر ورا الرمل رائع - واول مره اشوف الجبال وانا سايق كده مش ممكن.

4- المقالب: لو شفت بعيد شويه رمل كده او حصى على الاسفلت صدقنى دول مش شويه حصى ولا حاجه ده الاسفلت مش موجود اصلا - لان ده حصل معايا اتهيألى انهم شوية رمل فمهدتش وطبعا بعد مادخلت بسرعتى اكتشف الحقيقه - المهم بقى بعدا بمسافه كده شفت شويه حصى خفاف كده على الارض بعيد فخدتهم على سرعه ويا سبحان الله طلع برضه اسفلت مش موجود - بس المره التالته بقى طلع برضه اسفلت مكشوط لكن مقدرتش اهدى عندهم لانها كانت بعد التانيه بكم متر وبرضه خدتهم على سرعه - والله انا حاسس انى هاخش النار من اللى بعمله فى عربيتى دى - المقلب التانى بقى كنت داخل على ملف ومطلع فى نفس الوقت وماشى فى امان الله ومقابلنى واحد نازل من على المطلع فى المقابل وواحد عبيط بيعدى منه فى الملف يعنى باختصار طالع مطلع مش شايف اللى وراه لقيت واحد فى وشى - فيستحسن وانت طالع مطلع مش شايف وراه حاجه تكون مستعد ترمى يمين.


طبعا نتيجه انى سافرت متاخر الليل حل عليا واخدنا وقت طوييييل فى الطريق.

وبس

الف حمدلله على السلامة وكويس انك انبسطت فى الطريق والسفرية.

بس اجكيلنا بقى نزلت فين فى شرم وعملت اهي هناك وايه ىأيك فى المدينة؟

المشاركة الأصلية كتبت بواسطة medoampir

اخوانى جميعا احب اقولكم انى قمت بالرحله ورجعت والحمد لله كانت رحله ممتعه
وطبعا علشان يكتمل الموضوع ده حبيت اشارك التجربه معاكم.

طبعا زى ماذكرت قبل كده انى كنت مسافر بعد الظهر وده لانى معرفتش اخد اجازه من الشغل
انا شغلى فى القريه الذكيه - الكيلو 28 مصر الاسكندريه الصحراوى

1- الطريق: الساعه 3 عصرا من القريه الذكيه انطلقت على طريق الاسكندريه القاهره الصحراوى ومطلعتش المحور كملت على طول الى طريق حازم حسن الجديد ثم الطريق الدائرى وعلى طوووووووووول لحد اول طريق السويس - وهناك وقفت عند on the run اشتريت حاجات بسيطه كده عصير ومياه وشيكولاته - وتاكدت من ان التانك مليان - وانطلقت على طريق السويس - هو طريق حارتين لذيذ وممهد و 90% عربيات نقل تقيل - بس متتخضوش امشى عدل يحتار عدوك فيك - او امشى زى مانا كنت ماشى واستحمل صاحبك اللى قاعد فى الكنبه اللى ورا وهو عمال يعيط ويقول "يابنى حرام عليك عاندى واد عايز ارجع اربيه" - المهم طريق السويس حوالى 130 كيلو سريعه كده واخره اول لجنه - مكان واسع كده عامل زى البارك هاتلاقى شويه عساكر جيش قاعدين واحد هايقوم على مضض يشوف الرخص وبطايق الركاب واحتمال يقولك افتح الشنطه علشان هوا يروح يقفلها وبعدها اتفضلوا وتوصلوا بالسلامه - ناس طيبين قوى - اوعى تفكر تجري فى النفق - لانه رايح جاى - الحاره ضيقه - الاسفلت مريح والعربيه ممكن تعوم عليه - وهو كله كام متر يعنى - فى الاول كنت فاكر ان النفق ضلمه قوى بس بعد كده صاحبى اللى قاعد جنبى قالى هو انت شايف بالنضاره الشمس كده؟ - وبعد كده تكون على طريق شرم الشيخ - الطريق رايح جاى لكن واسع مش زى ماتخيلت - ومش زحمه يعنى كل فين وفين لما تلاقى عربيه سواء مقابلاك او على نفس الصف بتاعك - عايز تعدى اللى قدامك قدامك حل من اتنين - اما انك تكلكسله ولو هو محترم هارمى يمين شويه وانت تعدى - وعلى فكره معظم اللى على الطريق ده كانوا محترمين - واما تتاكد تماما ان مفيش حد جاى من المقابل وتعديه من الحاره التانيه - ودى مش صعبه يعنى بس خلى بالك كويس - افضل بقى ماشى لحد مايبانلك صاحب - مرورا بقى بابو زنيمه وراس سدر وراس محمد وحمام فرعون ودى لافته بس مش عارف هو فين الحمام ده - قبل مانسى اعتقد انى كملت البنزين تانى عند السويس علشان كنت قلقان من الموضوع ده.

2- الحاله الامنيه: باختصار كده الجيش مأمن الطريق واللجان والكماين موجوده - وكل فتره كده بشوف دوريه راكبه (بوكس ماشى يعنى) - اصحابى كانوا بيتضايقوا جدا من اللجان لكن انا كنت مبسوط قوى - تقريبا مكانش فيه تفتيش قوى واحنا رايحين لكن فى رحله الرجوع وقفنا حوالى ساعه فى السويس للتفتيش - ده طبعا من الزحمه مش قاعدين يفتشو فينا ساعه يعنى.

3- متعه الطريق: مليان مناظر خلابه - منظر البحر ورا الرمل رائع - واول مره اشوف الجبال وانا سايق كده مش ممكن.

4- المقالب: لو شفت بعيد شويه رمل كده او حصى على الاسفلت صدقنى دول مش شويه حصى ولا حاجه ده الاسفلت مش موجود اصلا - لان ده حصل معايا اتهيألى انهم شوية رمل فمهدتش وطبعا بعد مادخلت بسرعتى اكتشف الحقيقه - المهم بقى بعدا بمسافه كده شفت شويه حصى خفاف كده على الارض بعيد فخدتهم على سرعه ويا سبحان الله طلع برضه اسفلت مش موجود - بس المره التالته بقى طلع برضه اسفلت مكشوط لكن مقدرتش اهدى عندهم لانها كانت بعد التانيه بكم متر وبرضه خدتهم على سرعه - والله انا حاسس انى هاخش النار من اللى بعمله فى عربيتى دى - المقلب التانى بقى كنت داخل على ملف ومطلع فى نفس الوقت وماشى فى امان الله ومقابلنى واحد نازل من على المطلع فى المقابل وواحد عبيط بيعدى منه فى الملف يعنى باختصار طالع مطلع مش شايف اللى وراه لقيت واحد فى وشى - فيستحسن وانت طالع مطلع مش شايف وراه حاجه تكون مستعد ترمى يمين.


طبعا نتيجه انى سافرت متاخر الليل حل عليا واخدنا وقت طوييييل فى الطريق.

وبس

تقرير جميل شكرا ليك
بس عايزين تقرير تانى
رحت فين هناك بالعربية ولا ماستعملتهاش فى اى مكان