بعد طول عناء استلمت الحمد لله النهاردة فيرنا 2012 من غبور ابو رواش و بصراحة عربية جميلة جدا بس بعد الاستلام اصريت اجرب التكيف و المندوب كان رافض جدا ، المهم وافق و جيت اجرب التكيف لقيته مطلع هوا سخن و مفيش هوا بارد
رجعت بالعربية و اللى سلمنى كان محترم جدا و كان فى انتظارى و اخد منى المفتاح و دور العربية و شغل التكيف و بعد كده داس بنزين على خفيف خالص مرتين فلقيت التكيف مرة واحدة اتحول الى تلاجة

و لما روحت حصل نفس الموقف معايا دوست همسة بنزين فالهوا البارد طلع فورا
المهم الراجل كان مصر ان الموتور لسه فى التلين فما اشتغلش بالكفاءة الطبعية بتاعته و كان مصر جدا ان التكيف سليم بس لما العربية تاخد وقتها التكيف هيبقى كويس جدا
فهل دى اشتغالة منه ولا فعلا علشان العربية لسه فى التلين مع العلم انى مستلم ماشية 2 كيلو بس وشكرا