قدامى عربيتين بنفس السعر كيا ريو 2004 اوتوماتيك 1300 سى سى .. وبيجو 405 ايرانى موديل 2007 والتنين حالتهم العامه كويسه وبجد محتار جداا .. ارجو الافاده من اللى ركبوا العربيتين دول يا اهل الخبره .......... احمد حسن
عرض للطباعة
قدامى عربيتين بنفس السعر كيا ريو 2004 اوتوماتيك 1300 سى سى .. وبيجو 405 ايرانى موديل 2007 والتنين حالتهم العامه كويسه وبجد محتار جداا .. ارجو الافاده من اللى ركبوا العربيتين دول يا اهل الخبره .......... احمد حسن
ابعد عن ال 405 الايراني لأنها غير 405 الفرنساوي في كل حاجه كفايه اني اقولك انها جر خلفي يبقي خليك في الريو افضل
اشكرك يا احمد على اهتمامك وردك .. انا اصلى عمرى ما ركبت لا دى ولا دى وعشان كده محتار جدا بينهم
ريو طبعا
البيجو الايراني كله فشل في مصر
اشكرك هوجان بس ممكن توضحلى البيجو الايرانى هنا فاشل من ناحيه ايه ؟ معلش انا عمرى ما ركبتها ولا اعرف عنها حاجه
اولااقتباس:
المشاركة الأصلية كتبت بواسطة thunderofdew
فشلت في مشروع الاحلال والتجديد بتاع التاكسي
مع اول عربات تم استلامها السواقين اشتكو منها
وخرجت من المشروع نهائي
ال 405 الايراني
ماعملتش مبيعات
الكارونه بتاعتها في ناس اعرفهم اشتكومنها وحصل فيها ونه قبل ال 50000 كيلو
قطع غيارها تقريبا مش موجوده مفيش غير الصاج بتاع ال 405 البيجو الاصلي هو اللي بيركب عليها لكن موتور وعفشه مختلفين تماما
باعو العربيه ب 40000 جنيه وكانو شارينها ب80000 زيرو
واللي كان هايشتريها كان هايعدل موتورها بيجو 504
ياراجل كفايه انها سوست قنطره في الخلف
زي الفيات ال 25 والفيات ال 1300
انا عندي مبداء في شراء العربيه
ماشتريش عربيه ماباعتش 1000 عربيهفي مصر كلها
انما اشتري العربيه المنتشره
اللي ماتتعبنيش في صيانتها ولا بيعها
يا نهار ابيض .. كل ده هههه .. اشكرك بجد على النصيحه وفعلا ما خاب من استشار وربنا يكرمك ويجعل نصيحتك ليا فى ميزان حسناتك بإذن الله .. بيني وبينك انا قدامى كمان فولكس باراتى 2004 بنفس السعر وحالتها ممتازه وبصراحه انا برضه ما اعرفشى عنها حاجه غير انها متقفله فى البرازيل وشوفت انه مش عيب خطير فيها يعنى ولا حاجه بس بيني وبينك قلقت منها لانى حسيت انها مش منتشره زى الكيا ريو وممكن مالقيلهاش قطع غيار
+111111111111111اقتباس:
المشاركة الأصلية كتبت بواسطة thunderofdew
اللي هايقولك اصلها فولكس واصلها الماني واوروبي
والحركات دي كلها
عن نفسي عمر ماشتريها راءي وحضرتك للك حريه الاختيار
في بدائل كويسه
لانوس
شاهين
لانسر كريستاله
كياسيفيا
سوزوكي سويفت
اقتباس:
المشاركة الأصلية كتبت بواسطة thunderofdew
السلام عليكم
أنا الحمد لله عندى ريو 2004 اتوماتيك وبفضل الله العربية دى حلوة جداً واقتصادية فى البنزين لو الموتور كويس وسحبها كويس حتى مع تشغيل التكييف وقطع غيارها موجودة فى اماكن كتير زى الجندى - حلمى سليمان - تارجت
بالنسبة لأسعار قطع الغيار موجودة بس أغلى شوية من الدايو بس مش كتير
استخير ربنا وتوكل على الله ولو مش هتشتريها قلى يمكن حد من اصحابى يشتريها ان شاء الله ولو عايز حد امين يتمنهالك فية ميكانيكى شاطر جدا كان شغال فى التوكيل بتاع كيا 11 سنة اسمة محمد فوزى ممكن يكشفلك عليها ويتمنهالك بكل امانة
والسلام عليكم وربنا يوفقك
انا افضل طبعاً الريو بكل تأكيداقتباس:
المشاركة الأصلية كتبت بواسطة thunderofdew
بس ياريت تقولنا هيا معروضه على كام ومواصفاتها ايه علشان انا كمان بدور على حاجة كويسة للمدام ومتكونش متعبه في صيانتها
و ممكن الريو تدخل في اختياراتي
لو كانت ال 405 الطبيعية (حتي لو تجميع مصري ) كانت هتبقى كسبانة وشش
انما الايراني دي ليس لها ادني علاقة بال 405 و حتى كشكل واخدة وش ال 405 الجديدة و ضهر القديمة (بتاعت 88-92) و موتور و عفشة تصميم ايراني بالكااامل