هام جدا عند شراء اطارات السيارة
بصو يا جماعة انا بقالي فترة دايخ علشان لشتري كاوتش لعربيتي ومش عارف لاني مش فاهم معنى الارقام الكتيرة اللي مكتوبة على الكاوتش.
لحد لما قريت الموضوع دة على النت ( وهو منقول بالمناسبة ) وقررت اني اعرضة في منتدانا الجميل للافادة لجميع الاعضاء .
ونبدأ بمثال عشان كلامنا يبقى واضح
العربية Mini cooper مثلا بتنزل السوق بإطارات مقاسها
P195/55R16 85H
كل حاجة متلونة ليها معنى http://ninjawy.com/images/smilies/fun/biggrin.gif تعالوا نعرف معانيها P معناها اطارات سيارة للركوب 195 دة عرض الاطار بالملي متر عند اعرض نقطة ( يعني 18.5سم) 55 معناها ان ارتفاع الكاوتش 55% من عرضه (يعني 10.7 سم) R معناها اطار راديال Radial 16 مقاس الجنط بالبوصة (معظم العربيات بتبقى 13 او 14 بوصة) 85 معامل التحميل ومعناه 515 كجم لكل لطار (وهاضيفله جدول تحت) H معامل أقصى سرعة يتحملها الاطار ومعناه هنا 210 كم /ساعة (وهاضيفله جدول تحت)
جدول معاملات التحميل
http://img267.imageshack.us/img267/6545/hrhloaddz2.jpg
جدول معاملات السرعة
http://img252.imageshack.us/img252/92/hrhspeedoe1.jpg
مصطلحات أخرى:
P زي ما قلنا معناها سيارة ركوب
LT سيارة نقل خفيف
ST سيارة نقل مقطورة
نيجي لنقطة مهمة
وهي تاريخ تصنيع الاطار
للأسف في معظم الحوادث اللي بتحصل بتبقى بسبب ان الاطار صلاحيته انتهت من غير ما الناس ما تعرف
المفروض الكاوتش ما يُستخدمش بعد 5 سنين من تاريخ انتاجه (يعني كمان مش من تاريخ استخدامه!!)
أما التاريخ بيكون مكتوب بطريقة غريبة شوية!!
يعني مثلا الكاوتش اللي مكتوب علية : 3103
معناها ايه دي؟؟!!
الاسبوع 31 سنة 2003
يعني تقريبا شهر 7 / 2003
وزمان قبل سنة 2000كانوا 3 ارقام بس
مثلا : 253
أول رقمين 25 الاسبوع 25 والـ 3معناها 1993 أو 1983
مع خالص حبي وتقديري