كوردوبا 2008 أتوماتيك

**wael2sh** · 06-06-2012 11:32 AM

صباح الفل على الشباب ,,أنا جديد معاكم في القسم هنا ناوية انشاء الله أشتري كردبا 2008 وعاوز مساعدتكم في شوية حاجات أنا صراحة ماركبتيش سيت من سنة 2000 وقلبت ياباني ومعايا لانسر دلوقتي وفكرت أشتري عربية لمراتي شفت امبارح كردوبا 2008 لونها أبيض ماشية 75000 كم و مبدئيا عجبتني ,,,ومغايرة موتور في التوكيل بتكلفة تقريبا 12000 جنيه والراجل وراني الفواتير وقال لي هروح معاه التوكيل واكشف عليها هناك وانا بأتفرج عليها لقت 2 كنترول ينت واحد بتاع الموتور الجديد والتاني الكان راكب فيها قبل كده ,,مش عارف إزاي .
لاحظت برضه إن لمبة الاير باج منورة والباور ثقيل قوي ولمبته منورة في التابلوه برده سألته قال لي لما نروح التوكيل هيعمل مسح لكل الارور علشان تغير الموتور ,,,وكنت برده عاوز أعرف سعر قطع الغيار المستخدمة بإستمرار زي تيل الفرامل تقم السيور التيل الخلفي و هكذا معلش استحملوني طولت عليكم بس أنا صراحة قلت مفيش اجدع من شباب نيل متورز يساعدوني ...

**SYD** · 06-06-2012 11:56 AM

اهلا بيك في قسم سيات
بالنسبة للأيرورز الموجودة في الطابلوه فهي شئ غير مطمئن
ليه لمبة الأير باج منورة ؟؟؟؟ هل فتح منه قبل كدة ؟؟؟
تأكد من الموضوع دة بالكشف جيدا علي الصاج والدواخل

لمبة الباور والباور تقيل دة احتمال كبير جدا يكون حساس الباور الكهرباء طالما منور معاك في الطابلوه

بالنسبة لأسعار قطع الغيار انا متأكد انها اقل من الياباني الي في نفس الموديل بتاعها
وحتي لو هي اغلي فهي تتمتع بطول عمر قطع الغيار وحضرتك جربتها قبل كدة وعارف

تحياتي
واهلا بيك مرة تانية

والله المستعان
،
،

**ehab_mansour** · 06-06-2012 12:03 PM

السلام عليكم

أخي الفاضل أنصحك تبعد عن العربية دي عن تجربة و من غير نقاش كتير

انت هتشتري و السوق مليان عربيات نضيفه يا تشتري عربية نضيفة فبريكة بالكاملو خاصة الكهرباء و المحرك يا متركبش العربيات دي

العربيات دي بالذات متتركبش غير بتقفيل المصنع غير كده هتشوف الويل و هتتعذب معاها في الفاضي

عربية ايه اللي موديل 2008 و مغيره موتور!!!!!! و في التوكيل و فيها اتنين كنترول !!!!! ازاي يعني !!!!!!!!!!!!!!!

انا قلتلك نصيحتي و براحتك ........ ياريت تبعد عنها حتي لو سعرها مرتاح برده ابعد عنها

**wael2sh** · 06-06-2012 01:27 PM

الأستاذ SYD و الأستاذ إيهاب شكرا على ردودكم ,,,,صاحب العربية مشي بيها وهي سخنة مسافة كبيرة وهو مش واخد باله إن العربية سخنة وده سبب بوظان الموتور وتم تغيره بواحد جديد جوه التوكيل بالنسبة للسعر قال لي مش هنختلف بس تقريبا هيبقى في حدود 65,000 و قال لي روح التوكل الاول واكشف عليها وبعدين نتكلم أنا بفكر بعد الكشف في التوكيل لو كله تمام و في بعض الملاحظات الممكن تتصلح اخصمها من تمن العربية واصلحهـا على حسابه لو وافق التوكل على الله ولا إيه رايكم العربية عجباني وحاسس إن سعرها كويس وفي صديق ليا معاه ibeza 2009 بيتعامل مع مركز صيانة معتمد في المريوطية في الهرم وبيشكر فيهم بفكر اكشف هناك كمان وبكده أكون كشفت في مكانين مختلفين لزيادة التأكيد

**wael2sh** · 06-06-2012 02:27 PM

آسف اخطأت في السعر ......السعر 60,000 وليس 65.000
الأستاذ إيهاب معاك حق بعد مراجعة الاسعار مع الاصدقاء والنت لقيت ممكن أجيب عربية من غير مشاكل خالص وفبركة ب 63 أو 64 وموديل 2007 2008 بحالة أحسن شكرا لتحذيرك

**ehab_mansour** · 06-06-2012 02:37 PM

المشاركة الأصلية كتبت بواسطة wael2sh

آسف اخطأت في السعر ......السعر 60,000 وليس 65.000
الأستاذ إيهاب معاك حق بعد مراجعة الاسعار مع الاصدقاء والنت لقيت ممكن أجيب عربية من غير مشاكل خالص وفبركة ب 63 أو 64 وموديل 2007 2008 بحالة أحسن شكرا لتحذيرك

علي العموم لو حبيت تاخد رأينا في عربية تانيه من حيث السعر و الحالة اسأل و ان شاء الله هنحاول نساعدك قدر المستطاع

العربيات دي النضيف منها و اللي حالته كويسه بالضبط زي قطعة الذهب بتحبها و تعشقها أكثر و اكثر كلما مر عليك الزمن و بتستخدمها و اللي حالته سيئة منها هيكرهك في كل العربيات سواء من الماركة دي او غيرها

وربنا يوفقك لما فيه الخير

**SYD** · 06-06-2012 04:38 PM

المشاركة الأصلية كتبت بواسطة wael2sh

الأستاذ syd و الأستاذ إيهاب شكرا على ردودكم ,,,,صاحب العربية مشي بيها وهي سخنة مسافة كبيرة وهو مش واخد باله إن العربية سخنة وده سبب بوظان الموتور وتم تغيره بواحد جديد جوه التوكيل بالنسبة للسعر قال لي مش هنختلف بس تقريبا هيبقى في حدود 65,000 و قال لي روح التوكل الاول واكشف عليها وبعدين نتكلم أنا بفكر بعد الكشف في التوكيل لو كله تمام و في بعض الملاحظات الممكن تتصلح اخصمها من تمن العربية واصلحهـا على حسابه لو وافق التوكل على الله ولا إيه رايكم العربية عجباني وحاسس إن سعرها كويس وفي صديق ليا معاه ibeza 2009 بيتعامل مع مركز صيانة معتمد في المريوطية في الهرم وبيشكر فيهم بفكر اكشف هناك كمان وبكده أكون كشفت في مكانين مختلفين لزيادة التأكيد

اولا المركز الي علي المريوطية دة مش مركز متخصص ولا حاجة
دة كل ماهو نالك واحد عنده كمبيوتر تشخيص اعطال وبس
ومش متخصصين ولا حاجة
وحتي الصنايعية عندهم مش برفكت اوي
انا اقصد الي عند منزل الدائري ميدان لبنان

والله المستعان
،
،

**wael2sh** · 07-06-2012 11:22 AM

شكرا يا جماعة صراحة انتم ناس ذوق ومحترمين وجزاكم الله خير على المساعدة ,,,,,,جاري البحث إنشاء الله على عربية تانية وبفكر في ايبزا علشان شايفها أكتر في الشارع مع إني هخسر الشنطة بس حاسس إنها متداولة أكتر في الشارع وأنا هافضل متابع معاكم في القسم علشان استفيد من خبرتكم ....شكرا مرة تانية :)