انا لسه جايب فيكترا bموديل 99 2000 سي سي وبحط للعربيه بنزين 80 بقالي شهر بس كل الناس قالتلي غلط عليها مع ان العربيه بتمشي كويس
انا لسه جايب فيكترا bموديل 99 2000 سي سي وبحط للعربيه بنزين 80 بقالي شهر بس كل الناس قالتلي غلط عليها مع ان العربيه بتمشي كويس
لو مريحاك في المشي و مبتكركرش توكل علي الله بس حاول تحط من بنزينه نضيفه
هيا بتكركر طبعا بس عادي انما البنزين 80 مش هيبوزظ حاجه في الموتور بتاعها
هتبوظ الطرمبة والرشاشات على المدى القريب
والموتور نفسه على المدى البعيد
ده غير انك هتلاقى استهلاكها بقى ازيد يكاد يكون قرب الضعف بشوية ( يعنى التوفير مش مغري مقابل المشاكل اللى هتحصل)
فاشترى راحتك وحط 92 وحس بنعومة وقوة العربية وحافظ عليها احسن
لو بتكركر يبقه حضرتك بتقضى على الماتور
شوف حط نص التنك 80 ونصه 92 وجرب
بص الاول علي فيشه الاوكتان مظبوطه علي 89 ولا 91
ثانيا مفيش فرق في النقاء بين انواع البنزين الفرق في الاوكتان المضاف و علشان كده قلتلك حط بنزين من محطه يكون موثوق فيها
و استني راي باقي الاوبلاويه و بالاخص اللي معاهم ال b
متفق معاك تمامااقتباس:
المشاركة الأصلية كتبت بواسطة lanos2004
حط نص 80 كده ونص 92 كده وشوف هيحصل ايه
طيب ياجماعه مش الموتور ده كاربيراتير ؟
فعلا نفس السؤال بسالة لو العربية كربراتير تفرق فى نوع النزين
لو كربراتير واسبراتير بقى والحوار ده
ممكن ينفع معاها 80 بحيث يتم تأخير الكهربة من الاسبراتير شوية عشان منع الكركرة او (التسقيف) ، ولكن في مقابل ارتفاع صوت الموتور وانخفاض الاداء وزيادة في الاستهلاك الى حد ما
لأ مش كاربراتير وال 2.0 مفهاش فيشة اوكتان زى ال 1.6
و80 هيبهدل العربية , التسقيف دة كفيل انة يقضى على الموتور
فيشة الاوكتان دى فين
موجوده في ال1600اقتباس:
المشاركة الأصلية كتبت بواسطة the_bird5
في العلبه السودا العاليه اللي ورا البطاريه
لونها موف وكل وش منها عليه رقم اوكتان مختلف 89 _91
اقتباس:
المشاركة الأصلية كتبت بواسطة asd mhs
الفكترا بي ٢٠٠٠ سي سي مالهاش فيشه اوكتان . الفكترا ٢٠٠٠ رشاشات مش كربراتير . لو فضلت علي موضوع ال٨٠ ده ياريت تسلم علي العربيه الاول عشااااااااان هتوحشك
الكركره دي بتنهى المتور وعلى فكره فول ٩٢ وشوف هتعمل كام كيلو هتلاقي الفرق كبير وطرمبة البنزين هتخرب وبعد ما تصلحها هدخل فى رشاشات غير عمر المتور يعنى اللي فاكر لنك بتوفرو هتدفع ضعفو
لا عادى جدا جدا الموضوع كلو فى الكركرة و ضعف السحب و دة بتعملو معاك اول ما بتفول من نوع بنزين لاخر دا انتا الميزة عندك ان الموتور 2000 لو كنت اقل كان هيبان فرق السحب لكن ال 2000 مش هيبان اوى .... فى حاجه اسمها حساس تسقيف دا بيوطى الكهرباء اوتوماتيك لما بيلاقى الموتور بيسقف بيبعت اشارة للكنترول بتاع العربيه و الاسبلاتير الكنترول عشان يفتح الرشاشات اكتر عشان تضخ بنزين اكتر و الاسبلاتير عشان يوطى الكهرباء فالعربيه متكركرش و كل دة فى اقل من الثانيه دا اللى فهمتو من الكهربائى و قالى العربيات دى بتفهم نوع البنزين و كنت قريت انا موضوع عند دورة الانجكشن و فهمت كل الحوار دة .... انا شوفت باسات 2002 بيحطلها 80 فلما سالتو ايه المشاكل قالى 3 سنين و بحطلها 80 و مفيش اى مشاكل غير ضعف فى السحب و اسبرانزا الكبيرة 620 موديل 2010 و لانسر بوما كتييييييييييييييييير و فيرنا و تيريوس 2009 و كل دة انجكشن
بعد اذن حضرتك..اقتباس:
المشاركة الأصلية كتبت بواسطة alzelafy
-حساس التسقيف (cam sensor)
مالوش علاقه بفتح الرشاشات ,اللي بيتحكم في قيمه فتح الرشاشات ومقدار ضخها هو حساس وضع الخانق(tps) حسب مقدار دواسه البنزين واستجابتها من السائق
اما حساس التسقيف فبيتحكم في مقدار الشراره الناتجه من الموبينه لمعادله موجات الحريق الغير منتظمه داخل الغرفه
الفيكترا اقل رقم اوكتان ممكن يستخدم معاها هو 89 بحسب توصيات الصانع وطبعا ده مش موجود في مصر فاقرب رقم له عندنا هو 90 اقل من كده هيبقي في مشاكل تضر الغرفه وعمود الكامات تحياتي
حافظ علي عربيتك وما تبخلش عليها و حط بنزين 92.... التسقيف ده شئ مش مبشر بالمرة...غلط جدا اللي انت بتعمله ده..هاتجبلك طرمبه بنزين و طقم رشاشات وهاتخش في موال هايخليك تكره العربيه..يا باشا دي اوبل مش 128 علشان تعمل فيها الكلام ده