مقارنة بين النترا 2012 الشكل الجدبد ولا كورولا 2010 هاى لاين

**Mostafa_Nour** · 06-06-2012 09:30 PM

السلام عليكم أخى الكريم

أيا كان اختيارك (ربنا يوفقك فيه أيا كان ) ماتتنازلش أبدا تحت أى ظرف من الظروف عن الفرامل ال abs لأنها حيوية جدا جدا ربنا يسترها معانا كلنا.
اقتراح : لو هتقدر توصل ل 131 ألف يبقى رينو فلونس أول فئة أتوماتك أحسن من التويوتا المستعملة وأحسن من الالنترا الزيرو .
وبالتوفيق ومبروك مقدما
تقبل مرورى.

**Ultramisho** · 07-06-2012 02:20 AM

مبدئيا انا رأيي الزيرو اضمن مهما كانت العربية على الاقل بتضمن ان مايحصلش معاك مقالب ده تليين العربية ياراجل زي تعليم الطفل للمشي لو قسيت عليه شوف هيحصله ايه
وبرضه وسائل الامان كالايه بي اس والايرباجز مهمين طبعا بس برضه مش سبب لاتحمل اخطار المستعمل بس ياريت تقدر تتحامل وتجيب الالنترا جي ال اس
ثانيا معلومة الزملاء ان التويوتا السعودي على الاقل من بعد 2010 تقفيل تايواني صح باستثناء المانيول لسه تقفيل ياباني على ما اعتقد
ثالثا انا ركبت النترا الشكل القديم والكورولا بس لا تندهش وجدت الالنترا القديمة قعدتها اريح وافضل بل واوسع من الكورولا خاصة الكنبة الخلفية
ولكني لا انكر اعتمادية الكورولا
باقي الكلام عن التكييف وسعر اعادة البيع فهم متقاربين
والله اعلم

**Ultramisho** · 07-06-2012 02:26 AM

آه نسيت اقولك ابعد عن الفلونس مع احترامي لزميلنا الفاضل الي رشحها
صحيح تقفيلها كويس وشكل ووسع

لكن سحب بطيييئ خاصة في الطلعة وتكييف ضعيف وسعر اعادة بيع واضح
ده غير شكوى الي شاريها من عضة الفتيس ويمكنكم مراجعة المنتدى في مواضيع الفلونس

**gouda78** · 07-06-2012 07:27 AM

الف شكر على الرد بس الرينو مع انها فى قمة الاناقة الا انى سمعت ناس كتير بتشتكى منها, طبعا ممكن يكون كلام و خلاص و يكون اللى بيتكلم عليها عمرة ما ركبها , بس خلينا فى الsafe side و مشكور مرة اخرى.

**gouda78** · 07-06-2012 07:36 AM

انا معاك مية * المية لانى ركبت الانترا و فعلا الكنبة و الشنطة اوسع من الكورولا, هو سؤال اخير عن الانترا, قالو ان ملهاش سمكرة ان اى خبطة بسيطة هتخليك تغير الباب كلة كما ان حاجتها غالية فالفانوس الخلفى سعرة 1400 جنبة و مش موجود, مش عارف الكلام دة صح ولا اية؟

**HAITHAM1985** · 07-06-2012 09:47 AM

بسم الله الرحمن الرحيم

السلام عليكم ورحمة الله وبركاته

المقارنة غريبة حبتين ........ بين زيرو لعربية محترمة ومستعمل لعربية ممتازة

يبدو إن ده اللى قدامك فعايز تاخد رأينا ......... علشان ملفش وأدور ........... الكورولا إختيار أفضل من ناحية التقفيل والخامات وقوم المكنة والإعتمادية ....... بس تتغاضى شويتين عن الشكل والرفاهية اللى موجودين فى الإلنترا وإنبهارك بيهم هيروح مع أول مشكلة مؤثرة فى العربية

وزى ماانت قولت الكورولا 2010 وخليجى يعنى إخواننا اليابانيين القصيرين هما اللى عملنها على إيديهم ودول ولاد عفاريييييييييييت ......... أما لو طوال شوية كانوا عملولنا إيه وعملوا فينا إيه ؟

خد قرار ومتوقعش نفسك فى حيرة ولا تخش فى جدليات وحتى لو إختيارك مكنش موفق يبقى بردوه ده نصيب والفلوس على فكرة بيجى غيرها طالما راضيين بما كتب لينا ........ وبإذن الله مش هاتندم وهاتتمنى الكورولا تبوظ علشان تغيرها بس ده سنة 2050 وربنا يديك ويدينا طول العمر

أخوك هيثـــــــــــــــم

سلاااااااااااااااام

**Dr'AhmZZong** · 09-06-2012 03:59 AM

المشاركة الأصلية كتبت بواسطة HAITHAM1985

بسم الله الرحمن الرحيم

السلام عليكم ورحمة الله وبركاته

المقارنة غريبة حبتين ........ بين زيرو لعربية محترمة ومستعمل لعربية ممتازة

يبدو إن ده اللى قدامك فعايز تاخد رأينا ......... علشان ملفش وأدور ........... الكورولا إختيار أفضل من ناحية التقفيل والخامات وقوم المكنة والإعتمادية ....... بس تتغاضى شويتين عن الشكل والرفاهية اللى موجودين فى الإلنترا وإنبهارك بيهم هيروح مع أول مشكلة مؤثرة فى العربية

وزى ماانت قولت الكورولا 2010 وخليجى يعنى إخواننا اليابانيين القصيرين هما اللى عملنها على إيديهم ودول ولاد عفاريييييييييييت ......... أما لو طوال شوية كانوا عملولنا إيه وعملوا فينا إيه ؟

خد قرار ومتوقعش نفسك فى حيرة ولا تخش فى جدليات وحتى لو إختيارك مكنش موفق يبقى بردوه ده نصيب والفلوس على فكرة بيجى غيرها طالما راضيين بما كتب لينا ........ وبإذن الله مش هاتندم وهاتتمنى الكورولا تبوظ علشان تغيرها بس ده سنة 2050 وربنا يديك ويدينا طول العمر

أخوك هيثـــــــــــــــم

سلاااااااااااااااام

**mody3on** · 09-06-2012 09:13 AM

المشاركة الأصلية كتبت بواسطة AhmaZonG

ايه يا عم انت جاي ترد ولا جاي تحط ناس بترقص :p

**seso100100** · 10-06-2012 07:21 PM

انا كان معايا النترا 2007 مانيوال و قعدت معايا 4 سنين و قررت ابيعها عشان اجيب اتوماتيك و اجيب حاجة احسن فاشتريت تويوتا هاى لاين 2011 من التوكيل و ندمت جدا لأنها ضيقة من الامام و سقفها واطى يعنى لو واحد طويل يلمس السقف و قعدتها غير مريحة و تابلوها عادى و اتزانها ضعيف و ده اللى خلانى ابيعها بعد 4 شهور لانى حسيت ان الالنترا 2007 احسن منها و ان الكلام اللى بيتقال على اليابانى كلام قديم و غير حقيقى و الكورى اصبح افضل من اليابانى فى كل شئ و اليابانى نفس الموتور و نفس الشاسيه و تغيير فى الشكل الى الاوحش كأنك بتشترى عربية سنة 2002 التويوتا اخرها 2007 و بعد كده ما تركبش فأفضل لك اشترى الالنترا لانها جديدة كليا فى الشكل و الموتور و اوسع و شنطة اكبر و ستايل مبهر للتابلوه و الشكل الخارجى عصرى