الولايات المتحدة تخطط لغزو مصر بعد عشر سنوات

**OsKaR** · 19-06-2007 02:27 PM

لا اعتقد ذلك لأنها محتلانه من الباطن في الوقت الحالي و زي ما قال الاخ ecybrarian

اسمه ايه ده بيسمع الكلام ولا أجدع حاكم ولاية امريكاني

:mrgreen:

19-06-2007 03:22 PM

طيب ما افغانستان والعراق فيها حكام وحكومات بتسمع الكلام بس امريكا مصرة علي التواجد العسكري !!!!

اذن الموضوع مبقاش احتلال سيطرة لان امريكا فعلا بقت هيا المسيطر الوحيد علي الشرق الاوسط بس لسه عايزة تعزز وجودها العسكري بقواعد اكتر وتواجد العنصر البشري بشكل اكبر والاخطر اختلاق مشاكل ونزاعات بين كل عناصر نسيج الامة كلها وده فكر متبع من القدم لتحضير الساحة للمعركة بس معركة ايه الله اعلم

هل هم عايزين ينشروا ديموقراطية وحضارة معتقدش
هل عايزين يسيطروا علي موارد الطاقة ويعزلوا باقي العالم عنها جايز واللي ياكد ده ان اهم مصادر البترول في مطنقة البلقان والخليج العربي بقوا تحت السيطرة العسكرية ليهم ولم يتبقي في المنطقة الا ايران وسوريا والمؤكد ان كلا الدولتين مستهدفين
هل هي حرب صليبية للقضاء عل الثقافة الاسلامية باشكالها الاصولوية والجهادية والهدف منها تواجد عسكري دائم للتدخل السريع ضد اي ثورة اسلامية محتملة

الاحتمالات كتير وكلها ليها ادلة وشواهد بس الاكيد ان امريكا بتنفذ استراتيجية طويلة المدي الهدف منها تحقيق اكبر قدر من التفوق الاستراتيجي والسيطرة علي علي موارد العالم الجديد اللي حساباتة لسه مش واضحة دلوقتي

امريكا مش بتستهبل زي ما قالت فوزية
(فيلم جائنا البيان التالي) :lol:

**labbody** · 19-06-2007 03:28 PM

عض قلبى ولا تعض رغيفى فلك أن تتخيل ماذا سنفعل بهم :twisted:

**Dr Ahmed** · 19-06-2007 03:45 PM

مصر حكمها صنفين فقط من الحكام: الفراعنة والأجانب..
وذاق المصرى المر مع الأجانب والأمرّين مع الفراعنة...
لدرجة ان حمايا نٍفسه حد ييجى يحتل مصر بس يظبط لنا المرور والبطالة وكل مشاكلنا المزمنة ، وهو بيتحسر على أيام الاحتلال الانجليزى وقت ماكان الجنيه المصرى سعره قريب من الجنيه الدهب وليه وجهة نظره طبعا...
وصحيح إيه اللى ممكن يشحذ همم المصريين للنهضة غير الاحتلال؟؟؟ جربنا كل حاجة ومنفعتش...

أخيرا خير جنود الأرض فى مصر لأنهم فى رباط إلى يوم الدين دا حديث شريف مش آية..
لكن جيشنا حاليا ليس قويا وجنودنا عندهم أنيميا ويفتقرون للياقة البدنية والتدريب على أى شئ وعندهم لامبالاة واهمال كافيين جدا لل..........، ومعداتنا العسكرية الصالحة للاستخدام هى الشوم ، وماعدا ذلك صينى تقفيل مصرى....

لكن وقت الأزمات كل دا بيتغير فورا.. ودا اللى أتمنى مكونش غلطان فيه.

19-06-2007 05:17 PM

المشاركة الأصلية كتبت بواسطة Dr Ahmed

لكن وقت الأزمات كل دا بيتغير فورا.. ودا اللى أتمنى مكونش غلطان فيه.

انا معاك يا دكتور في كل اللي قولتة معادا كلمة فورا ديه التاريخ بيقول اننا عادة بنحتاج حوالي 100 سنة عشان نتخلص من الاحتلال يعني ان شاء الله نحتفل بعيد استقلال المنيا في 2115

**Nile Heart** · 19-06-2007 05:35 PM

المشاركة الأصلية كتبت بواسطة Dr Ahmed

مصر حكمها صنفين فقط من الحكام: الفراعنة والأجانب..
وذاق المصرى المر مع الأجانب والأمرّين مع الفراعنة...

معلش ممكن توضح ازاى يعنى؟

وعمرو بن العاص وباقى الحكام العرب حتى الدوله العثمانيه دول تبع اى فئه؟

**PRO-DRIVE** · 19-06-2007 06:12 PM

مش تقريبا الموضوع دة مخالف لقوانين المنتدى ؟؟ :mrgreen:
شوافوا لما مصر تصنع سلاحها بنفسها و يكون عندها اكتفاء زاتى من كل شئ يبقى نتكلم ساعتها فى فكرة اقوى جيش لان اللى بيبيعلك عارف بيديك اية و عندة اية طبعا حلاقى واد قالى ماهما ك>ا دوله حرد حقول مش مستعدين يخسروا علاقتهم مع امريكا عشان خاطر سواد عيون مصر يعنى حتتباع يعنى حتتباع واحد تانى حيقولى المصانع الحربية حقوله بطلت اسلحة و اشتغلت فى السخاانات و الغسالات :mrgreen: اممم فاضل اية تانى بس يعنى اذا اذا فكرة حرب احنا خسرانيين بعدين الحرب مش زى زمان دروع بشرية و الكلام دة لا طيرارات تخلص الاول بعدين نفكر فى الجيش :mrgreen:

المهم كل الللى فات دة فى الاحلام لان الاحتلال بقى سياسى مش عسكرى انا كنت بس بقول افكار و انا متفق مع محمود الحفنتاوى فى كل كلمة قالها

**TAREKSHEIR** · 19-06-2007 06:22 PM

الكلام ده صح ولكن مش الأمريكان .. الأمريكان بيمهدوا بس يعنى وسيله .
العمليه ياجماعه دلوقتى بتحاول تبدأ بالعكس من الفرات إلى النيل بس مكانوش متوقعين إللى بيحصلهم فى العراق وكانوا فاكرين إن العراقيين هيستقبلوهم بالورود . وكانوا بدأوا فعلاً يدخلوا يهود فى شمال العراق . ومش هيهمدوا .. عارفين ليه .. لأننا كثير ولكن كغثاء السيل كما قال الرسول الكريم . علشان كده إحنا مطمع . فقد تكاثر علينا الأكله
البدايه ياجماعه مننا إحنا كأفراد ومجتمعات وحكام ودى طبعاً حكايه طويله كلكم عرفينها . لكن لو تمت صح كل دول هيكشوا .

**Dr Ahmed** · 19-06-2007 07:20 PM

المشاركة الأصلية كتبت بواسطة Nile Heart

المشاركة الأصلية كتبت بواسطة Dr Ahmed

مصر حكمها صنفين فقط من الحكام: الفراعنة والأجانب..

وعمرو بن العاص وباقى الحكام العرب حتى الدوله العثمانيه دول تبع اى فئه؟

هم دول مصريين؟ يبقوا ايه؟
أى حد مش مصرى ممكن يقال عليه أجنبى..
ومصر تاريخها آلاف السنين ...كتاب حياتها يا (ع) الفرح فيه سطرين .. والباقى كله عذاب ...

طبعا مر على مصر الندرة من الحكام منهم بعض الحكام العرب فى بداية الدولة الاسلامية وبعض اللقطات فى تاريخها الطويل جدا بما يساوى سطرين ، لكن المجمل يقع ضمن معنى العبارة..

**vooooo** · 19-06-2007 07:36 PM

هى يعنى امريكا مستنيه تدخل السودان علشان تعرف تدخل مصر ( تبقى غبيه قوى )
لأ طبعآ ماهى امريكا عندها قوات فى كل البلاد العربيه
طيب ماهى ليبيا جنبنا و عليها حصار جوى و نيله
ولا هم لازم يدخلولنا من تحت؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

معلومه عايز اقولها مالهاش دعوه بالموضوع خالص
الأقتصاد الليبى و الأقتصاد السودانى دلوقتى اعلى مننا بكتييييير
الدولار = 2 جنيه سودانى تقريبآ
الدولار = 5.6875 جنيه مصرى
تخيلوا الفرق

الموضوع: الولايات المتحدة تخطط لغزو مصر بعد عشر سنوات

LinkBack

أدوات الموضوع

عرض

-

-

-

-

أحذروا -

-

-

المواضيع المتشابهه

الولايات العربية المتحدة

تويوتا تسحب 412000 سيارة في الولايات المتحدة

تنامي حصة فورد في سوق الولايات المتحدة

الولايات المتحدة الديمقراطية

الولايات المتحدة الأمريكية تقع في قارة اوروبا

الكلمات الدلالية لهذا الموضوع

المفضلات

المفضلات

ضوابط المشاركة