مشكلة حرارة فى اللوجان

**A_U3** · 06-06-2012 02:20 PM

السلام عليكم
ياجماعه انا معايا لوجان 2010 واللى اعرفه ان الحراره المفروض تكون ثابته عند 4 شرط ومتزيدش
انما بقالى فتره الحراره بتفضل تعلى عن كده وتنزل ويمكن تقفل الامبير كمان
الغريب ان الحراره بتزيد خاصة لو قافل الزجاج انما لو مشغل التكييف عمرها مابتزيد
انما حتى لما مؤشر الحرارة بيقفل الشرط لمبة الحرارة مش بتنور
انا مش فاهم ايه المشكله وعاوز اعرف لو حد واجهته قبل كده

**amrelzawawy** · 06-06-2012 05:08 PM

يا ترموستات يا حساس الحراره .....لو فى الضمان على التوكيل يغيرالسبب فيهم

**tekoooooo** · 07-06-2012 11:01 AM

100/100 حساس حرارة باظ لانه بيخرف فى قراءة الحرارة الترموستات مسئوله عن تشغيل المروحة بتاعت تبريد الريداتير وفصلها روح التوكيل هيغيرولك حساس الحرارة ده بمنتهى السهوله والدنيا هتبقى تمام بس نصيحة فى اسرع وقت وخلى باللك جدا من لمبه الحرارة لو نورت تقف على طول وتبطل العربية وتفتح الكبوت وماتمشيش غير لما تبرد

**A_U3** · 07-06-2012 03:33 PM

المشاركة الأصلية كتبت بواسطة amrelzawawy

يا ترموستات يا حساس الحراره .....لو فى الضمان على التوكيل يغيرالسبب فيهم

هى العربية بره الضمان

**A_U3** · 07-06-2012 03:36 PM

المشاركة الأصلية كتبت بواسطة tekoooooo

100/100 حساس حرارة باظ لانه بيخرف فى قراءة الحرارة الترموستات مسئوله عن تشغيل المروحة بتاعت تبريد الريداتير وفصلها روح التوكيل هيغيرولك حساس الحرارة ده بمنتهى السهوله والدنيا هتبقى تمام بس نصيحة فى اسرع وقت وخلى باللك جدا من لمبه الحرارة لو نورت تقف على طول وتبطل العربية وتفتح الكبوت وماتمشيش غير لما تبرد

شكرا على ردك انا برضه باظن انه مش الترموستات لان المروحه بتشتغل عادى والمؤشر لما بيعلى ثوانى و بيرجع ينزل تانى
انا هروح واشوف ان شاء الله بس انا حبيت اسال الاول احسن تكون حاجه بسيطه وانا مش فاهمها

**hanafe22** · 07-06-2012 04:37 PM

كانت عندى نفس المشكله وطلع العيب من سلك الارضى وتم تقويته فى التوكيل ولسه ما جربتش

**A_U3** · 10-06-2012 04:45 PM

المشاركة الأصلية كتبت بواسطة hanafe22

كانت عندى نفس المشكله وطلع العيب من سلك الارضى وتم تقويته فى التوكيل ولسه ما جربتش

ياراجل ؟
طب معلش سلك ايه اللى فيه مشكله مش فاهم

**abd_elhalim85** · 01-04-2017 07:51 PM

انا عندي نفس المشكلة بالظبط copy paste في لوجان 2012 ساعات في الزحمة الاقي مؤشر الحرارة يعلي شرطتين و بعدين ينزل تاني و ساعات المؤشر بيقفل بدون ظهور لمبة الحرارة التحذيرة (هما الاتنين مش بيخدوا من نفس الحساس؟؟) فكينا ال thermostate valve و جربناه في ميه سخنة و تماام، سيخنا الراديتير و لقيناه تقريبا نظيف، مفيش قدامي غير حساس الحرارة في صنايعي بيقول نفكة ننظفه او نسنفره يمكن يكون حساسيته قلت بسبب ترسبات خارجية...يا تري المشكلة اتحلت ازاي؟؟ شكرا عالرد

**Colin Chapman** · 11-05-2017 05:23 AM

ده بسبب ان اغلب الميكانيكية مبيفهموش فى دورة الماء المغلقة للرينو وعلشان كده دايما كانت تسخن لدرجة الغليان وقربة الماء تنفجر ده كان اغلب الفويجو بموتور رينو 20 او 18

الفويجو ديه كانت عربية سحر وابداع من رينو
فى الحالة ديه بيتاخد وش هواء من دايرة سائل التبريد وكاءنك بتاخود وش هواء من دايرة الفرامل!!!
https://www.youtube.com/watch?v=tdldWequ4t4
https://www.youtube.com/watch?v=gcCkGiaWN-I