انا معايا فيرنا عاوز حد يقولى اركب حساسات وانذار وستنر وجنوط وايه تانى والحاجات دى اسعارها كام
عرض للطباعة
انا معايا فيرنا عاوز حد يقولى اركب حساسات وانذار وستنر وجنوط وايه تانى والحاجات دى اسعارها كام
بالكتير 10 بواكي جنط وعفشه وفرش نضيف زينون سمعتين بصب وشويه لعب خفيف وشكرا
لو ناوى تركب جنك 17 لازم تعدل فى العفشه بس منصحكش عشان الدبدبه و السحب هيقل و مش هتركب ناس كثير فى العربيه
هات جنط 15 نضيف انا افضل من ارابكوم....
الزينون بلاش عشان بيغلسو فى المرور و لسه واحد صاحبى كان هياخد مخالفه عشان العربيه مش بتنزل بيه بس ضبط الامين..
الباركينج سينسور على حسب نوعه فى ب170 و فى ب 300
شوف يا باشا مدام قررت تضبط فيرنتك يبقى تركز فى الكاشات
يعنى مثلا هتحتاج جنوط و كاوتشات بدل التعبان اللى نازلين معاها (اللاسا)
الصينى رغم ان تشكيلته كبيرة و أشكالو تهوس الا ان اعتماديته ضعيفة جدا خصوصا لو ركزت فى الطرق المصرية (حدث و لا حرج)
طبعا الجنوط الايطالى و الألمانى غالية قوى على فيرنا بس الاعتمادية ولا كلمة طبعا بس ممكن تشوف لو فى استعمال محترم و على حسب الحالة طبعا
خليك فى جنوط 15 اندونيسى أو ماليزى 195/50 أو 55 /R15
أحسن كاوتش يؤدى معاك هوا البريدجستون طبعا بس غالى حبتين
(تقريبا الطقم ب 2000)
ممكن أرخص من كدا بقى كومهو أو أكسيلير و الأخير دا اندونيسى (بين 1200-1400)
ممكن تشترى الجنوط من أرابكوم مدينة نصر أو أشرفكو الحى السادس
الجنوط هتعمل بين ال (1700-2000) لو ماليزى أو اندونيسى
لو ايطالى أو المانى بقى هتشخلل جيبك جامد جدا يا مان
---------------------------------------------------
طبعا ممكن تركب فلتر رياضى Simota, K&N ,ودا من حوالى( 140-450)
-----------------------------------------------------
ممكن تركب الستاير الكبس للزجاج الخلفى و الزجاجين الخلفيين بحوالى ( 100-120)
و ممكن أوى تفيم لو كنت معندكش مشاكل مع المرور أو من ذوى الحظوة !!
-----------------------------------------------------
ممكن تركب عدة صوت محترمة (هيد يونيت-سماعتين أو أربعة-صب-امبيليفاير) أو تختار ما يناسب ميزانيتك من المجموعة السابقة و دا فى حدود من( 1000-5000)
وتشوف لو هتشاور عقلك و تركب شاشات و دى فى دى بلاير و لا لأ عشان تعمل حسابك
-----------------------------------------------------
ممكن تركب الفوجات الأصلى لو عربيتك مش نازلة فول أوبشن و دا بحوالى 240
ممكن تركب وحدات رفع الأصلى للفيرنا لو عربيتك مش فول أوبشن فى حدود 1000 ودا للباكيدج الكاملة بفرش الباب الداخلى و الزراير
-----------------------------------------------------
ممكن تركب عتب و كساحات أمامى و خلفى فى الحرفيين ودا انت و شطارتك مع اللى هيعملهوملك و يركبلك
----------------------------------------------------
الباركنج سينسورز تقريبا هتكلفك 200 جنيه بالتركيب و دى بتتباع فى معظم محلات الكماليات دلوقتى
-----------------------------------------------------
الكار كيت بلو تووث بالمراية بحوالى 550-600
-----------------------------------------------------
الزينون عليه كلام فى المرور بس لو كنت حتما ولا بد مركبه ركب HELLA أو HID PLUS و الأخير توكيله فى الرحاب و ناس محترمين جدا (عن تجربة شخصية) و مبيتأخروش فى أى حاجة و عندهم خدمة مابعد البيع على مستوى عالى
HELLA ب 1050 جنيه تقريبا
HID PLUS بنفس الرينج تقريبا للنور الصغير (تكة واحدة) و أغلى بحاجة بسيطة للنور العالى و الواطى مع بعض (تكتين)
-----------------------------------------------------
لو ناوى على Alarm + Central lock
فيه بحوالى 225 الاتنين ميتسوبا يابانى و فينوم كورى
و فى طبعا أنواع كتير بأسعار تقل أو تزيد
-----------------------------------------------------
ممكن تركب فرش جلد بأسعار من حوالى 150 لحد 1500 لو طبيعى تفصيل
-----------------------------------------------------
يارب أكون أفدتك يا وليد و لو فى اى سؤال تحت أمرك