الموضوع: عملية تصحيح النظر بالليزر

انا عملتها من 7 شهور كدة و الحمد لله زى الفل

المشاركة الأصلية كتبت بواسطة kareem_Ashmawy

أستاذى الفاضل
انا طالب فى طب القاهرة و عندى امتحان رمد بكرة الصبح بالمناسبة ( دعواتك باه:))
حضرتك مينفعش خالص تسأل حد الليزر حلو و لا ل و لا ينفع معايا و لا لأ
حضرتك لازم تروح لدكتور عيون و هو هيكشف على حضرتك و يحدد حضرتك ينفع معاك الليزر و لا لأ
لأن ممكن شخصين نفس السن و نفس قياس النظر وواحد ينفعله الليزر و التانى لأ
حضرتك ممكن يكون الليزر ملوش دور فى حالتك أصلا و ممكن ينفع
ممكن شخص يعمل ليزر و يبقى زى الفل و التانى يعمل نفس العملية و يحصل أعراض جانبية
دايما عندنا بنقول كلمة مهمة قوى بخصوص عمليات الليزر
أهم حاجة فى نجاح العملية هى
proper selection of the appropriate patient
و اللسب الرئيسى فى فشل عمليات الليزر لا قدر الله هو ان الدكتور اخطار المريض الخطأ
المريض اللى مش مناسب للعملية

واضح ان الامتحان بكر يادوك ;)

كلام سليم 100%

المشاركة الأصلية كتبت بواسطة emadspeed

انا عارف اكيد انى لازم اروح للدكتور واكيد هو اللى حيحدد ان كان ينفع موضوع الليزر ده ولا لا بس انا كنت بسأل لو ان شاء الله موضوع الليزر نفع معايا هل فى مخاطر فعلا ولا لا ويا ترى النظر بيفضل كويس ولا لا ومدتها بتبقا اد ايه وهل لو حعملها ينفع اعمل عنيا الاتنين مع بعض ولا لازم واحدة وبعد كده العين التانية

وربنا معاك ان شاء الله فى الامتحان

أنا عملت العملية لزوجتي
و الحمد لله هناك فارق شاسع
لا أعراض جانبية نهائيا باستثناء بعض الحرقان و الزغللة في الأسبوعين التاليين للعملية

بعد العملية هاتمشي على قطرات من المضاد الحيوي و الكورتيزن بمواعيد ثابتة و جرعات متناقصة على مدى 14 الى 21 يوم تقريبا .....

كل ما كان الجهاز أحدث بتكون القدرة على التصويب أدق ووقت التصويب أقصر مع جرعات ضوئية ذات انبعاث حراري أقل = عملية بمضاعفات أقل

والدة زوجتي عملتها في الاسكندرية من 4 شهور و بدون أي مضاعفات ولا حتى حرقان (بسيط جدا) و ده لأن الجهاز أكثر تطورا

بص يا استاذ عماد

انا لما رحت للدكتور طبعا الاول عملى كشوفات مبدئية كدة منها طبعا قصر النظر دة أد ايه و قاع عين و الحاجات دي

بعدين رحت فى المركز بتاع العيون اللى الدكتور بتاعى تبعه عشان نكمل باقي الكشوفات دي و كانت كتيييييييييييييييرة موووووووووووووووت بعد ما خلصت خالص لقيته جيلي بيقولى حاجة غريبة جدا !!

قاللى انت اوكى تنفعلك الليزك و كل حاجة بس للاسف سمك القرنية µm 480 و عمكلية الليزك العادى عشان تتعمل لازم تبقي بداية من 500 فهنعملك عملية اسمها epi lasik هي احسن كمان من الليزك و كدة بس العملية نفسها بتبقي قريبة شوية من سطح العين فهتحسي بألم .. و دي غير الليزك العادى لان اليزك العادى مش بتحس بأى الم بعد العملية غير شوية حمار و بيروح لكن اللى انا عملتها فيها ألم بعد العملية لمدة 3 ايام و فعلا هم كانو 3 ايام بس عيني وجعتني فيها بس طبعا مسكنات و قطرات و الدنيا بتمشي

و الحمد لله زى الفل اهو .. اختي باة عندها عين كانت عملت فيها عملية انفصال الشبكية و مينفعش فيها ليزك فسألت مرة الدكتور اذا كان ينفع تعمل عين و عين لأة قالها ينفع مفيش مشاكل