90 % العداد ملعوب فيه

صباح الخير

طبعا الصيف جه والواحد الشيطان بيوزه يلا هات بايك

المهم دورت على الي موجود طبعا موديلات 2002 وطالع

بس الي لفت انتباهي حاجه غريبه

ازاي عايز تفهمني انا بايك موديل من 86 مثلا او في ال تسعينات

وماي 5000 كيلو ولا ماشي 15 الف بس ؟؟؟؟؟؟؟؟؟؟؟؟؟؟؟؟؟

كل ده لعب في العداد اغلب يعني ياماها موديل r6 2007 ماشيه 28 الف كيلو

وهوندا مثلا موديل 90 يعني بقالها 20 سنه وماشيه 4000 كيلو بس ؟ طيب ازاي

لما تشتري متهتمش بالعداد نهائيا اهتم بالحاله

ومتقوليش ان تشتري باك عداد الكيلو بتاعه ديجيتال عشان يكون اضمن

ده بردوا بيتلعب فيه هههههههههههههه بس هنا انت بتصفر تاني من الاول

بتفك العداد وبتوصله على الكمبيوتر في وصله معينه بتوصلها بالعداد وعلى البرنامج بتفصره تاني

وده مثال بسيط ازاي بيتم توصيله بس هنا هو كان بيظبط حاجات تانيه سبيد سيلكشن وكده بس شكله كان بيصفر بردوا هههههههههه

http://k100rt.aforumfree.com/t2038-k...ogram-tutorial


اما الانلوج بسيطه روح لاي واحد بتاع عدادات وبيفهم فيها حيخليهالك عروسه

بدل ما تكون موديل 90 وماشيه 50 الف كيلو

حيخليهالك موديل 90 وماشي 2000 كيلو بس وابقى قول فيها الشعر الي انت عايزه

فابريكه , افراج جمركي , عروسه ههههههههههههههههههههههههه ههههه

وسعتها حتنقذ مصيلحي وتشرب الكانتلوب الافراج

Peeling tach face repair instructions (Suzuki SV650)

طبعا مش ححط بتتعمل ازاي لل CBR بالتفصيل للانلوج عشان مححدش يعملها هههههههههههه

ومن غشنا فليس منها

هههههههههه طب ما دة هو العادى :10D5C8w1107: أنا أساساً أما باجى أشوف البيك فعلاً أخر حاجة ببص عليها العداد الحالة هى الاهم الاداء تحتيك :36_1_34[1]: دة اللى يفرق مع إى حد فاهم ............. وى معتقدش أن فى العدادات دلوقتى أما بيجى يشوف يشوف الحالة العامة أو بيجيب إفراج وى يريح دماغوا ..........بس والله عمتاً حضرتك كلامك صح لإبعد الحدود لأن ببساطة هى ديت مصر وى هو دة الشعر اللى بيتقال من أى حد هايبيع .............. مشكور على النصيحة يا غالى

بنتعمد نطلع الذكاء مش فالطريق السليم

اقتباس:

---

المشاركة الأصلية كتبت بواسطة joacky

هههههههههه طب ما دة هو العادى :10d5c8w1107: أنا أساساً أما باجى أشوف البيك فعلاً أخر حاجة ببص عليها العداد الحالة هى الاهم الاداء تحتيك :36_1_34[1]: دة اللى يفرق مع إى حد فاهم ............. وى معتقدش أن فى العدادات دلوقتى أما بيجى يشوف يشوف الحالة العامة أو بيجيب إفراج وى يريح دماغوا ..........بس والله عمتاً حضرتك كلامك صح لإبعد الحدود لأن ببساطة هى ديت مصر وى هو دة الشعر اللى بيتقال من أى حد هايبيع .............. مشكور على النصيحة يا غالى

---

حضرتك منور الموضوع ياباشا

دا انا حتى لما ببيع بايك بقول فيها شعر بس جمب بيت الشعر بكتب فيها سطرين بالمشاكل الي فيها

ههههههههههههه يعني مش بغش زي بعض الناس

اقتباس:

---

المشاركة الأصلية كتبت بواسطة ahmed1006

بنتعمد نطلع الذكاء مش فالطريق السليم

---

انا قلت احط الموضوع لاني اعرف كذا واحد اشترى بايك بالعداد ههههههههه واقوله ديه

حالتها وحشه يقولي انت بتتكلم في ايه ديه ماشي 5000 كيلو بس هههههههههههههههههههههه

وممكن الافراج كمان لعلمك يكون ملعوب في العداد بتاعه

هو انا سمعت من واحد انا البايك الموديل الجديد يعني نقول من 2002 ل 2012 لما بتوصله بالكمبيوتر زي بتاع السياره كده ممكن يجبلك هيا ماشيه قد ايه حتى لو تم تصفير العداد

حبقى اجربها واقولكم d:

خلى بالك ان موضوع تصفير العداد مش فى مصر بس ده بره كمان
انا كنت متابع بايك فى اعلان وصاحبها كاتب ان عاملة 34.000 الف كيلو
بعدها بشهر لقيت نفس البايك ونفس البايع بس عامل 20000 الف بس
المشكلة مش فى مصر بس

صباح الخير جميعا

حالة البايك العامة أهم بكثير من العداد لأنه فعلا في كثير من الأحوال بيتلعب فيه
بس خد بالك مش شرط أنه يكون ملعوب في العداد يعني فيه ناس بتمشي قليل جدا بالبايك
أنا مثلا بأخرج بالبايك مرة كل أسبوع و يمكن ساعات كل أسبوعين و أقصي مشوار يمكن 5كم فقط
و متوسط المسافة أقل من 100كم في الشهر يعني 1200كم في السنة بالكتير

أقصد أن حالة البايك لازم تكون متناسبة مع العداد و مع سنة الموديل لأن في أجزاء تستهلك حتي لو البايك واقف

لذا عند شراء البايك لازم يكون معاك حد فاهم كويس جدا و ياريت يكون صاحبك و تثق فيه و بلاش الميكانيكية لأنه في معظم الأحوال بيكون غير أمين و يلبسك في بايك رايح النار علشان يأخذ عمولة أكبر من البائع و برضه يشتغلك شوية في الأول في التصليحات و الصيانات

الموضوع زي العربيات بالظبط اوعي تفكر تبص ع اي عداد ديه اخر حاجة او يمكن ميتبصش عليه اساسا
اهم حاجة شاسيه ثم ميكانيكا ثم كهربا و الحالة العامة

تسلم يا باشا ع التحذير

فكرتوني بموضوع يضحك سنة 2010 شهر 8 كنت حشتري تويوتا كرولا وكان سعرها لقطه جدا اقل من سعر السوق ب 20 الف جنيه تساله يقولك محتاج فلوس جدا حشتري شقه بعد يومين ومحتاج اخلها بسرعه , تشوفها من بعيد فابريكه بمعنى الكلمه وكان مكتوب في الاعلان قياده حريمي هههههههههه , تبوص لى اعلعداد كسر زيرو يا جدعان ماشيه 8000 كيلو وهيا موديل 2009 هههههههههههه كشفنا عليها تمام مفيش اي حاجه سمكري وعفشه تمام مفيش حاجه سمعت صوت المتور في تكه غريبه ؟؟؟ سالته قالي اكيد البنزين الي اتحط مش تمام او البوجيهات عايزه تتغير او الانجكشن مسدود قلت يمكن ؟؟طيب ايه ؟؟؟؟؟؟؟؟؟؟؟؟؟؟؟؟؟؟؟؟؟؟ طبعا هيا مش خليجي ضربت في دماغ قبل ما ادفع اروح التوكيل اكشف عليها يلا نخسر فلوس الكشف بس ملبسش وكانت المفاجأه d:

السياره طلعت ماشيه 46 الف كيلو في سنه ونص وضمانها اتلغى

طلع ان المقصين قدام مش نافعين ؟ مكسورين, و حصل تسريب للزيت لانه لبس في حفره وكارتيرت الزيت اتخرمت ومشي بيها والمتور اتسلخ والجير ضرب والمتور اتعمر والجير اتغير بس برا التوكيل لانه رفض يعملوا جوا عشان السعر كان غالي بس لما دخلها الكشف كتبوا كل التفصيل ده في سجل السياره , غشيم هههههههههههههههههههههه

سالته في الاخر طيب ليه كده حرام عليك قالي مش هو السبب مراته لبست في رصيف عالي جدا بسرعه وحصل الي حصل طيب والعداد ؟؟؟؟؟؟؟؟؟؟؟؟؟؟؟؟؟؟؟؟؟ ازاي ؟؟؟؟؟ مردش قالي انا اسف ومشي هههههههههههههه

طاب لو مكنش جه في بالي اوديها التوكيل واشترتها ؟؟؟؟؟؟؟؟؟ ونفرض حبيت ابعها كنت حخسر قد ايه بسببه ؟؟؟

بس بعيدا عن كل القصه ديه كان السؤال الي بساله لنفسي بجد لمدة اسبوع تفتكروا ايه ؟؟؟؟؟؟؟؟؟؟؟؟؟؟؟؟؟ حتضحك


ازاي مكتوب في التوكيل ان المقصين قدام مش نافعين ؟؟؟ وزاي مشيت بيها كل ده ؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني معقول مخدتش بله ان في اصوات غريبه بتطلع وهيا ماشيه ؟؟؟؟؟؟؟؟؟؟؟؟؟؟

فعلا شر البلية ما يضحك طب هو هل هيحس ان فلوسها حلال ؟؟؟ هل يرضي ان حد يضحك عليه و يلبسه حاجة مش تمام
ده لو جيه أمين و صادق من الأول يمكن الل قدامه ياخدها عادي فيه ناس مبتفرقش معاها و يعرف يظبط
لكن هنقول ايه نسوا حديث الرسول ( صل الله عليه و سلم ) " لا يحل لأحد أن يبيع شيئا إلا بين ما فيه ، ولا يحل لمن علم ذلك إلا بينه "

اقتباس:

---

المشاركة الأصلية كتبت بواسطة axel

فعلا شر البلية ما يضحك طب هو هل هيحس ان فلوسها حلال ؟؟؟ هل يرضي ان حد يضحك عليه و يلبسه حاجة مش تمام
ده لو جيه أمين و صادق من الأول يمكن الل قدامه ياخدها عادي فيه ناس مبتفرقش معاها و يعرف يظبط
لكن هنقول ايه نسوا حديث الرسول ( صل الله عليه و سلم ) " لا يحل لأحد أن يبيع شيئا إلا بين ما فيه ، ولا يحل لمن علم ذلك إلا بينه "

---

+++++++++++++++++++1
الله ينور عليك يا اكسل باشا