تكييف البيجو 307

**shark_3li** · 07-06-2012 01:38 PM

ازيكم يا شباب كنت عايز أعرف رأي كل واحد في تكيف البيجو 307 لأن في ناس بتقولي تلاجة وناس تقولي مش اد كده وأنا عن نفسي في العربية عندي بحسه ملوش لازمة يعني يا دوب يشيل لسعة الحر لكن درجة الحرارة جوه العربية بتكون عليا برده يعني لما اركب تاكسي فيرنا ويكون مشغل التكييف بحس بفرق شاسع أنا عارف إن تكيف معظم العربيات الاوروبي تكيفها مش حلو بس ال 307 ده الطبيعي بتاعها ولا أنا كده عندي حاجة غلط ؟؟

**Mohab.Nabil** · 07-06-2012 02:12 PM

انا مش عارف هو تكييف الـ 307 هو هو بتاع الـ c4 و لا لا

بس فى الاغلب هيبقى هو

لو كده انا عندى التكييف برضه فيه حاجة غريبة يعنى طول ما انا واقف مش بيجب هوا ساقع بيجيب هوا عادى مش سخن و مش ساقع ده لو واقف فى الزحمة او كده .. اول ما ابتدى امشى شوية يبتدى الهوا الساقع و الدنيا بتبقى تمام اوى

مش عارف ايه السبب بقى

**mohamedadelemam** · 07-06-2012 02:13 PM

السلام عليكم..حضرتك فعلا تكيف البيجو كله كدا...الجديد بالذات لأن الحوض بتاع الموتور ضيق فحرارة المحرك بتكون مؤثرة على مواسير التكيف..حضرتك انا عندى عزلت مواسير التكيف بفويل 3 طبقات والنتيجة كانت كويسة جدجا واداؤه اتحسن كتير..السيارة بيجو 605 موديل 98..

**shark_3li** · 07-06-2012 04:27 PM

تكييف ال 307 هو بتاع الستروين السي 4 والعندك بالضبط هو اللي بيحصل عندي في الزحمة وبما ان الشوارع كلها زحمة فالواحد مش بيتهني بالتكييف خالص
بالنسبة لموضوع عزل المواسير فهي فكرة حلوة جدا حضرتك عملتها فين واتكلفت كام

**mohamedadelemam** · 08-06-2012 02:28 PM

السلام عليكم..حضرتك انا عملتها بنفسى فى سيارتى ودى سهلة جدا ..حضرتك تلف ورق الفويل حول المواسير باليد عادى جدا من غير لذق..عيبه انه فى الاول بيخلى التكيف ياخد وقت اكبر ليصل للتبريد بس بعد ربع ساعة كدا بيبقى تلاجة..

**S O P H O S** · 08-06-2012 04:29 PM

انا بفكر فحوار العازل ده
بس لسه قلقان .. وهيتجاب منين ؟

**mohamedadelemam** · 08-06-2012 08:52 PM

يا جماعة مش عازل خاص..دا مجرد ورق فويل من بتاع البوتجاز بس مقوى شوية

**haythamabo** · 09-06-2012 04:04 AM

المشاركة الأصلية كتبت بواسطة shark_3li

تكييف ال 307 هو بتاع الستروين السي 4 والعندك بالضبط هو اللي بيحصل عندي في الزحمة وبما ان الشوارع كلها زحمة فالواحد مش بيتهني بالتكييف خالص
بالنسبة لموضوع عزل المواسير فهي فكرة حلوة جدا حضرتك عملتها فين واتكلفت كام

بس انا معايا سى 4 والحمدلله التكييف تمام لو الحر شديد وزحمه كبيرى بجيبه على 3

**ahmed_zamalek7** · 10-06-2012 03:08 PM

انا عندى تكييف ال 307 حلو ماشاء الله وفى الزحمه كويس بردو

**shark_3li** · 10-06-2012 10:18 PM

انا روحت النهاردة فضيت الفريون اللي عندي كله وشحنت فريون جديد وغسلت السربنتينة ولسة راجع دلوقتي بعد ما الشمس راحت فا مش هاعرف احكم علي اداء التكييف دلوقتي لكن بكرة ان شاء الله هشوف الفرق وارد في نفس الموضوع