الإختلاف في الرأي لا يفسد في الود قضية !

**friendship7897** · 07-06-2012 02:10 PM

لما بيكون فيه موضوع للمناقشة بيكون فيه رأي ورأي أخر وأكيد هيكون فيه مؤيد ومعارض ، وقد تتفق وقد لا تتفق ، وبين الرأيين خيط رفيع يسمى الود ، والإختلاف في الرأي لا يفسد للود قضية ( قاعدة حفظنها من صغرنا ) ، ولازم كل واحد يلتزم بهذه القاعدة علشان يحافظ على الخيط الرفيع من القطع ، لكن للأسف على أرض الواقع الوضع مختلف ، وكل دا بسبب إن أحد الأطراف لا يقبل بوجهة نظر مغايرة لوجهة نظره أو بعرض جديد قد يتيح لموضوع معين أن يتوسع أو ينتشر أكثر ، ويعتبرها الطرف الآخر حمله لهزيمته أو إضعافه أو هز ثقته بنفسه .

معلش أنا بعرض الموضوع دا علشان أنا مكتئبة من اللي بشوفه وبسمعه وأنا عارضة الموضوع في الإجتماعي علشان أنا مش معتبراه موضوع سياسي ، يعني أنا ما زلت حيادية بين المرشحين غير المناسبين ، وأغلبية شركتى تقريباً فلول وأنا مش معترضة بس أقنعوني علشان أكون معاكوا ، مش عندهم غير التريقة على حاجة معينة - أبعتلهم وجهة نظري للشئ المضاد من خلال قراءة قرتها أو موضوع معروض هنا في المنتدى ( أ/ تامر محمد – الله يسمحه ) وأقول لهم ( أنا لسة حيادية ) يكون كم الغباء في الردود وبحدة صوت من غير أي شواهد ، ويقفلوا منى وبقفل منهم .... هو الكلام دا معايا أنا بس ولا مع ناس غيري ؟ .... يا ريت تشاركوني رأيكم .

**Khaled Seif** · 07-06-2012 02:46 PM

بسم الله والحمد لله والصلاة والسلام على رسول الله

الأستاذة الفاضلة , جزاك الله خيرا على الموضوع المفيد

ولكن متى نتعلم هذه القاعدة أن الإختلاف في الرأي لا بفسد للود قضية

متى نتعلم ثقافة الحوار وأدب الإختلاف

فالاختلاف في الرأي يؤدي عند أكثر الناس إلى القطيعة ولا حول ولا قوة إلا بالله

متى نتعلم عدم التعصب لرأي ولا لشخص فكل يؤخذ من قوله ويرد عليه إلا المعصوم صلى الله عليه

وسلم

متى نتعلم قول النبي صلى الله عليه وسلم أنا زعيم ببيت في ربض الجنة لمن ترك المراء ولو كان

محقا

متى نتعلم قول النبي صلى الله عليه وسلم إذا غضب الله على قوم رزقهم الجدل وحرمهم العمل

جزاك الله خيرا وننتظر المزيد من الموضوعات القيمة الهادفة

وصل اللهم وسلم على المعصوم محمد وءاله أجمعين

**Ghosts** · 07-06-2012 04:20 PM

للأسف يا friendship7897
المجتمع المصرى لا يعتقد فى ثقافة الأختلاف؟؟!!
كل واحد فينا شايف نفسة هو بس اللى بيفهم والناس التانية غلابة و عقلهم تعبان ....

واحد بيقول رأية ....
لية ما نسمعوش و بعدين نتناقش معاة بهدوء؟؟!!
للأسف أى حد بيقول كلام مش على هوانا لازم يتشتم و ينضرب كمان لو لزم الأمر ....

**friendship7897** · 07-06-2012 04:37 PM

المشاركة الأصلية كتبت بواسطة Ghosts

للأسف يا friendship7897
المجتمع المصرى لا يعتقد فى ثقافة الأختلاف؟؟!!

هو دا الوضع القائم للأسف ، كل واحد عجبه نفسه وبس .
بس للأمانة يا Ghosts - ماشاء الله عليك - أنا بيعجبني ردودك المهذبة في عرض وجهة نظرك على المختلفين معاك ( رغم إختلافي معاك في إختيارك الحالي المضطر إليه على ما أعتقد ) - أنا متابعة موضوعاتك ( أحوال الشارع المصري - بس إشتراكاتي أقل من 100 - مش بعرف أشارك ) - بس في كل ما حد بيهاجمك بيكون ردك محايد ومحترم .

الشركة عندي أصدرت قرار بعدم تداول الإيميلات السياسية - علشان الدنيا ولعت من إختلاف الرأي ، فوصلت للإدارة العليا فأصدرت القرار - أنا مش معترضة على القرار - أنا معترضة على الإفسين جيه من واحد غير مقتنع بالرأي الأخر ومش عارف يرد بشواهد فأنعكس علي رأيه بالسلب ، ففرود الميل الغير راضي عنه لإدارة الموارد البشرية وعمل CC لكل المشتركين في الموضوع .

**Ghosts** · 07-06-2012 04:44 PM

المشاركة الأصلية كتبت بواسطة friendship7897

هو دا الوضع القائم للأسف ، كل واحد عجبه نفسه وبس .
بس للأمانة يا ghosts - ماشاء الله عليك - أنا بيعجبني ردودك المهذبة في عرض وجهة نظرك على المختلفين معاك ( رغم إختلافي معاك في إختيارك الحالي المضطر إليه على ما أعتقد ) - أنا متابعة موضوعاتك ( أحوال الشارع المصري - بس إشتراكاتي أقل من 100 - مش بعرف أشارك ) - بس في كل ما حد بيهاجمك بيكون ردك محايد ومحترم .

يا فندم دى شهادة أعتز بيها جدآ جدآ جدآ ....

**mohammedabdallh** · 07-06-2012 08:10 PM

النظام ماشى دلوقتى على لا تبقى معايا لا تبقى ضدى
كانا فى حرب
طب اقنعنى بوجهة نظرك مفيش فايده
انبارح كنت فى القليوبيه فى طوخ بالتحديد
فكنت قاعد قدام ورشه كهربائى سيارات وكنت قاعد فى الظل فراجل كتر خيره قالى اركن العربيه وتعالى اقعد معايا وجابلى كرسى ((حسن ضيافه )) وقالى هجيب حاجه واجى
لقيت راجل كبير جاى فقمت وقعدته وجبت ليا كرسى قلت افتح حوار ما بينى وبينه اهه بتسلى
انا انتخبت مين يا حاج
قالى عمرو موسى
انا والاعاده
قالى شفيق
فقلتله كويس ربنا يولى من يصلح
قالى ربنا يولى من يصلح وخليك ماشى ورا الاخوان من غير ماقله انا هنتخب مين ولسه هنتناقش لقيت صاحب الورشه جه والراجل قال لصاحب الورشه ده هينتخب الاخوان
قاعدوا يقنوا فيا انهم وحشين وانم هيبوظوا البلد وان شفقيق هو الاصح وحسيت ان الشارع اتلم عليا والدنيا ضلمت مره واحده من الناس الى واقفه وحسسوسنى ان هرتكب جريمه المهم قلتلم لا خلاص انا معاكوا اخوان ايه بس
وقمت مغير الموضوع بصراحه حسيت انى هنضرب
فالبلد كدا انا رائى هو الاصح حتى وان كان غلط
من الاخر بقى انتى معانا ولا مع الناس التانيين

**Khaled Seif** · 11-06-2012 10:35 AM

السلام عليكم ورحمة الله وبركاته

أختنا الفاضلة / friendship7897

وفقني الله لإلقاء الخطبة يوم الجمعة الماضية , وقدر الله لي في آخر الخطبة الحديث عن الإنتخابات

والشقاق الذي يحدث عندما تجد أن الذي تحدثه قد ينتخب أحدا غير الذي ستنتخبه مما قد يحدث

القطيعة أحيانا بين الزملاء والإخوة

وتذكرت موضوع حضرتك واستشهدت بأجزاء منه في الخطبه

فجزاك الله خيرا , وجعله في ميزان حسناتك

وصل اللهم وسلم على الحبيب محمد

**تامر.محمد** · 11-06-2012 12:12 PM

سلام عليكم
انا شايف سيرتي جاية و لازم اعترف اني بريء :))))))))

مبدئيا الواحد لازم يعترف ان احنا عندنا مشاكل في الحوار
يمكن لأننا ما اتعودناش اننا نتحاور و ماحدش علمهولنا من صغرنا , طبعا عشان الجواسيس ما يسمعوناش ههههههه

فالموضوع ده هنلاقيه موجود في كل مكان , و مش شرط في فئة معينة
و عموما الاقناع مش شيء سهل و فيه ناس بتستصعبه , و فيه ناس ما عندهاش ملكة الاقناع من الاصل

من الناحية التانية التغييب الاعلامي و تغذية الاستقطاب واخدة حقها في الخطاب الاعلامي المتمارس علينا (على الفلول بالخصوص)

المشكلة الحقيقية بتبقى بين اللي بقوا فلول لدرجة تأييد شفيق من المرحلة الأولى , و المؤيدين للثورة
دول اللي فعلا مش بيلتقوا خالص , و بيقفلوا من بعض نفسيا تماما

زوجتي مثلا فيه واحدة صديقة اختها من و هما في المدرسة عملت لهم un-friend على الفيس - و ما سيترتب عليه طبعا - لأنهم اخوان او هايدوا صوتهم لمرسي و هايخربوا البلد , و بالتالي هي مش عايزة تعرفهم
ببساطة كده :)

لها صديقة تانية دخلت في سكة الفلول دي , و وصلت انها حاليا بقت تدافع عن مبارك , انا عن نفسي باشوف اللي بتشيره على الفيس و باقرف و باتقزز بشدة من كم الاخلاقيات المنحطة اللي في المنطق و كم الاكاذيب و كم التناقضات (و دي المشكلة اللي بين الفلول و مؤيدي الثورة اللي باقول عليها) لكن هي حاولت تراعيها بكل الطرق الممكنة لدرجة تجنب اي كلام له علاقة بالسياسة خالص, و التانية في المقابل بتدعي فقط انها بتراعي اللي قدامها (كعادة الفلول في المتاجرة بكل القيم) لدرجة انها وصلت لأن ماحدش بقى يعلق على بوستاتها خالص غير الفلول زيها

في المقابل برده ليا اصدقاء كتير (و بصراحة كنت باعمل شير لكلامهم) , كانوا بيقولوا اي ............................ مؤيد لنظام مبارك و قتالين القتلا يعمل لي unfriend و ما يعرفنيش احسن

انا بالنسبة لي مش هانكر اني ما قاطعتش اي مؤيد للفلول و العسكر و نظام مبارك , بس من جوايا باقفل منه كنقطة اخلاقية خصوصا ان كان بيتعامل بعنف

-

-

الموضوع: الإختلاف في الرأي لا يفسد في الود قضية !

LinkBack

أدوات الموضوع

عرض

الإختلاف في الرأي لا يفسد في الود قضية ! - انشر الموضوع فى :

-

-

-

-

المواضيع المتشابهه

اختلاف الراي لا يفسد للود قضية

الرأي والرأي الاخر

الرأي مع ال i10

لماذا لا يفهم البعض معني الرأي و الرأي الأخر ؟

الكلمات الدلالية لهذا الموضوع

المفضلات

المفضلات

ضوابط المشاركة