السلام عليكم ورحة الله وبركاته . كنت اليوم في زياره للتوكيل في العبور وقلت أدردش شويه مع الناس هناك عن أسعار بعض قطع الغيار الهامه والحيويه لرينو لوجان السياره الأحدث اصداراً لرينو في السوق المصري وقدرت الحمد لله أجمع الأسعار دي ويارب يكون فيها افاده. دي بعض الأسعار اللي انا لقيت انها مهمه وبتتعمل في الصيانه الدوريه للعربيه وكان سؤالي هل قطع الغيار دي معمره ولا أقل كفاءه من غيرها ؟ وكانت الاجابه لأ يا فندم معمره ومحترمه وبعضها مستخدم في الكليو والميجان 1 وكان السؤال التاني بما ان العربيه لسه نازله السوق من فتره قليله هل في ندره في قطع الغيار والعميل هايجيلك وتقولوا مافيش قطع غيار دلوقتي وكلام من ده ؟ قالوا لأ قطع الغيار متوفره لسببين:-
الأول ان الوكيل محترم وناوي يسوق العربيه كويس ويعمل ليها سمعه محترمه ومش ناوي يعمل مشاكل.
التاني هو ان نسبه كبيره من قطع الغيار لي اللوجان هي قطع غيار الميجان 1 لئن نفس الموتور وبالتالي مفيش مشكله ابداً في قطع الغيار ان شاء الله.
اتمنى اني أكون أفدت حضراتكم وتقبلوا تحياتي.