الموضوع: تغيير السيور

فى سؤال للمهندس هيثم عن موعد تغيير سير التقسيمة .. (405 ) افاد بأنة يفضل عند 50000 كم. ويكون الاصلى ( بيجو - ستروين ) فى كيس كبير وغير مفتوح .... وبعد البحث عثرت علية وثمنة 165 جنية .. بدون سير الدينامو والتكييف .. ومنتظر اقترب من ال 50000 ويتغيروا كلهم مع الفلاتر .. (بنزين وهوا وتكييف ) .

ياريت تركز فى بحثك على ال 405 فقط .. وأؤكد لك ستجد اللقطة ( مرفوعة للسفر أو لعدم الاستخدام ) ... اتعب شوية .. وخد وقتك - لو مش مستعجل - وادخل على مواقع بيع السيارات و الاعلانات واسأل كل حبايبك وربنا معاك .. واؤكد لك مش حاتندم ابدا .....

تغيير السيور له عمر افتراضي بالكيلومتر
لكن لاحظ ان ظروف الاستخدام بتاثر على العمر الافتراضي على سبيل المثال ( نوع وجوده خامة السير \ ظروف التشغيل \ الفتره الزمنيه اللي بقالها السير في الموتور ) عشان كدا تلاقي كل المانولات والكاتلوجات يقلك لو السير بيمشي او عمره الافتراضي 60,000 كم يفضل تغييره عند 30,000 كم وهكذا
لاحظ كمان ان عداد الكيلومتراج مابيعدش غير لما العربيه بتمشي ومابيعدش لما العربيه بتبقى واقفه وشغاله سواء كانت في حاله (ايدل idle =سلانسيه او مزود بمزين ) كمان عندك درجات الحراره اللي موجوده في بلدنا من حر و برد + حراره الموتور والتراب وتسريب لشويه زيت او شحم او حتى مياه لما تعبي مياه وجه حاجه على السير الكاوتش كل دا بياُثر على عمره الافتراضي
ونصيحه حاجه زي السيور هاتها من المسير ي او ادوار فريد

من فضلك يا اميجووو
اشتريته منين، حضرتك ذكرت الثمن ولم تذكر المصدر
اسف لتعبك وشكرا جزيلا لردك

يسرى