ياجماعة حد يعرف حدعملها او اسعار او معلومات
انا محتاج انزل 25 كيلو
وجسمى بقى مقاوم بعنف للريجيم (10سنين بنزل واطلع فى الوزن)
بينزل الكيلو بصعوبة
ممكن معلومات لو حد يعرف حاجة
شكرا
ياجماعة حد يعرف حدعملها او اسعار او معلومات
انا محتاج انزل 25 كيلو
وجسمى بقى مقاوم بعنف للريجيم (10سنين بنزل واطلع فى الوزن)
بينزل الكيلو بصعوبة
ممكن معلومات لو حد يعرف حاجة
شكرا
حاول يا فندم تشترك فى جيم او تمارس رياضه احسن و أأمن من العمليات دى و المشاكل اللى بتيجى من وراها زى التخدير الغلط و الحاجات اللى بنسمعها دى
resistant fat loss
من كتر ماعملت ريجيم بقى صعب انزل
عارف انا لما بروح الجيم يتخن اة والله العظيم
حجم العضل بيزيد بسرعة والدهن مش بيذوب
حبيب قلبى يا ashouhdy ....
العمليات دى خطيرة يا معلم ....
أنت لازم تتابع مع دكتور تخسيس ....
وكل أسبوع تمشى على نظام غذائى مختلف و بكررها مختلف مع رياضة بشكل منتظم ....
لكن ماتمشيش على نظام واحد مدة طويلة و بعدين تقول أنا مش بخس ....
خدعوك فقالوا أن الريجيم دة حاجة مؤقتة ....
لاااااااااااااااااااااا دة بيبقى Life style لازم تمشى علية طول عمرك ....
أما بالنسبة لمخاطر عمليات شفط الدهون فهى كالأتى:
- حدوث نزف.
- التهاب في موضع العملية أو في الرئة أو في البول.
- فقد كمية كبيرة من الدم خلال العملية.
- حدوث ندبات في موضع العملية.
- تجمع الدم تحت الجلد في موضع العملية .
- حدوث حرق في موضع العملية بسبب الجهاز المستخدم.
- تموج الجلد الناتج عن شفط الدهون بطريقة غير مستوية أو ارتخائه وترهل الجلد، في مريض عنده ترهل قبل العملية، مما يؤدي الى انكماش الجلد بطريقة غير ملائمة، وذلك يستلزم أحيانا إجراء عملية جراحية أخرى للوصول الى أفضل النتائج.
- مثل هذة العمليات سيئة السمعة في الشرق الأوسط.
انا عارف و الله . كلنا هذا الرجل :) بس فعلا العمليات دى بقت تقلق قوى بالذات بتوع البنج و طبعا مفيش رقيب على اى حد. احسن حاجه لو حضرتك روحت النادى او مشيت كل يوم او روحت الجيم . مش لازم تلعب باوزان كبيره و لا حاجه بس واظب على الرياضه و خليها فى جدولك و بكده هتحرق الدهون و فى نفس الوقت مش هتحرم نفسك قوى فى ريجيم يجيب اكتئاب و احسن حاجه لو لقيت حد يروح معاك علشان تشجعوا بعض و علشان ما تكسلش او تزقق و هتلاقى الموضوع بقى ظريف جداً. و حتى هيكسر روتين اليوم و مش لازم كل يوم حتى ممكن مثلا كل يومين حسب ظروف حضرتك
هل محاولات السابقة للتخسيس كانت مع نفسك ولا تحت اشراف طبيب متخصص
و طبعا المتابعة مع دكتور تخسيس بتجيب نتيجه لو كان دكتور شاطر بس بيبقى فيها رياضه برضه زى المشى نصف ساعه فى اليوم
فيه دلوقتى اجهزة بالالترا ساوند والليزر والليزر البارد و موجات الراديو
تخسيس موضعى بدون عمليات ، وفي جلسات معدودة تقريبا ، بس الله اعلم هل امنة ولا لا
كان في موضوع هنا عن الكلام ده بس مش فاكر فين ، دورت عليه وما لقيتوش خالص
معظم المحاولات الفاشلة الاخيرة كانت مع بتاع تخسيس
وانا بأسف انى بقول بتاع لأنهم ولا الهوا بيطبع برينت لبرنامج اكل ويقولك امشى علية وتعالى بعد اسبوع وياخد 50جنية
والتانى عامل فلحوث وطلب منى صورة دم وتحليل ورماة فى الدرج وطلع ورقة ونفس الكلام
فى كل الحالات السابقةة مكنتش برضى اقول انى فاهم هو بيعمل اية عشان يجيب اخرة معايا
بس كلة ماشى على نظام التجويع والحرمان
وانا واحد بشتغل 4 ساعات الصبح و 5 ساعات باليل يعنى محتاج تركيز وطاقة
انا وزنى 110 وطولى 176 سم
وكتير اوى نزلت ل 85 واطلع تانى فى مدار ال 10سنوات الاخيرة
لحد ما بقالى فترة مش بنزل خالص
فجت فكرة اذابة الدهون بالليزر كحاجة مساعدة وقلت استفسر برضة من المجربين وليس الاطباء
اخر مرة كانت 2009 عملت ريجيم قاسى بجد
نزلت ل 87 كيلو
وثبتت فترة حلوة
لحد من 2011 وبالأخص بعد ما اتجوزت (ودى مشكلة تانية من مشاكل الجوازههههههههه)
فضلت ازيد بالتدريج لحد النهاردة بقيت تانى 110 او 111
بقالى شهرين بعمل اللى على طول بعملة رياضة ومفيش دهون وسكر
نزلت 2.5 بالكتير :((((
خليك في الطبيعي
فاكر سعاد نصر؟
ربنا يحرمهما ويرحمنا جميعا
ماهو أنا خايف أتجوز عشان خاطر الموضوع دة يا معلم .... :colsmil:
شوف يا ashouhdy مفيش حاجة أسمها تثبيت وزن ....
الريجيم مينفعش يكون for sometime و بعدين تثبت وخلاص على كدة .... :dontudear:
دة أنت لازم تغير نظام الدايت اللى أنت ماشى علية كل أسبوع حتى بعد ما تخس ....
سهل أوى أن الواحد يخس لكن الصعب بقى أنك تحافظ على وزنك ....
نسبة الأشخاص اللى بتقدر تحافظ على وزنها بعد الريجيم هى 1 فى 1000 ....
يعنى لو 1000 واحد قدروا يخسوا هتلاقى 999 بيرجعوا يتخنوا تانى و واحد بس هو اللى بيقدر يحافظ على وزنة عشان كدة بقولك أن الريجيم محتاج مثابرة مستمرة لكن دة صعب مع الجواز و العزومات بس أنت لازم تسيطر وتقول لأاااااااااا ....
لو مراتك بتحبك حتساعدك في نجاح برنامج التخسيس الي الابد
بمعني
الحب عندنا بيترجم الي :كل دي يا حبيبي ويقوم وزنك يزيد وتلبس في الحيطة بتاعة النهجان ومش عارف البس الشراب واقصقص اظافر رجلي والنهجان في طلوع السلم واي مطلع تاني انشاله يكون مطلع اغنية
كفايه تهريج ونخش في الجد بقي
فعلا لو مراتك بتحبك فعلا حتحافظ لك علي صحتك وانك تكون سمباتيك وحلو مش بكرش ربما يكون تفكير بعض الحريم ان لم يكن معظمهم دا جوزي وانا حرة فية ازغطة وافشكله علشان محدش يبصلي فيه
وربنا يدينا ويديك الصحة وطول العمر
طب حد يعرف حد جرب موضوع تفتيت الدهون بالليزر
176علي 110
مش كتير انا زيك لكن مش شايف نفسي تخين
حضرتك محتاج تمارس رياضه
العمليات دي اظن بتكون في حالات البدانه
معلم كبير ....
وراء كل بدين إمرأة ....
فى ستات و خصوصآ اللى مبيعرفوش يلتزموا بدايت بيبقوا هما السبب الرئيسى فى فشل أى نظام غذائى
تلاقيها قاعدة فى المطبخ طول النهار و الليل بتطبخ المحمر و المشمر والحلو
و البية لازم ياكل :213-1107231241[1]:
لكن لما تكون الست حريصة أن هى كمان ماتتخنش ....
جوزها بردوة مش هيتخن ....
لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ لأ
ابعد عن اي عمليات او ابر او او اي حاجة تاخدها
موضوع الريجيم و انك تنزل و تزيد ده منك رجيم قاصي و كيميائي و الهبل اللي بيخترعوه و فاكرينه صح ده اكبر غلط زي ما الشخص بينزل بسرعة بيزيد بسرعة و احيانا بيؤدي لحرمان الجسم من أهم العناصر اللي محتاجة و احيانا بتؤدي لأمراض
موضوع انك في الجيم بتتخن و العضل بيزيد لأنك بتلعب غلط
بالاضافة ان 110 ع الطول يعتبر كويس و لاحظ ان ساعات العضم بيوزن يعني ممكن واحد يكون وزنه 100 ك لكن تشوف جسمه تقول ده معصعص لكن العضم بيوزن المية العضلات كل ده في الحسبان
و العمليات ديه بيلجأ ليها الناس اللي حالتهم كرب فعلا و ربنا يكون في عونهم بتبقي حالات خاصة
اولا ممكن تمشي مع دكتور و تقوله عايز كل حاجة طبيعي لاحظ برده ان كتيير من الدكاترة همهم الأول و الأخير الفلوس فيفضل لو من غير دكتور لأن دكتورممكن يقولك ملهاش أثر و هي بتسبب بلاوي اصدقاء دكاترة خسوا و مرضوش يمشوا لا مع دكتور و لا ياخدوا حاجة يبقي ده معناه ايه ؟؟؟
بالنسبة الجيم سعادتك لما بتيجي تلعب بتلعب كأنك بتبني عضل فيه حاجة اسمها تنشيف التنشيف ده بيحرق الدهون و يحافظ ع العضلة و يقسم الجسم
يبقي اللي حضرتك هتعمله كالآتي :
تجري 3 مرات في الاسبوع ع الاقل لمدة تلت ساعة بنظام الفواصل او لو تقدر تواصل يبقي زي الفل الجري يكون قبل الجيم مباشرة
جيم برده 3 مرات تدخل الجيم تقول الكابتن عايز انشف او احرق الدهون هيوقلك تعمل ايه يعني هيحصل كالآتي هتلعب وزن خفيف عد كتيير جينيرال طول الوقت معني ده ان الوزن اللي بتبدأ بيه بتلعب بيه كل المجموعات عدد كتيير 15- 20 في 4 مجموعات
هتقولي سويدي و فيتنيس و القصة ديه بص يا ريس السويدي و الفيتنس تأثيرهم بينتهي بمجرد انك تخلص التمرين اما الحديد فتأثره مستمر لو عايز تلعبهم للمرونة و اللياقة يبقي تمام بس الجري احسن منهم مليون مرة
نيجي للأكل اولا قسم وجباتك لــ4-5 وجبات طول اليوم وجبات قليلة هتقولي ايه الهبل ده لا يا فندم مش هبل
انت لما تيجي مثلا تاكل الساعة 7 الصبح و تفضل قاعد لحد الساعة 3-4 فرحان انك مكلتش و تلاقي نفسك ثابت اللي بيحصل ان مراكز حرق الأكل في الجسم تقدر تقول كأنها بتصدي من الأكل ع فترات طويلة فالجسم مبيحرقش
لكن لما تاكل مثلا الساعة 7-8 الصبح و بعدها بــ3 - 4 ساعات تاكل وجبة خفيفة و بعدها بــ3 ساعات وجبة الغدا و بعدها برده بكام ساعة وجبة خفيفة او تتعشي و يفضل العشاء زبادي طبعا تشيل الوش و فواكه الحرق هيفضل شغال طول اليوم
نظام الأكل كبيرك رغيف في اليوم ممكن تبدأ برغيفين و تقل واحدة واحدة مرة رز و مكرونة في الاسبوع و مش كتيير الأكل بدون زيوتو لو زيت يبقي زيت زيتون و الأكلات الجاهزة حاول تعتمد ع السلطة و البروتينات سواء سمك مشوي او فراخ بلاش لحوم حمرا كتيير لأنها اساسا زي ما بتدي بروتين لكن مضرة او تونة متصفية بيض مسلوق تاكل البياض بس بلاش الصفار الجبنة القريش و الخضار بلاش مسبك و الحاجات الغريبة في الطبيخ ده خليه ناي في ناي يعني قطع و ارمي في الفرن او ع النار خلاص خلصت و بالنسبة السلطة بلاش طماطم كتيير و كتر الاخضر و الألوان
بلاش مخللات و املاح عشان بتحبس المية في الجسم و تشرب في اليوم حوالي 6-8 لتر مية بلاش حاجات ساقعة عايز تشرب حاجة ساقعة ياما عصير برتقال مثلا فريش ياما بيرل السادة مش فيروز و القصص دي
النسكافيه كويس لكن كفاية مرة في اليوم و خاصة لو قبل التمرين بحوالي ساعة او ساعة و نص بتدي طاقة
تشرب شاي أخضر مرة في اليوم بعد العشاء او مرتين بالكتيير اوي مرة الصبح و مرة بليل لكن متزودش عن كده بأي شكل من الأشكال و من أفضل الانواع نوع اسمه برينجز و مينت تي و أحمد تي و تحضيرها انك هتاخد حبة صغيرين اوي بايديكلأنهم هينفشوا و تحطهم في الكوباية و تحط عليهم المية السخنة و تقلب و متحطش سكر و طبعا جيب بالنعناع عشان يغطي ع الطعم هتلاقي نفسك بقيت مدمن شاي أخضر ههههههه بس طبعا خلي بالك من تاريخ الانتاج
متنامش بعد الأكل اقل من ساعتين
جرب النظام ده شهر واحد بس ان شاء الله و انت هتدعيلي و هتستمر عليه كمان و النتيجة النهائية انك هتحصل ع جسم كويس و عضلي ناشف و متقسم و طبعا الكابتن هيكون متابع معاك و يا ريت لو تعمل موضوع يبقي انجاز كل اسبوعين و الوزن و هكذا :)
يالله يا axel !!! دة انا حطبع الكلام دة كلة فى ورقة :)))
hugan والله مش تخين طب لية الجينز مقاس 42 والتيشرتات xlarge ههههههههههه ارفع من معنوياتى الله يخليك :)))))
الت شيرتات 3 اكس من فضلك
والبناطيل 54
بجد انت مش بدين عندك وزن زائد
واظن علاجه سهل ورياضه مستمره وتظبيط الاكل
انما في ناس ربنا يعافينا عندهم سمنه مفرطه وهي دي الخطر
زي علاء ولي الدين
ومحمد الشرقاوي
والممثل القديم
نبيل بدر
عارف في طايفه المعمار والفلاحين في الريف
اجسامهم مثاليه
مع ان اي شخص فيهم بياكل 3 وجبات كاملين
لان اللي بياكله بيحرقه
هي دي القاعده
كل زي مانت عايز
لكن احرقه
يجماعة جميع دكاترة العالم اجمعوا ان الرياضة لا تصلح ان تكون طريقة للتخسيس وذلك لمن يعاني من زيدة الوزن
لان زيادة ضربات القلب عن المعدل الطبيعي بيؤدى الى ان الجسم بيوقف حرق الدهون يعني الموضوع بيبقى عكسي
وده لينك لموقع دكتور استاذ فى القصر العيني
هل تصلح الرياضة كعلاج للسمنة؟ | دكتور عمرو عبد المنعم
وممكن حضرتك تبحث فى جوجل عن الموضوع ده
ونصيحتي ليك
المشي المنتظم كل يوم والاقلال من النشويات وعدم تناولها فى العشاء ومعالجة الامساك لان اهم احاجة فى عملية الحرق والصبر وسيبك من العملية دية وانتظر يمكن تنزل اجهزة حديثة احسن وامن
وربنا يوفقك ويعطيك الصحة والعهافية
سعاد نصر ماتت في عملية ذي دي ... في رأيي رنج 20 - 30 كيلوجرام مش خطير أوي. حضرتك بس بطل تاكل عيش أبيض و مقليات و كوكا كولا و عصاير إشرب إلي مليانة سكريات و اشتري فواكه طازة .... and walk every day for an hour
متابع لنفس الغرض وانا زيك تقريبا بس اطول منك
برضه وزن 110 بس طولى 185 سم . وبرضه شغل من 9 ساعات فى اليوم وممكن يطلع ل 12 ساعه
انا عندي نفس مشكلتك بس مع الأسف لم اتوصل لحل, بس لاني ماخدتش الموضوع بجدية مع الأسف
مرة رحت اتابع مع دكتور , كتبلي ع حبوب اسمها سيبوترم , الحبوب بنت اللذينة دي كانت بتسد نفسي عن الاكل تمام ونزلت بسببها شوية كويسين في فترة قليلة , وبعد فترة لقيت ع مصراوي خبر مصادرة الحبوب دي من الصيدليات لانها بتلعب في كيميا المخ وبتسبب مشاكل ضخمه جدا :shocked4: ,
ربنا يسامح الدكتور بقي كان عايز يمسحلي مخي :wacky:, وطبعا انا زيدت اللي نقصته بعد ما بطلت الحبوب دي
المشكلة اني لما جيت ادور ع الخبر بتاع مصراوي دلوقتي لقيت اعلانات بالهبل للحبوب دي ربنا يستر
لقيت الخبر بتاع مصراوي
وزارة الصحة تحذر من تناول الأدوية التى تحتوى على مادة (سيبوترامين)
معلش انا كنت ذكرت في الرد السابق اعراض غير الموجودة في الخبر , اصل الخبر قريته من اكتر من سنتين :shyy: