المشاركة الأصلية كتبت بواسطة saddam
حضرتك أنا مش شايف إيه وجه فايدة الناس واحد قعد يدور على عربية سنتين وفضل يعرض مكافآت لغاية ما فيوم شفت اللي أنا كنت شايفها في شارعنا من الأول خالص معدية من سنتين بعديها بفترة طويلة بشتري عربية من سمسار إسمه يحيى عربية كوبيه موديل 60 فقلتلو نفسي في عربية كراون فقال لي أعرف سكة إثنين فخدني من إيدي وإتمشينه مشي في ترسة مدة ثلث ساعة وصلنا لمحل مصادرات جمارك لقيت العربية واقفة في الباب هي هياها اللي شفتها من سنتين وأنا كنت لسه شاري العربية فصاحبها مرضيش يبيعها قسط سبتو وخدت نمرتو ومشيت بقيت أكلمو مرة كل شهر لمدة سنة لغاية ما أقنعتو يبيعهالي ودفعت 20 ألف مقدم وفضلت 12 ألف على أربع شهور والعربية عليها ضريبة 3 سنين هو حيدفعهم أو ممكن يدفعني وحده وهو إثنين وأنا وصاحب العربية بقينا أعز أصحاب لدرجة راح إتورط في عربية مقلوبة عالسقف وعالجنب ومفيش حد عارف يشدهالو لأن مالهاش قطع غيار فبتاع الونش اللي كان محملها قال له ده فيه واحد بيشتري عربيات من مقالع زبالة ومرمية ويقعد سنتين تلاتة يشتغل فيها وأما تخلص تحسها حاجة تانية خالص فالراجل بيوصفلو شكلي فقالوا سبحان الله ده اللي إشترى عربيتي فراح مكلمني وطلب مني لوجه الله أشدلو العربية أحسن إتورط فيها ومفيش حد راضي يستلمها من غير ما يغيرلها نصين عشان العربية مش نافعة خالص ومفيش قطع غيار نهائي والحمد لله دلوأتي بقينا أعز أصحاب جدا والراجل نسي موضوع القسط وحيسجل لي العربية وأدفع براحتي لما شاف عربيتو خلصت سمكرة وداخلة عالبوهيجي وكل قطع الغيار جت من بره فهو مش مصدق نفسه والحمد لله أما التويوتا فأنا شديت العفشة والمراوح والتكييف وصلحت الكاسيت الأصلي وكل الكهربائيات والكلكسات وفتحة السقف وزراير كونترول ونواقص كتيرة أوي جت من بره وفاضل طقم جنوط وكاوتش وخلطة لون غريبة وتعديل فوانيس وسمكرة وشغل فيبر وحمام وشوية سروجي وتكون جهزت خلاص على أعلى المستويات حتى الزينون والباركنج سنسور وجهاز الإنذار جبتهم وأحب أقول للناس اللي داخلة تعلق وخلاص أنا لما دخلت من سنتين أدور على العريبية دي كان معايه 5 عربيات النهارده أنا معايه 8 عربيات شخصية إثنين مرفوعين و5 بيتعدلوا أو بيتشدوا في كذا مكان في القاهرة والجيزة وفاقوس منهم وحده أنا شاريها بعد العربية اللي عليها الموضوع ده ولسه مكملتش شهر وهي مرسيدس 180 موديل 1958 ودلوأتي العربية دي بتتقص أو إتقصت خلاص عشان نفسي أعمل عربية من عربياتي ستريتش طويلة وبالنسبة للناس اللي بتسأل عن ليه مبنزلش صور أنا مبحبش أوري مجهودي عالنت والناس تاخد الصورة وتعمل عليها كوبي وتقعد مثلا تعمل سبويلر أو تحط شنطة فوق العربية بطريقة معينة زي مبعمل أنا حتى لما أروح مثلا بعدل فانوس عند حد بتفق معاه مينزلش صورة لشغلي على النت وتقدروا تسألو مامادو بتاع الفوانيس أو بسام فيبر أنا لما بعمل شغل في عربياتي محبش حد يصورها أما ليه أنا عندي عربيات كتير فدي هواية منذ الصغر وأنا معروف عني بشتري بالقسط بألف جنيه في الشهر والمقدم ألف جنيه وبسيب العربية بإسم صاحبها بضمانات لغاية ميوصللو مني ثمنها بالكامل ثم يسجل لي و أنا بوري عربياتي بس لما بحب أشتري عربية بالقسط من واحد لأنه محتاج يشوف بعينه هل فعلا كلامي صح ولا عندي 8 كذبات والسلام فرجاءا يا شباب بلاش التجريح بتاع كذاب ومش كذاب إحنه هنا في منتدى محبي السيارات وجايين نستفاد من بعض ونبيع ونشتري وفي حالتي أنا أشتري بس لأن أنا مببيعش نهائي بشتري فقط ودمتم للنضال وكمان اللهم إرحم شهداء المسلمين ونعبر بر الأمان ببلدنا بسرعة وشكرا
