الموضوع: «التموين» تؤكد رفع أسعار البنزين

المشاركة الأصلية كتبت بواسطة aly_hosny

دا كلام الحكومة
الصح ان الدعم معظمه بيروح للمصانع كثيفة الطاقة
مثلا دعم الانابيب ال الاسرة بتستهلك واحدة كل فترة مصانع الطوب بتخلص كام الف انبوبة في اليوم
و نفس الكلام بالنسبة للغاز الطبيعي ال بيروح المصانع مدعوم وفي الاخر البضاعة بتتباع في مصر بالسعر الدولي

عايزين يلغو الدعم يبقى دعم المصانع كثيفة الطاقة هي ال تتلغي و هتوفر اكتر من تلتين الرقم دا مش يلغي الدعم بتاع الغلابة و يسيب دعم الحيتان

هما بيستغلو الكلام عن الغلابه كذريعه لتسمين الحيتان والحراميه المستفيدين من تجارة المواد المدعمه
انا رأيي انهم يشيلو الدعم كامل وال 150 مليار يتوزعو على الغلابه الى بجد يعنى يبقى حد الادنى لدخل
ببساطه زى ما حسبتها كل اسره تعتبر بتدفع لكل فرد من افردها 1875 جنيه سنويا لدعم الطاقه
هل الناس الغلابه بيوصلها قيمة الدعم ده ؟ ده حتى الاسر المتوسطه مش بتستفيد من الدعم ده

لو جينا بصينا لاسره متوسطه المستوي الاجتماعي مكونه من اربع افراد اب وام وطفلين هنلاقى عندهم عربيه واحده متوسط استهلاك العربيه فى السنه 2000 لتر وتقريبا قيمة الدعم على اللتر 2 جنيه تقريبا يبقى كده انت الدعم الحقيقي الى بيوصلك 4000 جنيه فى حين ان بيتحسب عليك دعم 7500 جنيه يعنى فرق 3500 جنيه "ما يقارب النصف"

مع العلم ان المثال السابق كان عن الاسر المتوسطه الى بتستفاد من دعم البنزين
لو جينا طبقناه على الناس الغلابه الى معندهمش عربيات واستفادتهم من دعم الطاقه محصور على دعم انبوبة البوتجاز هنلاقى دعم الانبوبه حوالي 20 جنيه هنقول هيغير 3 انابيب فى الشهر يعنى فى السنه : 12x 3 x20 = 720
720 جنيه دعم حقيقي واصل ليه من 7500 جنيه محسوبين عليه دعم يعني مش مكمل 10%
يبقى ده اسمه ايه ؟