الموضوع: المفتاح جوة العربية وقفلت العربية اية الحل؟

موقف رخم
حصل لى من اسبوع ان مفاتيح العربية وقعت من ايدي فى شنطه العربية وانا بحط شنطه اللاب توب فى شنطه العربية وقفلت شنطه العربية و الف حوالين العربية ادور على المفاتيح اللى كانت لسه فى ايدي لحد ما قولت انها فى الشنطه و لولا ستر ربنا كان فى مفاتيح احتياطية فى بيت الحاجه امي
و من ساعتها عملت والله 4 نسخ كامله و وزعتها على الاماكن اللى ببقى فيها

انسب حل هو السمكري او بتاع الكوالين

الحل للمستقبل هو نسخه مفتاح فى المحفظة

المشاركة الأصلية كتبت بواسطة أحمد الجندى

أنا حصل معايا موقف زى ده من اسبوعين وعرفت ان القصة دى بتاعة السمكرى فروحت للراجل وقدمتله رخصة العربية ورخصة القيادة فجه معايا وفتح العربية فى خمس دقائق ولهف 50 جنيه
وطريقته هى نفس الطريقة اللى بيستخدمها المرور لما بيقطروا عربية معشقة يدخل حديدة فى اطار الباب علشان يوسع لحتة السلك اللى معاه ويحاول يفتح بيها الباب

يا باشا ولا حد يشتغلك ولا تدفع 50ج ولا تبوظ فبر استغنى عن الهواية اللى ورا واكسرها وافتح الباب وابقى خلى بتاع الازاز يعملك واحد ب 15ج انا عن نفسى عملت كده عشان العربية كانت واقفه فى عرب الطوايه وقلت 15ج احسن ما العربية تتسرق
برده انت وشوئك