بأمانه صنى1600 أوتوماتيك ولا لانسر1300 أوتوماتيك

ياريت حد يجاوب بأمانه وحياد أيهما أفضل صنى1600 أتوماتييك ولا لانسر 1300 أتوماتيك خاصه أن الفلوس اللى معايا تقريبا تناسب الاثنين وعلى فكره خيار الاتوماتيك أساسى بالنسبه لى

انا رأيى ان اتوماتيك يعنى مش اقل من 1600 cc

لانسر 1300 اوتوماتيك حتضايق الصراحه لان الاتوماتيك اصلاً حيموت العربيه لكن الصني 1600 و اتوماتيك مش حتندم بامانه

الانسر عربيه جيده جدا وكذلك النيسان الصنى

لو عايز اتوماتيك يبقى 1600 سواء لانسر ولا نيسان

لو عايز مانيوال ويهمك التقفيل النضيف على حساب المتاننه والركوبه يبقى لانسر
لو عايز مانيوال ويهمك الركوبه والقوه على حساب التقفيل يبقى الصنى

على فكره ان ركيت لانسر 4 سنوات وصنى 8 سنوات واقدر اقول لك ان الفرق فى صالح الصنى

1- اتقل وتحس انها ركوبه
2- راسيه
3- اقوى فى الصاج
4- اعطال اقل بكتير

بما اني من مالكي الصني انصحك بيها ومش حتندم

لى صديق جرب لانسر 1300 اوتوماتيك على سرعة عالية و قال ان الموتور " كان صعبان عليه" و حس انه مظلوم مع الاوتوماتيك و اضطر يمشى على 100 فى طريق العين السخنة
غير اني سمعت انها غير موفرة في البنزين

طالما أوتوماتك و طبقا لإختياراتك يبقى أرشحلك الصني 1600 بدون نقاش

طبعا الصنى تكسب انا سوقت اللانسر 1300 اوتوماتيك معجبتنيش خالص

مدام الاتوماتيك خيار مهم لالنسبه ليك...
نيسان صني اتوماتيك احسن بكتير

لو المقارنة بيين لانسر 1300 و نيسان صني 1600
مانوال أو أوتوماتيك
يبقى الصني طبعا ( قوة ووقار و راسية على الأرض و قلة أعطال )
و أنا مش عارف أيه موضوع التقفيل ده .......... و الله --- تقفيل العربية زي الفل و تقفيلها أحسن من عربيات كتير جاية من اليابان رأسا

الصنى اوتوماتيك استجابتها متميزة جدا وسحبها عامل زى العربيات المانيوال وخصوصا بعد ال10 آلاف الأولى ، صحيح صوت موتورها اعلى شوية من اللانسر علشان الكاتينة الحديد، لكن موتورها عفى جدا حتى مع الجير الاوتوماتيكى

الرجاله قالت كل حاجه ان لانسر احسن بكتير مش كده و لا ايه :):):):):)
بهظر الصني عربيه معانا من 2006 كويسه سريعه بنزينها معقول راسيه على الارض فرامل ملهاش حل صاج جامد للامنه لانها اتخبططت مننا اكتر من مره صدقني عربيه اكتر من ال 100 الف الي هاتدفعهم فيها
توكل على الله و هات الصني و مش هاتندم

الصني عربية ممتازة بس التقفيل دور كده في القسم هتلاقي كذا عضو ليه مشكلة في تقفيل الصني اخرهم كانت في دهان البودي

Sunny akeed, '3air enaha 1600 bas kaman Stable gedan 3ala el 2ard