لمبه الاعطال منوره كشفت كبيوتر قالى طبة الاستب عوزه تتغير يريت حد يفهمنى مع العلم ان الاستب بينور عادى وكمان هل هيه مهمه لدرجه ان ممشيش بالعربيه غير اما غيرها
عرض للطباعة
لمبه الاعطال منوره كشفت كبيوتر قالى طبة الاستب عوزه تتغير يريت حد يفهمنى مع العلم ان الاستب بينور عادى وكمان هل هيه مهمه لدرجه ان ممشيش بالعربيه غير اما غيرها
م/ ايهاب مستنى ردك
ممكن يكون قصده ماكينه الاستوب
الموجوده اسفل بدال الفرامل
هل ده اللي انت تقصده
و عايز أفهم منك ايه المشكلة اللي سببت وجود لمبة الأعطال ؟
و هل هي لمبة ال epc ؟
لو هي كده يبقي حضرتك تراجع علي لمبات الفوانيس الخلفية لأن ممكن تكون أحد اللمبات محروقة او فيه لمبات بتكون 2 pole و يعني ممكن تكون بتنور و لكن فيها بول محروق
لمبة أعطال ال epc دي بتظهر مع اي مشكلة كهربية للعربية عشان كده انت اللي هتعرفنا المشكلة فين ...
منتظر ردك
لمبة epc منورة
لمبه epsومفيش لمبات محروقه كله شغال الكهربائى قالى طبة الاستب ده بعد ما كشف عليها على الكمبيوتر
ايه المشكلة عندك غير لمبة epc
يعني مافيش سحب --- بتقطع -- ؟؟؟؟ ايه المشاكل اللي عندك و عملت ايه قبلها ؟؟؟
كل حاجه طبيعيه
أكيد فيه مشكلة عندك في الكهرباء و لكن بعيد عن المحرك ياريت تراجع علي لمبات الكشافات قدام و ورا و تتأكد ان نور الفرامل شغال و تراجع علي الاسبويلر الخلفي و بعدين حاول تفك كابل البطارية السالب لفترة 5 دقايق و بعدين رجعه و شوفها طفت ولا لأ
لكن لو انت مش شايف ولا ملاحظ اي شيء و لما شلت كابل البطارية و رجعته مراحتش اللمبة يبقي كبر دماغك طالما مافيش عندك مشكلة محسوسة في العربية
فكيت كبل البطاريه السالب لمده10 دقائق اللمبه طفت لمده 5 دقائق ورجعت تانى كمان فيه لمبه نورت لمده صغيره وانالسه مدورتش abs ودى اول مره تنور واشوفها بس اماطفيت ودورت تانى ملقتش abs ظهرت خالص هيه الابيزا فيها absوليه دى اول مره اشوفها
فين رجاله الابيزا
فكيت كبل البطاريه السالب لمده10 دقائق اللمبه طفت لمده 5 دقائق ورجعت تانى كمان فيه لمبه نورت لمده صغيره وانالسه مدورتش abs ودى اول مره تنور واشوفها بس اماطفيت ودورت تانى ملقتش abs ظهرت خالص هيه الابيزا فيها absوليه دى اول مره اشوفها
م/ ايهاب مستنى ردك
أخي الفاضل ثق دائما ان اي حد عنده معلومه و عنده الفرصه و الوقت انه يرد عليك اكيد هيرد فمتزعلش لما يغيب الرد لأنه اكيد خارج عن ارادة اللي هيرد لضيق وقته و ظروفه الشخصية
بخصوص الموضوع
شيء طبيعي انك لما تفصل كابل البطارية و ترجع توصله تظهرلك لمبة ال abs لأن حسب اعتقادي ان كنترول و عدادات الابيزا و الكوردوبا 2000 فيها تجهيز لل abs و لكن مكوناته غير موجوده (من وحدة كنترول ال abs و حساساته ) لذلك لما بتفصل الكابل و ترجعه بتظهرلك اللمبة لأن الكنترول طبيعي بيعمل check علي كل الأنظمة و كله بيطفي سواء كان كنتروله موجود و سليم بدون مشاكل او كنتروله مش موجود اساسا بيطفي ايضا لأنه disable تمام
لكن ولا الابيزا في الموديل ده ولا الكوردوبا فيهم abs
بخصوص مشكلتك طالما المحرك و الأداء مفيهمش مشكلة يبقي متقلقش ده أولا
ثانيا حضرتك ياريت تكشف كمبيوتر تاني و تجيب رقم و ترجمة العطل اللي أظهره الكشف لأن انا مفهمتش حاجه مما يقصده اللي كشف قبل كده في كلامك ولا أعتقد ان اللي كشف فاهم ما يقصده العطل لأن فيه صنايعيه كتير بيترجمو الاعطال غلط تماما و بناءا عليه بيفهمو و يشخصو العطل خطأ تماما
لعلمك وجود لمبة ال ebc ممكن يكون بسبب :-
تعليق فيوز
فيشة مهزوزه
عطل في اي لمبة انت مش واخد بالك انها بايظة
عطل في دائرة الانذار
عطل في حساس الباور
عطل في دائرة التكييف
عطل في حساس قراءة درجة الحرارة الخارجية
اي حاجه تخص الكهرباء و فيه منهم حاجات كتير مش لازم تحس بيها ومش لازم تسببلك مشكلة
و ربنا ييسرلك الحال و تصل للحل و احنا متابعين معاك قدر المستطاع لو احتجت اي شيء
شكرا م/ ايهاب وجزاك الله خيرا معلش تعبتك معايا وانشاء الله هكشف كبيوتر تانى واقولك على الجديد
بعد اذن المهندس ايهاب
غير ماكينه الاستوب بتاعت الفرامل الاول
يا أفندم قول زي ما انت عايز حضرتك كلنا بنتعلم و بلاش تديني اكتر من حجمي ربنا يكرمك انت عارف اني احبك في الله :ma(36):
مقلتليش عملت ايه في عربيتك صدقني انا منتظر أسمع عنك خيرا و يارب تكون وصلت لجديد
و علي فكرة موضوع تحجير الفرامل خفيف انا حسيته عندي مع تشغيل التكييف و لكنه خفيف و لكنه طبيعي يعني و غير مؤثر ولكن افتكرتك اول ما حسيت بيه وانا بشغل التكييف ولكن الأداء للفرامل لا يتغير مع تشغيله ... حبيت بس اقلك عشان تعرف ان مافيش مشكلة منها
ربنا يعزك
انت اهل للتقدير
الحمد لله
حتي الان مفيش مشاكل
لكني محتار
مش عارف ايه التفسير مع اني غيرت بوابات زي ماقولت قبل كده
جايز يكون علبه البيئه السبب مع تغيير البوابات في السابق
ولما غيرت علبه البيئه وبعد كده غيرت بوابه بالفيشه بتاعتها ظبطت
لكن الشيء المزعج
هو السرعه عند بدء التدوير وارتفاع ال ار بي ام حتي والعربيه سخنه
لكن بينزل للطبيعي بعد كده
وتحجير الفرامل مع التكيييف
مش ماثر علي الفرامل
بمعني اني والعربيه واقفه
لكنها شغاله
اكبس فرامل متوالي الا قي البدال حجر اكبس تاني الاقيه فك
لكن تحجيره خفيفه
لكن الفرامل ممتازه وال absشغال كويس
الحمد لله
متشغلش دماغك قوي بالعربية لأني حاسك حاططها تحت المنظار شويتين ... العربيات كلها عيوب و مشاكل مهما كان ماركتها او نوعها
طالما الدنيا زي الفل حاليا بعد تغيير البوابة و فيشتها محتمل يكون عيب الضفيرة اللي كان عندك كان في النقطة دي و انتهي خلاص
استمتع بعربيتك وربنا يباركلك فيها و يبعد عنها المشاكل