-
هيونداي جيتز و رأيكم
ازيكوا شباب هيونداي :
اخويا قدامه عربية هيونداي جيتز موديل 2009 كامله مانيوال 1600 سي سي بحالة كويسة جدا فابريكة برا و جوه .. اخدت نظرة سريعة علي العربية لاقيتها كويسة لكن لاحظت عدم وجود الكارتيرة اليمين اللي تحت الماتور و كمان رغم ان التكييف تسقيعه رائع الا و لاقيت ان في زي صوت شخللة سلاسل لما الكمبريسيور بيشتغل طبعا دا من داخل الكابوت و لما بطلت التكييف لاقيت الصوت راح
سحب العربية قوي جدا لدرجة انها امريكت مني رغم اني كمنتش قاصد .. الموتور اعتقد قوي علي العربية
ايه رأيكم اجيبها ولا ايه و السعر شايفينه يكون مناسب اد ايه ؟؟؟؟؟
شكرا جزيلا و مستني ارائكم ..
-
هي كعربية فهي جامدة و موتور قوي على عربية بالحجم ده فهي عربية سريعة جداً.
هي عفشتها ناشفة شوية بس مع التعود مش هتحس بالموضوع ده.
بس مقدرش أفيدك الصراحة في السعر لأني معرفش هو سوقها عامل أيه دلوقتي..
بس متجيبش حاجة إلا لما تكون متأكد أن حالتها قريبة من الـ100%..
-
الجيتز من العربيات المحترمة جدا
وماتورها قوى جدا على البودى بتاعها
وعلى مااتزكر ان هية فيه منا فئتين واحدة بفتحة سقف ووالتانية لأ
او المانيوال مفهاش والاتوماتيك فيها حاجة زى كدة
وسعرها يختلف حسب حالتها طبعا وعدد الكيلوات وانت بتقول مش رشة خوارج ولا دواخل
انا شايف ان هية ممكن تكون فى رينج من 56000 الى 59000
-
هي العربية مانيوال و من غير فتحة سقف و عامله 44000 كيلو
هو الراجل طالب 65000 جنيه و ممكن تنزل شوية كمان .. انتوا شايفين السعر مغالي فيه مش كده ؟؟؟؟
-
-
السعر عالى اوى ياباشا انا بعت بتاعتى جيتز كاملة مانيوال موديل 2010 عاملة 7500 كم وفابريقة بالكامل مفهاش الهوا ب65000 جنيه فى شهر يناير 2012 وبعدين العربية مش مطلوبة فى السوق زى الفيرنا يعنى ليها زبون معين .
وعموما ربنا يوفقك للخير
-
بصراحة السعر كده عالي اوي عليهاااا
راي شخصي ..
-
متشكر يا جماعة .. تم صرف النظر عن العربية .. و شكرا لخبرتكم القيمة
Content Relevant URLs by
vBSEO 3.6.0 PL2