تنصحوني ب إيه في إني أجيب اوتوماتيك (زيرووووووو )

أنا ببيع ريجاتي حبيبتي دلوقتي و هجيب اوبترا إن شاء الله زيرو
وعايز اجيب اوتوماتيك ... يعني راحة و سهولة
بس ليا كام سؤال كده
1- الأوتوماتيك بيتغيرلو تيل فرامل كل قد إية ؟؟؟
2- هل فيه مشكلة في الوتوماتيك بالنسبة للمطالع و بالنسبة لحمولة العربية ؟؟
3- الأوبترا الأوتوماتيك فيها نظام حارات يعني مش زي الانسر مثلا ولا الكورولا فا ياريت حد يشرحلي لو فيه فرق و هل هو صعب في الإستخدام ولا سلس ؟؟؟

**** ملحوظة: أنا سواقتي معتدلة يعني مش هادي و مش بقرص وأحرق والحاجات دي (ساعات بتطلب بس قليل أوي) و مش بحب أزود عن ال 130

هو عموما مش مستحب الاتوماتيك في عربيه كوري
بس لو سواقتك نعتدله و حتاخد بالك من الزيت و مش حتبقي عنيف علي الفتيس توكل علي الله.
بالنسبه لميعاد تغيير تيل الفرامل فبيرجع لاستعمالك الشخصي و محدش يقدر يحكم عليها غيرك انت و بس.
بالنسبه للمطالع و الحموله ما تقلقش الاوبترا موتورها قوي و عزمها حلو مش حتحسسك بحاجه.
موضوع الحارات ما اقدرش افيدك فيه :)

حازم افاد و اجاد .........
بالنسبة للحارات .. مفيهوش اي مشكلة غير التعود لو حضرتك كنت سايق اوتوماتيك عادي قبل كده ..اما لو مكنتش يبقي مفيش مشكلة ..
غلاسته كلها تحريك الفتيس يمين و شمال .. لكن طبعا ده مش بيحصل طول ما انت سايق .. لو بصيت للموضوع كويس حتلاقينا احنا اللي بقينا كسلانين اوي ..
الاوتوماتيك الحارات تم فيه استبدال الزر ( زر الامان )اللي بيسمح لك بالتنقل بين النقلات بالحارات ... و هي حارات معرجة ذات زوايا قائمة من الجهة اليسري علشان تمنع حركة الفتيس من نقلة لنقلة اخري ..
و ده في معظم العربيات الحديثة .. اللانسر الشكل الجديد .. الكورولا الجديدة .. و الياريس كمان .
و مبروك مقدما

http://www.nilemotors.net/Nile/showt...357#post316357

ما تشوف حاجة ياباني افضل طالما عاوز اوتوماتيك

مبروك مقدماً :)

وانا رغم ما سالاقية من كلام مالوش لازمة في نظري
لا افضل اتوماتيك في سيارة كوري
يعني مع حازم
وعارف اني هالاقي كمان شوية يقوللي ايه اثباتك وحاجات من دي وبيصنعو 4 مليون عربية كوري و2 مليون منهم اتوماتيك
برضه الصناعة الكورية بكل تقدمها ما وصلتش انه تعمل فتيس اتومتيك ناعم
لانهم ماقدروش يعملو موتور ناعم لغاية دلوقتي
المهم لو اتوماتيك يا تخليك في لانسر 1600 او صني 1600 وبلاش اوبترا

اقتباس:

---

هو عموما مش مستحب الاتوماتيك في عربيه كوري

---

قعلا الكلمة دى بتعصبنى اوى :boxing_smiley:

طب ليه؟:)

اقتباس:

---

برضه الصناعة الكورية بكل تقدمها ما وصلتش انه تعمل فتيس اتومتيك ناعم
لانهم ماقدروش يعملو موتور ناعم لغاية دلوقتي

---

يعنى ايه ناعم؟
يعنى ايه فتيس ناعم و يعنى ايه موتور ناعم؟
معلش اشرحلى بشويش علشان اقدر افهم وجهة نظرك

اقتباس:

---

المشاركة الأصلية كتبت بواسطة som3aa

قعلا الكلمة دى بتعصبنى اوى :boxing_smiley:

طب ليه؟:)

---

اقتباس:

---

المشاركة الأصلية كتبت بواسطة som3aa

يعنى ايه ناعم؟
يعنى ايه فتيس ناعم و يعنى ايه موتور ناعم؟
معلش اشرحلى بشويش علشان اقدر افهم وجهة نظرك

---

اركب عربيه زي الكورولا اوتوماتيك و انزل منها اركب النترا اتوماتيك و انت تعرف ايه المقصود من الكلام:)

فعلا الاوتو مش مستحب فى الكورى حتى المعارض اللى بتبيع مستعمل وتجار المستعمل بيقولوا كورى اوتوماتيك بنشتريه ارخص من الكورى المانيوال .يعنى حضرتك لما تشترى عربيه كورى اوتو زيرو اغلى من المانيوال ب 5000 وتيجى تبيعها تلاقيك بايعها ارخص من المانيوال .وعموما لازم زيت الفيتيس يتغير فى الاوتوماتيك كل 40000 سواء يابانى او كورى او المانى.خلى بال حضرتك الاوبترا من العربيات اللى بتحرق بنزين كتير فى المانيوال فأكيد هتلاقيها فى الاوتوماتيك حوت بنزين

اقتباس:

---

المشاركة الأصلية كتبت بواسطة ramylancer

خلى بال حضرتك الاوبترا من العربيات اللى بتحرق بنزين كتير فى المانيوال فأكيد هتلاقيها فى الاوتوماتيك حوت بنزين

---

على فكرة يااستاذ رامى انا معايا اوبترا اوتوماتك لسه مكملتش 800 كيلو والحمد لله حسبت استهلاكها لقيته 9.8 لتر فى ال 100 كيلو فهى مش حوت بنزين قوى ممكن تكون قرموط :)

اقتباس:

---

فعلا الاوتو مش مستحب فى الكورى حتى المعارض اللى بتبيع مستعمل وتجار المستعمل بيقولوا كورى اوتوماتيك بنشتريه ارخص من الكورى المانيوال .يعنى حضرتك لما تشترى عربيه كورى اوتو زيرو اغلى من المانيوال ب 5000 وتيجى تبيعها تلاقيك بايعها ارخص من المانيوال

---

الصراحة اول مرة اسمع الكلام الغريب دا , اول مرة اسمع اساسا ان الكورى مش ناعم فى الاوتوماتيك و الكلام دا؟
امال ازاى بيبيعوا عربيات زى الالنترا و السوناتا و الازيرا و الveracruz و السانتا فى و الtucson و ال cerato و ال carnival و ال Entourage و ال opirus و ال sorento و ال sportage و ال optima و ال epica و الlumina ( دى مش متاكد اوى انها كورى).
كل الكلام دا ازاى بيتباع بره مصر علما ان فيه منافسة جامدة اوى مع عربيات فى نفس فئاتهم و اصغر مثال الالنترا اللى بتتباع بنفس سعر الكورولا و اغلى سنة صغيرة من اللانسر الجديدة و لو كان الكلام دا صح كان مفروض اساسا متنزلش بنفس سعرهم يعنى عربية كورى و الباقى يابانى و كمان مش ناعمة يبقى حد يفسرلى لو سمحتم.

اهى الاسعار و قارن الامكانيات كمان بالسعر يعنى الفاضية بالفاضية و الكاملة بالكاملة و كدا
http://autos.yahoo.com/newcars/compa...4&carid2=23836

يا ريت يا جماعة تبصوا كويس على السعر و المكانيات و كل حاجة , على فكرة دا سعر اعلى حاجة فى الالنترا مانيوال (لو اونوماتيك السعر بيزيد بس مش مكتوب كام) و دا سعر اعلى حاجة فى اللانسر مانيوال برده (نفس الكلام + فى موتور تانى 2400 ملناش دعوة بيه لان الالنترا بتنزل اخرها 2000) , التيوتوا تانى اعلى حاجة (اعلى حاجة xle و اعتقد دا زيادة اوى فى الامكانيات و عومام اغلى 500$ و برده فى موتور تانى اقوى)

و الصراحة انا مقتنع براى توت هنا ان و نفس الكلام بالنسبة لليابانى و الكورى
اليابانى حتى لو العربية فتيسها زى بتاع الكورولا الجديد كدا زى العسل و الكورى يعععع بدون اسباب علشان كورى.
http://www.nilemotors.net/Nile/showp...0&postcount=33
توت كان بيتكلم على التقفيل المصرى و المستورد و انا رايى الفرق بين الكورى و اليابانى نفس الكلام برده.

للعلم اللانسر اقوى واحدة فيهم من حيث قوة الموتور و فى نفس الوقت ارخصهم

اقتباس:

---

المشاركة الأصلية كتبت بواسطة khattab_89

http://www.nilemotors.net/Nile/showt...357#post316357

---

ياريت تبصوا على اللينك ده زى ما قال خطاب

بص يا اخى العزيز، انا مش هقول لك كورى ويابانى، لأن بالأمانة كل الكورى الأوتوماتيك اللى انا سقته كان عامل كيلومترات كتير، وكل اليابانى الأوتوماتيك اللى انا سقته كان جديد وبالتالى تقييمى مش هيكون محايد اوى، لكن اقدر اقول ان من وسط كل الكورى عجبنى الفتيس الأوتوماتيك بتاع الماتريكس ، وكانت عاملة 60 ألف كيلومتر وفتيسها معقول جدا

لكن اللى انا اقدر اقوله ان فتيس الأوبترا الأوتوماتيك هو حارس مرمى لم يختبر، بمعنى ان سلفتها النوبيرا تركت لها تركة ثقيلة عبارة عن سمعة غير جيدة لجير بوكس النوبيرا لن ينفيها سوى مرور الزمن على جيربوكسات الأوبترا بدون مشاكل لكى يثبت ان ما تم من تعديلات فى تصميم جير بوكس الأوبترا قد تلافى مشاكل التصميم القديم فى النوبيرا

وحي ان الزمن لم يمر بعد فنحن لا ندرى كلمته الاخيرة فى صدد فتيس الاوبترا، علشان كدة لو الأوبترا عاجباك خد فى اعتبارك ان لسة الجيربوكس بتاعها مكونش سمعة حسنة او سيئة،

وربنا يوفقك لاختيار ما يناسبك

اقتباس:

---

المشاركة الأصلية كتبت بواسطة som3aa

اليابانى حتى لو العربية فتيسها زى بتاع الكورولا الجديد كدا زى العسل و الكورى يعععع بدون اسباب علشان كورى.

---

فيتيس الكورولا الجديده (التوكيل) جنوب افريقى علشان كدة مليان عيوب. انما فيتيس اليابانى سواء فى 1600 اوتوماتيك عادى او فى 1800 ستبترونيك تحفه ومحدش بقدر يقول عليه اى حاجه .شيفروليه لومينا مش كورى انما صناعه استرالى

اقتباس:

---

فيتيس الكورولا الجديده (التوكيل) جنوب افريقى علشان كدة مليان عيوب

---

مصنع تيوتا بتاع جنوب افرقيا ملك تيوتا بتاعت اليابان و كمان دا مش عذر ليهم.
هما مسئولين عن كل عربية عليها علامة تويوتا.
بلاش اللومينا علشان انا فعلا مش عارف هى معمولة فين , لو انت متاكد يبقى استرالى ماشى , طيب و الباقى؟؟
ازاى بيبيعوا و ازاى الالنترا تتباع اساسا و سعرها اغلى من بديل يابانى و هو اللانسر الجديدة او بديل اغلى سنة او نفس السعر و هو التيوتا الكورولا؟
و نفس الكلام بالنسبة لباقى العربيات.

لو الاتوماتيك مش داخل مزاجك اوي انصحك بالمانيوال انا بفتقد المانيوال بتاع الفيات بترا في السحب والاحساس بقوة شد الموتور

البوليس السعودى بيستعمل لومينا اكيد لو هى كورى مش هيستعملها علشان يجرى ورا تاكسى كامرى ولا التيما .انما فعلا اللومينا بتجرى بفترى

اقتباس:

---

البوليس السعودى بيستعمل لومينا اكيد لو هى كورى مش هيستعملها علشان يجرى ورا تاكسى كامرى ولا التيما .انما فعلا اللومينا بتجرى بفترى

---

حضرتك كدا بتقول ان الكورى مبيجريش
بعدين دا مش دليل انها مش كورى و بصراحة انا معرفش خالص هى بلدها ايه!

اقتباس:

---

المشاركة الأصلية كتبت بواسطة som3aa

حضرتك كدا بتقول ان الكورى مبيجريش
بعدين دا مش دليل انها مش كورى و بصراحة انا معرفش خالص هى بلدها ايه!

---

اللومينا من مصنع هولدن في استراليا
و مالهاش علاقه بكوريا اطلاقا

خلاص يا جماعة لو دليل الكفاءة الشرطة السعودية ،،

فالشرطة السعودية بتستخدم سيارات هيونداي النترا ،،

معلومة مصدرها منتديات سيارات خليجية

(لقد ناديت اذ ناديت فاسمعت حيا و لكن لا حياة لمن تنادى)هى دى مصر

( لقد اسمعت لو ناديت حيا ولكن لاحياة لمن تنادى )

لا احنا مش بنتكلم على كفائة الكورى دلوقتى.
انا بتكلم على حاجة معينة و هى الناس اللى بتقول بلاش اوتوماتيك فى الكورى و احنا فى سنة 2008 مش اكتر , حتى مقالوش اليابانى انعم بس لأ قالوا بلاش كورى اوتوماتيك.
بلاش مش معنها ان اليابانى احسن لأ معناها الكورى الاوتوماتيك سىء و مش مفروض حد يشتريه.
بس دا اللى احنا بنتكلم فيه فى سنة 2008.

اقتباس:

---

المشاركة الأصلية كتبت بواسطة som3aa

لا احنا مش بنتكلم على كفائة الكورى دلوقتى.
انا بتكلم على حاجة معينة و هى الناس اللى بتقول بلاش اوتوماتيك فى الكورى و احنا فى سنة 2008 مش اكتر , حتى مقالوش اليابانى انعم بس لأ قالوا بلاش كورى اوتوماتيك.
بلاش مش معنها ان اليابانى احسن لأ معناها الكورى الاوتوماتيك سىء و مش مفروض حد يشتريه.
بس دا اللى احنا بنتكلم فيه فى سنة 2008.

---

يا اخ سمعه الموضوع دا قتل بحثا من زمان
و اسئله و حوارات و النتيجه في الاخر ان الاتوماتيك في الكوري كفائته قليله
ف اللي بيسال بنقول له خلاصه التجربه و المناقشات
مش كل ما حد يسال سؤال حنقعد نعيد و نزيد في نفس الكلام
لو مش مقتنع ممكن يسال او يبحث في مواضيع المنتدي

اقتباس:

---

يا اخ سمعه الموضوع دا قتل بحثا من زمان
و اسئله و حوارات و النتيجه في الاخر ان الاتوماتيك في الكوري كفائته قليله
ف اللي بيسال بنقول له خلاصه التجربه و المناقشات
مش كل ما حد يسال سؤال حنقعد نعيد و نزيد في نفس الكلام
لو مش مقتنع ممكن يسال او يبحث في مواضيع المنتدي

---

طيب طالما ان الموضوع اتناقش ممكن حد يرد على سؤالى هنا؟
لو حضرتك تقدر ترد عليا اكون شاكر اوى.
سؤال بسيط جدا ازاى الكورى عمره اقصر من عمر اليابانى و جودته اقل و الاوتوماتيك فيه وحش اوى ازاى بتتباع بنفس سعر اليابانى؟؟
http://www.nilemotors.net/Nile/showp...2&postcount=13

الشيفروليه لومينا هى الاسم التجارى الذى تصدر به السيارة هولدن كومودور الى خارج استراليا ، وهى منتج استرالى من هولدن(الجناح الاسترالى لجنرال موتورز)

وتغطى بها جنرال موتوز الفئة الناقصة من مصانع دايو ليصبح المعروض من سيارات شفروليه السيدان الأسيوية طبقا للتراتب الحجمى هو سبارك، افيو، اوبترا ، ابيكا، لومينا وكلها ما عدا اللومينا من دايوو (الشيفروليه ابيكا هى الاسم الذى تصدر به دايو توسكا-وريثة الدايو ليجانزا-الى العالم)

http://en.wikipedia.org/wiki/Holden_Commodore

http://en.wikipedia.org/wiki/Daewoo_Tosca

شكرا على المعلومات عن اللومينا

اقتباس:

---

المشاركة الأصلية كتبت بواسطة som3aa

طيب طالما ان الموضوع اتناقش ممكن حد يرد على سؤالى هنا؟
لو حضرتك تقدر ترد عليا اكون شاكر اوى.
سؤال بسيط جدا ازاى الكورى عمره اقصر من عمر اليابانى و جودته اقل و الاوتوماتيك فيه وحش اوى ازاى بتتباع بنفس سعر اليابانى؟؟
http://www.nilemotors.net/Nile/showp...2&postcount=13

---

مالهاش دليل علمي و لا احصاءات و لا حتي تجارب

كل الحكاية بما إن الأتوماتيك ده اختراع و اكتشاف و خيال علمي و بيطلع للفضاء و بيمشي علي الحيطة و حاجة صعبة اوي طحن و لسه معامل الناسا مكتشفاه من اول امبارح

فالشعب المصري مارس هوايته المفضلة من ايام جنرالات المقاهي فتي فتيه و بعض الناس صدقوها و بيرددوها


نوع يعني من توخي الحذر في قرار الشراء

عندك حق يا أحمد بيه والله ........ أنا لسه سامع الكلام ده من عمي و قالي نفس الكلام

اقولكم على حكايه تثبت ان اليابانى فى الاوتوماتيك لا يقارن بالكورى .واحد صحبى معاه نيسان 2002 يابانى اوتو المهم عامل بالعربيه 180 الف فى وسط الكلام بقوله انت بتحط زيت فيتيس نوعه ايه .راح قايللى هو زيت الفيتيس بيتغير وبيبصلى بأستغراب ودهشه رديت عليه قولتله طبعا كل 40 الف يتغير قاللى يانهار مش فايت ده بقاله 180 الف المهم رحنا نغير الزيت هو المفروض لونه مثل لون شربات الورد طبعا نازل اسود كحل اكتر من زيت المحرك المحروق بعد ما غيرنا الزيت قاللى تصدق العربيه نعمت اكتر المهم راح كشف على الفيتيس فى التوكيل قالوله مفيش اى حاجه وكله تمام .السؤال بقى لو هى عربيه كورى كانت هتستحمل ان زيت الفيتيس الاوتو ميتغيرش لحد 180 الف من غير مايحصلهوش اى حاجة

اقتباس:

---

اقولكم على حكايه تثبت ان اليابانى فى الاوتوماتيك لا يقارن بالكورى .واحد صحبى معاه نيسان 2002 يابانى اوتو المهم عامل بالعربيه 180 الف فى وسط الكلام بقوله انت بتحط زيت فيتيس نوعه ايه .راح قايللى هو زيت الفيتيس بيتغير وبيبصلى بأستغراب ودهشه رديت عليه قولتله طبعا كل 40 الف يتغير قاللى يانهار مش فايت ده بقاله 180 الف المهم رحنا نغير الزيت هو المفروض لونه مثل لون شربات الورد طبعا نازل اسود كحل اكتر من زيت المحرك المحروق بعد ما غيرنا الزيت قاللى تصدق العربيه نعمت اكتر المهم راح كشف على الفيتيس فى التوكيل قالوله مفيش اى حاجه وكله تمام .السؤال بقى لو هى عربيه كورى كانت هتستحمل ان زيت الفيتيس الاوتو ميتغيرش لحد 180 الف من غير مايحصلهوش اى حاجة

---

:D :D :D :D :D :D :D

طب يا جماعة يعني معنى الكلام اللي على المطلق ده إن فتيس الماروتي الأوتوماتيك مثلاً اللي هو تكنولوجي سوزوكي اليابانية تثقوا فيه أكتر من فتيس السوناتا الأوتوماتيك؟ و إنوا هيكون أنعم و أطول عمراً منه؟
أنا بتكلم على فتيس مش عربية و لا فئات و لا الكلام ده...
و بعدين ما إحنا نا بنشوف عربيات هيونداي ستيلار موديات التمانينات و إكسل و إلنترا تسعينات و لانوسو نوبيرا تسعينات و الفينات أوتوماتيك...
معاكو إن عمر الياباني في الأوتوماتيك أكبر من الكوري لكن الأوروبي أكبر من الياباني و الأمريكي أكبر من الكل و الكاديلاك و الشيفيهات فيها أوتوماتيك من الخمسينات.. يبقى هل من المنطق إننا نكون معادلة بتقول إن الأمريكي أطول عمراً و أنعم من الأوروبي ثم الياباني ثم الكوري؟
يا جماعة الموضوع مفيهوش إختراع صواريخ .. التكنولوجيا متاحة للجميع و مفيهاش أسرار قوي كدة يعني ..

مفيش ماروتى اوتوماتيك على ما اظن . اعتقد اصغر عربيه يابانى فيها فيتيس اوتو هى دايهاتسو الشارد ولو هتقارن الشارد بالسوناتا انا شخصيا ونفسيا اثق فى الشارد

انا مش مقتنع ان الاوتوماتيك الكورى سىء او وحش محسسنى ان كوريا ديه لسه بتصنع عربيات اول امبارح مع ان كوريا سبقت اليابان فى الصناعات الثقيله بدليل ان عندها اكبرورشه تصنيع سفن واوناش فى العالم

طيب يا اخواني السؤال المفروض طرحة في هذا النقاش حاليا ؟؟؟؟
هوا ايهما افضل الاوتوماتيك ولا العادي ؟؟؟؟؟
وياريت كل واحد يقترح لية دة افضل ولية دة افضل عشان نعرف نختار ايهم ؟
وانا ان شاء الرحمن بشتري تيريوس وعايز اعرف اجيبها (عادي ولا اتوماتيك )
ولية ؟؟؟؟؟