الموضوع: هو ليه مفيش بنات في مصر؟

المشاركة الأصلية كتبت بواسطة me_medoo

أه يا يكو يا حبيبي ... مشكلتك مشكلة العديد من الشباب المصري ، بس ليه نظلم البنت المصرية ... هو شكل البت المصرية مش بيتحدد في داخل رحم أمها بسبب أبوها .. يعني لو كان أبوها عدل وأمها حلوة هتلاقي البت نازلة زي العسـل وجميلة . زي الاجنبية .
كلامي والله مش على الشكل هو انا إبتديت في الأول لكن انا بالنسبالي الأخلاق التعامل الشياكة لبس محترم (لو وحده فيها كل ده ومش جميلة أنا موافق)
أنتا شفت الرجال الاجانب شكلهم أيه ... عندهم جينات ياريس جينات جينات مش زي عندنا هنا عندنا حبت خلايا على شوية سيتو بلازمة ملهمش أي لزمة هههههههههههههه .
هههههههههههههههههههههه
نيجي للنقطة التانية ... الشباب الي بيدور على البنت الي كلها اؤنوثة ونعومة ورقة وحنية .... هتيجي الحجات دي منين بس ... أذا المجتمع بيطلب من البنت أنها تكون بمليون راجل يعني مسترجلة من الاخـــــــر وبنطالب البنت توقف في طابور في عز الحر والشمس والقرف . وبنطلب منها تاخود حقها بدراعها ... وألي يكلمك حطي صوابعك الاتنين في عنيه .
ماشي بس ده لما تكبر مش لسه بنت في الجامعة أو ثنوي ملخقتش تحتك بالقرف الي في الشارع ده لدرجة إن الشخصيه تقلب كده
والمتربي متربي أنا في الشارع بتعامل بوش وشكل ومع الناس المحترمة بشكل تاني (أنا إتخانق مره واحده في الكليه -وكان موضوع شرف ولازم اطربق الدنيا على دماغ الواد-) مكنوش في الكليه مصدقين إن أحمد ممكن يقلب شورعي في ثانيه بس مش هتعامل كده عمال على بطال ولا إيه؟
نيجي للنقطة التالته ... الرشاقة والعود الفرنساوي والبت السمبتيك ... هتيجي منين دي كمان أذا بنربي بناتنا على حلة المســــقعة والورق عنب والكرونب وطبق الفول بالزيت الحــــــــــــــــــــــ ــــــــــــــــــــار على الصبح.
انا متكلمتش على التخن أو الرفع أو الجسم أنا بتكلم تبقى شيك ومحترم في نفس الوقت!
ولا الدمعة بتعتنا في أي حلة مصريـة لازم تكون مسـبكة كويس وتيجي تاكول طبق بمية تيجي تمد صوابعك فيه تحس انو جيلي من كتر ماهو متسبك ودسم ... وتلاقي ياعيني البت بعد كل أكلة بطنها منفوخ وعندها تلبك معوي ومليانة غازات كده ، أحنا أكتر دولة في العالم بتصدر غازات طبيعية في العالم كلو .ماهو من البلاوي الي بناكولها ههههههههههههههه .
وتلاقي البت ياعيني ماشية ولا كأنها عربية لادا شكمنها مخروم ... وبعدين نسئل نفسينا أللله هو راح فين الجمال والجاذبية ، جازبية مين ياعم الحج مش لمن ناكول أكل نضيف الأول .وبنستغرب وليه بنتنا مش زي بنات بره .

نيجي بقة للنقطة الرابعة :
بتقول يا يوكو عاوز بت فرفوشة ومش نكدية ... طب قولي أنتا أزااااااااااااي !! والحياة الي حولينا المحيط الي عايشين فيه كلو نكد ومئاسي ومشاكل ... فكرتني بأيام الثورة واللجان الشعبية وعمالين ننام كل يوم على صوت ضرب النار وصوت الرصاص ومراتي بتقولي أنتا مبقتش تحبني ولا حتى عدت تقولي كلمة حلوة ... ههههههههههههه كلمة حلوة هو في أكتر من الايام الحلوة والمهببة الي أحنا عايشينها دي !
فقلتلها بحبك يا حياتي قد عدد صوت الرصاص الي بنسمعو كل يوم يا حياتي .
بحبك قد كل كلمة (الشعب يريد أسقاط النظام ) أتقالت يا حياتي . قامت دحكة وقالت لي بجد طيب بتحبيني قد أيه قلتلها بحبك قااااااد ميدان التحرير والعابسية ومصطفى محمود يا حبيبتي هههههههههههههههه ... حاجة بجد تفقع الدم أحنا في أيه وهيا فيه .

ماشي بس قبل الثورة كان فيه ولا إيه
ماشي هي ظروف لكن فيه أو الأغلبيه بيحبوا النكد زي عنهم
موقف بسيط جدا في الكليه ومن بنات معرفتي بيهم السلام عليكم وعليكم السلام
تخيل لمى يتعملك مشكله ومحاكم ولا محاكم التفتيش عشان إزاي عديت من قدامنا ومسلمتش وقلبوا الدنيا على دماغي مع إني والله ما أخدت بالي إنهم واقفين أصلا دي عينة من النكد ودول ولا ليا علاقة بيهم تخيل بقى لو إتجوزت واحده بالشكل ده لو راجع من الشغل تعبان ودخلت إترميت في أي حتة من التعب ومقلتلهاش إزيك يا روحي وقلبي ودلعت فيها شويتين ممكن من الكلام الي تسمعهولك تخليك ترمي نفسك من البلكونه

وكل الاحداث والايام المهببة الي بنعشها ... وفي النهاية عاوز بت تكون مش نكدية ودمها خفيف أأأأأأأأأأأأأأأه أأأأأأأأأأأأأأأأأأأأأأأأه يا يكو يا حبيبي .

والله فيه بس الي مش نكديه للأسف نصهم في الضياع (أخلاقيا)
أنا نفسي الاقي الإتنين في واحده زي هد أند شولدرز كده 2 في 1
نيجي بأه للنقطة الخامسـة :
نفسك في بنت شيك ... مش كده ... وهتيجي منين الشياكة ياباشا ... في بلد مفهاش لا ذوق ولا شياكة ، بلد أذا شافوا بنت شيك تبص تلاقي أنظار الشباب كده على البت وهيكلوها بعنيهم أكل وتلاقيهم مبحلقين كده كأنهم بيتفرجوا على روتانا سينما مش هتقدر تغمض عنيك .

الواحد المفروض شاف بنت حلوة يبصلها بصة ويغير القناة ... مش يتابعها من أول الفيلم لحد أخرو ده أذا ملحقهاش .

ده غير أننا مجتمع لاشرقي ولا غربي ولا حضاري ولا غير متحضر أحنا في النص البت تيجي تلبس لبس عادي محترم وشيك ... تيجي تروح مكان راقي تبص الي في المكان ده يقولولك ... أيه العالم البيئة دي وايه اللبس المتخلف ده أوووووووووه أولد أستايل ولا أولد فاشن .
تيجي تروح مكان شعبي ولا مكان عادي تبص تلاقي الناس يبوصلها ويقولوا في سرهم أيه المسخرة واللبس الغير محتشم ده ... وأزاي أهلها سمحولها تلبس كده ... وتبقى ياعيني البت حيرانة مش عارفة تلبس ايه لا كده عاجب ولا كده عاجب ... ومشكلتك عندك في مصر كوكتيل الاماكن الشعبي لزق عدل جمب الراقي والزمالك جمب أبو العلى ... والمهندسين جمب بولاء والمعادي جمب البساتين . وعجبي عليكي يا بلد ... وكل ده وعلى جميع ماسبق ... عاوز تلاقي بنت جميلة وحلوة زي الاجنبيات بس تكون مصرية ، يعني أنتا يا يوكو عاوز شوية من الشرق وشوية من الغرب ... يعني أنتا من الاخر مش عاوز بت منجا ولا عاوزها فرولة ولا عاوزها صباع موز ... أنتا عاوزنا نجمعهوملك كلهم ونضربهوملك في الخلاط ونطلعلك بت كوكتيل ... فيها جميع النكهات ... وده صعب يا يوكو يا حبيبي لأن دي مصـر يا ريس مش محل عصير فرغلي . ههههههههههههه . حبيبي يا يوكو .. وتحياتي .

@@@@@@@@@@@@@@@@@@@@@@@@@

والله ممكن تلاقي شيك جدا ومحترمة جدا وشوفت من ده يعني يعني على الأقل زي أختي مش طالب حاجة عجبه
وعلى فكره الأجنبيه دي والله لو شفت لبسها لو راحت حتة شعبي هيقولوا لبسه محترم قوي ولو راحت حته هاي كلاس الكل هيستغرب من كتر ما هي شيك

والله المصريات ملهمش ذنب يعني لو هي إتعلمت في مدارس بره وعرفت إزاي التعامل الأدمي وإتعلمت دين صح والله يضربوا الأجانب بالنار في كل حاجة لكن للأسف عندنا لا حد بيتعلم دين صح ولا حد بيتربى صح وحتى الي بيتربى صح بيبقى صعب غنه يحافظ على تربيته دي في المجتمع المصري الي إتملى فساد (بركات مبارك وشلت الحرميه الي معاه الي دمروا البلد أخلاقيا قبل ما ينهبوا خيرها)
أنا والله لحد ما دخلت كليه كان نافع معايا التربيه بس بعد الكليه ونزولي مصر الواحد لازم يبقى عربجي وقت اللزوم بس ده ميمنعش إنه يفضل محترم معظم الوقت ويطلع مواهبة في قلة الأدب مع الي يستاهل بس
فلما بنت المفروض يكونوا أحسن مننا كمان ولما تتبدع يبقى في الي يستاهل مش على الفاضي والمليان ومع المحترم والغير محترم وتتفنن في الأساليب دي مع جوزها

المشاركة الأصلية كتبت بواسطة dede_dodo88

للأسف ده فعلاً حقيقي,
النفاق سمة مشتركة في أغلبية البنات.
البنت بتحاول ترقق من نفسها و تبين أنها سمباتيك و رقيقة على الرغم أن شخصيتها العكس تماماً.. و للأسف برضه كتير بينجحوا في تمثيلهم ده و الشباب الغلبان هو بيكون الضحية..
أبسط مثال على كده المكياج كمحاولة لتجميل أو أخفاء الوجه الحقيقي..
بس هو ظروف المعيشة الصعبة في مصر صنعت من البنات رجالة متنكرة..

للأسف وعلى فكره حتى كتير من الولاد كده برده للأسف

المشاركة الأصلية كتبت بواسطة i_boy

ده على اساس ان احنا كولاد كويسين يعني

هو أنا قلت في كلامي كده!!!!

المشاركة الأصلية كتبت بواسطة mohaakotb

طيب صاحب الموضوع عايز رد عملي ومش كلام جرايد ونصائح وكده ... وانا هرد عليك دغري طلبك موجود بس عايز تعب شويه :)
بنات الاخوان المسلمين فيها اغلب الصفات اللي بتقول عليها .. بس طلبك بالتحديد هيبقي في بتوع مدينه نصر او مصر الجديده ... انا علي احتكاك بيهم وقرايبي وليا اصدقاء من شباب الاخوان ف عشان كده بقلك الكلام ده ... عارف إن في كتير هيتريقو و هيستجلبو كره الاخوان والموضوع يقلب سياسه ... بس عادي انا قلت افيدك يعني

وانا أعرف ناس كتير من الإخوان وفيه منهم قرايبي لكن برده حتة التناكه للأسف موجوده (بنسب متفواته)
وانا من مصر الجديده أصلا
وعلى فكره منتخب مرسي في المرحلة الاولى

المشاركة الأصلية كتبت بواسطة karim fathy

هو انا بقيت بتفرج على مسلسلات تركى من شوية :)

أنا مبطقش المسلسلات التركي

المشاركة الأصلية كتبت بواسطة karim fathy

فعلا عندك حق 80 % ان مكنش 90 % من الولاد بقو سرسجية و اشكال تقرف المجتمع كلة على بعضة مجتمع فااااااااااشل محتجين صاروخين ناواوى و نبدا على نضيف

ده فعلا بس برده فيه ولاد الناس ومتربيين