http://www.nilemotors.net/Nile/293025-a.html
طب ما هي اللي ذات الدين دي مش حلوه و ممكن تكون مش علي المستوي الاجتماعي و الثقافي المطلوب يبقي ايه العمل ؟
زى ما الناس كلها عارفه و بتردد الكلمتين ان الجمال ده شئ نسبى
و ما تراه جميلا اليوم
سوف تعتاده و تألفه غدا (مش بقول هاتشوفه وحش انما لن تنبهر به )
بس على فكره فى حل للموضوع ده بس للأسف كلنا لا يطبقه
و هو الذى قاله الاخ العزيز كريم فى المشاركه رقم 2
انه غض البصر
سئل شيخ مره كيف ارى مفاتن زوجتى
قال له غض بصرك و يحكى انه عندما غض بصره فعلا استمتع ايما استمتاع بزوجته
(على فكره دى مش قصه ترقيق قلوب
دى حصلت فعلا لواحد صاحبى
سبحان الله كل ما يكون ماشى كويس و غاضض بصره
حياته مع مراته و اولاده زى الفل
و لكن طبعا الايمان يعلو و يهبط و عندما يلعب بعينه
بيته بتحول لنار)
واخدين بالكوا انا قلت يلعب بعينه بس
مش يعط و لا .................................................. ......
طبعا ممكن مش كلنا يحدث له هذا
و لكنى احسد صاحبى على النعمه التى هو بها
اول ما يغلط ربنا ينبهه و يرجع تانى
ربنا يستر علينا و لا نكون من اصحاب القلوب الغافله
اما بالنسبه لباقى الاشياء فالشيخ الشعراوى رحمه الله (على ما اذكر) جاءه شخص و قال مراتى قارفانى
قاله له لماذا
قال له اصلها بتعمل كذا او عندها عيب كذا
قال له الشيخ انت مراتك تمام طالما انت ماشتكتش الا من العيب ده يبقى باقى حاجاتها كلها انت راضى عنها
اما بخصوص العيب من منا ليس به عيوب
(ان كرهت منها خلقا , رضيت منها خلقا اخر)
بيتهيألك .. هي ممكن تكون جميلة جدا .. بس لابسه واسع و مغطية شعرها .. و ممكن تكون لابسه نضاره مثلا أو منتقبة .. فانت مش شايف انها جميلة .. انما لما تظهر جمالها لزوجها .. هتكون ملكة جمال.
و العكس صحيح طبعا .. ممكن تشوف واحده جميله .. و بعد ما تتجوزها .. تكتشف ان ده كله شغل بيوتي سنترز و فرد شعر و عدسات و ماسكات .. و أكبر مثال الفنانات و المذيعات.
هقول لك حاجه من الاخر .. لو مراتك بتسمع كلامك .. و مطيعه .. و أخلاقها كويسه .. و بتحاول ترضيك ..و هي متوسطة الجمال .. هتشوفها أجمل ست فى العالم .. و العكس صحيح .. لو هي ملكة جمال .. و بتجادلك في كل كبيرة و صغيرة و عنيدة و مبتسمعش الكلام .. هتشوفها قرد بصديري .. و مش هتطيق تبص في وشها.
و المتجوزين يقولوا لك :-)
كل واحد له مقاييسه و معاييره
النهاردة ببص علي بنت غصب عني لانها لبسة لبس ملفت جدا جدا جداااااااااااا
ومراتي راكبه جنبي لقيتها بتقولي انت بتبص علي ايه؟
قلتلها مش انا سايق العربية ولازم عيني تبقي علي كل حاجة؟
قالتلي البنت ماشية علي الرصيف ولا انت كنت ناوي تطلع علي الرصيف؟
قلتلها مش يمكن في ايدها قنبلة وعايزة ترميها علي العربية ما احنا في انفلات امني بقي
يا عمنا خلي البنات يمشوا محترمين وبعد كدا تعال قولما نغض بصرنا