السلام عليكم ورحمه الله وبركاته
طلب
راى الخبراء والمجربون فى التمويل العقارى
أهم البنوك والشركات اللى بتموله ؟
مقارنه بينهم من حيث الافضل ؟
الشروط والضمانات وسعر الفائده ومده السداد وخلافه ....
اخيرا الاجراءات والمده والتكاليف
شكرا مقدما
عرض للطباعة
السلام عليكم ورحمه الله وبركاته
طلب
راى الخبراء والمجربون فى التمويل العقارى
أهم البنوك والشركات اللى بتموله ؟
مقارنه بينهم من حيث الافضل ؟
الشروط والضمانات وسعر الفائده ومده السداد وخلافه ....
اخيرا الاجراءات والمده والتكاليف
شكرا مقدما
بيكون اسعارها مبالغ فيها جدا - يعني لو الشقة هتشتريها من التاجر مباشرة هتكون مثلا ب 100 الف جنيه
اما لو هتدخلها تمويل عقاري هتوصل 200 الف جنيه ممكن في 8 سنين , و طبعا لازم تكون الشقه و الارض المبني عليها العمارة مسجلين شهر عقاري و ديه حاجه نادرة الوجود في مصر
فلازم هتضطر ساعتها انك ترضي بالشقق اللي البنك هيقدمهالك و بيكون اسعارها مبالغ فيها
فعلا كلام العضو المحترم اللى علق قبلى سليم 100%
والتمويل العقارى دة نصباية كبيرة جدااااا ومقلب (انا اسف للفظ ) محترم
انا واخد شقة 63 متر بنظام التمويل
اولا واخدها محارة وخربت بيتى تشطيب
سعر ها كاش 120الف
وسعرها تمويل 240 الف ...........تخيل 63 متر بربع مليووون ........
ومش كدة بس لا ...انا دافع مقدم حوالى 40 الف واقساط على 20 سنة
قدر الله وماشاء فعل ....انا مش زعلان لان كان مشكلتى انى ممعييش مبلغ كاش وكنت بدور على حاجة تقسيط
وبعدين انا بعتبر القسط اللى بدفعة ..اكنى ساكن ايجار ...بس مفيش صاحب بيت قارفنى
واى معلومات او تفصيلات اكثر انا تحت امرك
متابع
شكرا لحضرتك
طيب
باعتبار ان الارض والشقه مسجله
طيب ايه البنوك اوالشركات للى بتقدم التمويل ؟
وهل فيه فرق بينهم من حيث سعر الفائده و هل فيه فروق اخرى ؟
up
للاهميه
عموما خد النمر ديه و حاول تستفسر لكن عايز اقولك علشان تاخد شقه من المالك مباشرة (بنظام التمويل العقاري ) هتكون نسبه نجاحك لا تتعدي 1 %
خد بالك علشان لا تضطر انك تأخد شقه من البنك مباشرة بسعر غالي جدا, التفاصيل :
البنك العقارى المصرى العربى
تليفون 33383561
بريد اليكتروني mortgage@eal-bank.com
الموقع الالكتروني http://www.eal-bank.com
78 ش جامعة الدول العربية - المهندسين
------------------------------------------------------------------------------
بنك التمويل المصري السعودي
تليفون 37481222
بريد اليكتروني centeral@esf-bank.com
الموقع http://www.esf-bank.com
ش محيي الدين أبو العز- الدقي- الجيزة
نقط بردة تتاخد فى الاعتبار، القسط لا يتعدى 30% من المرتب واول سؤال هيكون مرتبك اد اية وبالتالى القرض المسموح ليك اد اية، تانى نقطة اقصى فترة تمويل 15 سنة،
ليه حضرتك شايف صعوبه في التمويل مع المالك ؟ . هتكون في اي جزئ تقريبا ؟
انا مقسط مع شركة تمويل للتمويل العقارى
ممكن تتصل ب 140 دليل وتجيب التليفون وتتصل بيهم وتستفسر