الموضوع: قسم كيا - نايل موتورز تنتخب المنسق العام 2012

وحشنى جدا جدا وكنت زعلان منك ولا بشوفك ولا عارف اطمن عليك
بس بعد الموضوع ده ....لسه زعلان برضه
فكرة حلوة والله وجديدة وانا موافق عليها هفكر معاك بصوت عالى :
* نحط شروط معينة للترشيح بالتعاون مع ادارة المنتدى .
* الناس اللى تستوفى الشروط تقدم نفسها للترشيح (مدة الترشيح اسبوع )
* يتم عرض المرشحين على ادارة المنتدى ( اللجنة العليا للانتخابات )
بعد قفل باب الترشيح واخذ رائيها فى المرشحين
* كل مرشح يقول نبذة عن تاريخه فى عالم السيارات وخبراته عموما وكيا خاصا
ويتم ذلك من خلال فتح موضوع يخصه فقط والاعضاء تتحاور معاه من خلاله ويقدم فيه
برنامجه الانتخابى .
* عرض البرامج الانتخابية يكون لمدة اسبوع
طريقة التصويت :

* التصويت من خلال المقابلة اعضاء قسم كيا = 4 نقاط
* التصويت من خلال المقابلة اعصاء خارج قسم كيا = 3 نقاط
* التصويت لاعضاء كيا داخل موضوع مخصص = 2 نقاط
* التصويت لاعضاء خارج قسم كيا داخل موضوع مخصص
( يكون عدد مشاركته فى المنتدى 200 مشاركة ) = نقطة
* التصويت يتم لمدة اسبوع
بعد فرز الاصوات يتم اختيار المنسق للقسم من خلال مقابلة كبرى وتحدد لها ميعاد مبدائى
بأذن الله يوم الجمعة الموافق 29/6/2012

ايه رائيكم فى الموضوع ده يا رجالة واللى عنده اضافات يقول .

اية ياجماعة الكلام الكبير دة ... نقط بسيطة من فضلكم كدة

المشاركة الأصلية كتبت بواسطة alsharief

السلام عليكم و رحمة الله و بركاته ...........................

نظرا لدعوة صديقى محمد مصطفى لضرورة القراءة و المشاركة فى هذا الموضوع إلى جانب أهمية عمل هذا الشىء بدون دفع أو توصية من أحد مع حفظ كامل الألقاب و مع كامل الإحترام للجميع لإن هذا سينعكس بالإيجاب على قسمنا العزيز قسم كيا و مع كامل الإعتراف منى بالتقصير فى حق القسم و فى حق أعضاءه الكرام و بالتباعية فى حق نايل موتورز فقد قررت المشاركة مع باقى إخوتى الأفاضل الذين يريدون النهوض بمستوى القسم و إنعاشه مرة أخرى و جعله من الأخر كايدهم كلهم ................. مش عارف أنا بقيت بتكلم كده ليه تقريبا من كتر مشاهدة برامج التوك شو يارب توب علينا بقى .


أنا عندى إقتراح نظرا لحالة الديموقراطية التى تعيشها البلاد و نظرا لما نعيشه من قهر قهرى فى إنتخابات الرئاسة و هذا الإقتراح كالتالى :

1 -الأعضاء الكرام ممن يرون فى أنفسهم المقدرة بفضل الله تعالى لتولى منصب منسق عام القسم فى الفترة القادمة يقدمون أوراق ترشحهم لباقى الأعضاء و يتم الإختيار عن طريق إنتخابات حرة نزيهة و لنجعلها المرة الأولى فى تاريخ مصر لتكون هنا فى نايل موتورز و بالأحرى و بالتحديد فى قسم كيا قسم النمور الضارية

2-نقوم بتكوين لجنة لمباشرة العملية الإنتخبية و أكيد هتكون مكونة من ( أ/ كريم منير ) بصفته الإدارية و الإجتماعية و الإقتصادية وألصيفية و الشتوية ( ماشاء الله لا قوة إلا بالله ) و كذلك ( أ/ وائل أبو ليلى ) بصفته العمدة و المنسق العام السابق و أكيد العبد لله أنا واحد منهم ( علشان أنا صاحب الفكرة هههههههههه دا لو إتوافق على الفكرة من الأساس يعنى (يارب يوافقوا ) ) هذه اللجنة مسئولة عن فرز المرشحين و تنسيق العملية الإنتخابية بكل نزاهة و شرف .

3- يقوم المرشحين بعد إعلان العدد النهائى لهم بعمل الدعاية الخاصة بيهم و أختيار الفريق المعاون و أفراد الحملة المسئولين عن الترويج لهم و يقوموا بعرض برنامجهم الإنتخابى للنهوض بالقسم و زهزهته و فرفشته و إرجعاه لسابق عصره و ليكن شعارنا فى الفترة القادمة ( طويل العمر يزهزه عصره و ينصره على من يعاديه ....... هاى كيا ) ( بس ياريت رجاء خاص للسادة المرشحين بقى مش عايزين نكتشف إن فيه واحد والدته وأو والده و أو زوجته تحمل جنسية غير مصرية أو مزدوجة - أو عليه أقساط و ماضى على نفسه كمبيالات للبنوك على بياض أو مثلا مادفعش الإشتراك السنوى بتاع المنتدى أو مش حاطط إستيكر المنتدى على عربيته أو معندوش عربية أصلا ) على العموم كل الشروط ده هيتم الإعلان عنها فى وقتها .

4 - بعد تحديد موعد الإنتخاب سيتم التنسيق مع أبو ليلى لتنظيم مقابلة كبيرة سوف تكون بإذن الله هى الأكبر فى تاريخ المنتدى و الدعوة عامة و هتبقى قشطة إن شاء الله لبدء العملية الإنتخابية تحت إشراف القرصان محمد شنورى و هو المسئول عن تأمين العملية الإنتخابية تأمينا كاملا ( سامعنى يا عمى شنورى .......... صباح الفل ) ( على فكرة المقابلة غير مختصرة فقط على أعضاء قسم كيا و لكنها لك المصريين قصدى لكل المصريين المشتركين فى نايل موتورز و ممكن كمان يتم التصويت للمغتربين عن طريق ال sms ( مساء الفل يا حسام باشا يا أوبتراوى مش ناسيك أنا يا حيبى )

5- يتم فرز الأصوات بعد الإنتهاء من التصويت فى نفس اليوم تحت أنظار و أسماع الحضور و كذلك تحت مراقبة عدسات كاميرات موبيلات الناخبيين و كاميراتهم الخاصة سواء كانت بروفيشينال أو سيمى بروفيشينال و كله موثق و هيتم رفعه على اليوتيوب و على المنتدى نفسه .

6- يتم إعلان النتيجة النهائية إما بفوز مرشح واحد بنسبة 50 % أو أكثر أو سنلجأ لمرحلة الإعادة إن لزم الأمر لذلك و هتكون برده فى نفس اليوم :10d5c8w1107: .

7- سيتم إعلان الفائز بالمنصب فى نفس اليوم حتى لو إضطررنا للجوء للتزوير و بلا نزاهة بقى بلا ديموقراطية خلينا نخلص بقى إحنا مش فاضيين نعمل مقابلة تانية و كما علشان شنورى يرجع لثكناته قصدى يعنى يرجع للإجتماعى بتاعه بقى الراجل الله يكون فى عونه هيبذل مجهود ضارى لإنجاح هذه العملية
و كان الله بالسر عليم و السلام عليكم و رحمة الله و بركاته .

[bor=#ff0000]منتظر ردود أفعالكم و خليكو فاكرين إننا قمنا بثورة علشان عيش ........ حرية .......... عدالة إجتماعية و ديموقراطية و منسق عام كيا [/bor]

و الله العظيم زى السكر .