بصراحة انا ليا واحد صاحبي معاه Rb accent لما ركب الريو وشاف البور وطلعت العربية الاتوماتيك دخلت دماغه اوي وقاللي انها احسن من الRB فبصراحة رفع من معنوياتي جدا
عرض للطباعة
بصراحة انا ليا واحد صاحبي معاه Rb accent لما ركب الريو وشاف البور وطلعت العربية الاتوماتيك دخلت دماغه اوي وقاللي انها احسن من الRB فبصراحة رفع من معنوياتي جدا
طبيعي ان التكييف ياخد وقت عبل ما تحس بيه لو كانت العربيه مركونه فى الشمس و درجه الحراره العاليه بتاعت اليومين دول و انصحك انك تبدأ باعلي سرعه ليه فى الاول لحد ما تحس بيه و بعد كده تنزله شويه و ممكن تسيب الازاز مفتوح فى الاول لحد ما تبدأ تحس ان الهو بتاع التكييف بقي ابرد من الهوا الخارجي و بعد كده تقفل الازاز ده هيسرع من عمليه التكييف خصوصا ان لو العربيه مركونه فى الشمس هواء التكييف فى الاول بيبقي اسخن من الهواء الخارجي و ده يبطيء سرعه التكييف لو انت قافل الازاز, متقلقش , لو كانت فى ضله او الحراره اخف من كده هيسقع على طول
تصدق فعلا انت عندك حق انا كنت راكن النهاردة في جراج الشغل تحت الارض ولما شغلت التكييف العربية كانت مش متعرضة لشمس ولا حاجة ... فعلا التكييف جمع بسرعة واداءة كان كويس جدا .. انت كنت ابدتيت اقلك في الاول لكن الحمدلله التكييف طلع تمام .
غريبة بصراحة .. المفروض العربية استهلاكها ميزيدش عن 7.2 لتر/100 كيلو
ده في المدينة كمان , عالطريق مفروض يكون 4.5 لتر/100 كيلو
يعني مفروض لو سواقة mixed يكون 5.5 لتر بالكتير !
ممكن عشان التكييف !
استاذ احمد شكرا جزيلا على اهتمامك و ردك :)
سؤال اخير هل موضوع سحب البنزين العالى فى المدينة دة مع تشغيل الايكو بردو ولا لا . و هل تشغيل الايكو بياثر اوى على السحب والتكييف ولا مش اوى ؟؟
نيجي بقي لموضوع الايكو ده علشان فيه كتير مش فهمين ايه هو ال ECO Mode
الايكو ده ما هو الا مؤشر او ليد بتنور لما رجلك تتقل زياده علي دواسه البنزين , يعني لو انت دايس شعره بنزين تفضل منوره و لو تقلت سنه على البنزين تطفي و ليس كما يظن البعض انها نظام يوفر استخدام البنزين , هي ليست الا لمبه فقط , يعني لو انت عامل للايكو اووف و ماشي و دايس شعره بنزين على طول هيبقي زي ما تكون عاملها اون و لو عاملها اون و ماشي على دواسه البنزين براحتك هتبقي زي ما تكون عاملها اووف
يعني من الاخر ملهاش اي ستين لزمه :) , و اللى عاوز يتستخدمها يفضل محافظ على اللمبه ديه منوره و هتوفرله شويه بنزين , يعني بدل ما يستهلك 16 لتر فى ال 100 كيلو هتبقي 14 بس هههههههههههه
خدعه :)
أنا موافق على كل كلمة قالها زميلي العزيز بس مع فرق إن الهاي لاين الفرامل فيها abs و ebd و دة مخليها فوق الممتازة و النقطة الخاصة بالصوت الهاي لاين فيها 6 سماعات فبصراحة بتديني صوت نقي جداً
أنا ركبت الإتنين و فعلا الريو تتفوق في كل حاجة و بجدارة.
+11111111111111111
موضوع استهلاك البنزين ده محبط جدا
هو طبعا غير مؤثر فى قرار الشراء انما 1400 و تستهلك زيى الـ 1600
تجربتي للسيارة بعد 500 كم : بصراحة اداء السيارة اتظبط كتيير جدا بعد اول 500 كم تجميع وخصوصا الكتمة اللي في اول دوسة الينزين وانت طالع مطلع او مهدي وكبست مرة واحدة , التكييف اداء كويس بس اديلة 7/10 وخصوصا اني كان عندي فيرنا تكييفها كان تلاجة Nofrost :) , موضوع استهلاك البنزين انا بصراحة مش حاسس بي اوي انا في المعدل الطبيعي ومن ساعة ما ركبت العربية وانا بحسبها بناء على نقد بعض الناس لاستهلاك البنزين , بالنسبة لاداء المحرك وصوته فهو منخفض جدا لدرجة اني ساعات بحس وانا جوه العربية انه مش شغال , حاجة مهمة لازم الشباب تعملها اول ما تستلم العربية وهي ظبط الاطارات لاني اول ما استلمت كان في دب جامد في المطبات والحفر ولما رحت اكشف على الكاوتش لاقيته مضبوط على 45 فدي حاجة مهمة جدا جدا .. انا عن نفسي راضي جدا عن هذه السيارة فهي طفرة لشركة كيا .
شكرا يا احمد باشا :10D5C8w1107:
شكرا يا احمد باشا
يا جماعة بردة العربية بتستهلك بنزين جامد اخر مرة رحت توكيل اللى فى روكسى قالى دة استهلاك عادى قلتلة لا دة استهلاك 1600 بالتكيبف فقالى طيب نعمل اختبار اخير و لو المشكلة لسة موجودة روح فرع ابورواش علشان مركز الدعم الفنى و المهم فولت العربية و صفرت العداد انا على طريف مفتوح مش داخل البلد بعمل الكروز على 90 وقعد من غير تكييف فى اليومين الحلوين دول النهاردة عامل 170 بنص التانك تقريبا 20 لتر=165 كيلو على سعرة 90 بدون تكييف والله وماتور 1400
دة جدول صغير يبين الاستهلاك الفعلى و طبعا فى احسن الظروف المناخية كالاتى:
داخل المدينة 7.2لتر لكل 100 كيلو
مختلط داخل وخارج المدينة: 5.5 اتر لكل 100 كيلو
على الطريق السريع و طبعا بسرعة 90كيلو :4.5 لتر لكل كيلو
تجربتى على حساب الختيار الثانى 10 اتر لكل 85 كيلو يهنى فرق تقريبا 50% من النتائج اعلاة
هل بعد كل دة العربية مفيش فيها مشكلة
انا معايا عربية الفارميو 1600 موديل 2000 يعنى عربية تقيلة وقديمة وحالتها عادية بالتكييف و الزحمة لاكثر من ساعتين ونصف اثناء الذهاب و الرجع من و الى للعمل اللتر بيمشى معايا 10 كيلو وع سرعات عالية مش 90 كيلو
انا كدة عملت بالنصيحة اللى قالولى عليها و النتيجة استهلاك العربية مع التكييف زى من غير تكييف تقريبا فا ان شاء الله لهم معنا وقفة من اللى هما مش بيحبوها لان الماكبرة فى عدم الاعتراف بوجود مشكلة مصيبة يتحملها اللى يقدر
وربنا يسهل ان شاء الله بحلها لانى مش هقدر ابيع العربية بعد 2000 كيلو اخسر فيها 15 الف جنية.
طيب يا جماعة ما تكتبوا علي صفحة الفيس بوك وتشتكوا علشان يبلغوا الشركة ؟ Kia Motors Egypt | Facebook
أيه يارجاله, أنا محتلر بينها و بين الأكسنت rb
أشتريها ولا أصرف نظر خصوصا ان لحد دلوقتي مفيش تقرير محترم للعربيه في مصر
أرجو الأفاده أيه عيوب العربيه دي و أيه مميزاتها ؟
و هي ولا الأكسنت ٌrb
دى حاجة غريبة فعلااااااااااااا ..
انا بردو اشتريتها بس بتسحب بنزين كتير عن اللى بيطلع على الكميوتر المفروض متوسط 6.5 لتر لكل 100 كيلو بس هيا بتعمل 10 لتر لكل 100 (العربيه مانيوال) وبعدين انا بردو لسه ماشى 700 كيلو بس ومستنى صيانه ال 1000 ..... وبعدين انا اصلا شاريها علشان البنزين دى 1400 يا جدعان بس على فكره انا لاحظت انى لما بشغل التكيف الاستهلاك هوا هوا.........
انا ناوي اشتري الهاي لاين و كنت عايز اعرف عملت اية معاهم في التوكيل صلحوا الستهلاك دة ولا لأ
السلام عليكم يا شباب
لازم زى ما انا اشتكيت من العربية فى الاستهلاك لازم بردة اشهد بالحق انا رحت التوكيل فى ابو رواش علشان المشاكل اللى قلت عليها قبل كدة
الحمد لله استهلاك البنزين اتحسن جدا على الطرق المفتوحة انا اول اختبار كان مع مدير صيانة روكسى فولنا ومشينا 30 كيلو بسرعة 90 الى 100 بالتكييف وكان استهلاك العربية 7 لتر فى 30 كيلو طبعا دى كانت مصيبة.
لكن تانى يوم روحنا ابورواش قابلت المهندسين اللى فى الدعم الفنى و زبطوا الموضوع دة و طلعنا نجرب العربية 100 كيلو على طريق مصر اسكندرية بالتكييف على متوسط سرعة من 90 الى 110 فولنا لحد الزور و مشينا 107 كيلو كان الاستهلاك 7 لتر يعنى ممكن نقول لو 100 كيلو هيبقى الاستهلاك 6.5 لتر طبعا دة فرق كبير عن الاول
الشهادة دة علشان كل واحد ياخد حقة لكن باقى المشاكل للاسف لم تحل.
نتيجة الاستهلاك كويسة لكن داخل البلد النتيجة مفرقتش كتتير لو هتمشى فى زحمة كتتير مع التكييف هتفلس على نص الشهر
والله ان مش بفترى عليهم بس العربية استهلاكها عالى بالنسبة 1400 زيرو و المفروض ان العالم كلة بيحاول يقلل الاستهلاك بس اعتقد العربية دى مش داخل هذة المحاولة.
ردك حيادى و معقول جدا و اتمنى انه باقى الماشكل تتحل و تتمتع بالعربية
السلامو عليكم معلش انت وصلت لحل في موضوع البنزين ده عرفت السبب لانى بفكر اشتريها وهل انت شايف ان هي اوسع من الclio لانى شايف انها كانت معاك قبل وانا كمان معايا clio وهل فيها اي حاجة مش مريحاك تانى غير البنزين افدنى افادك الله
[frame="1 80"]
جزاك الله خير على التوضيح
وان شاء الله المشكله يتم حلها
[/frame]
ممكن صاحب الموضوع يراجع الموضوع ده ويقولنا رأيه:
http://www.nilemotors.net/Nile/29843...re-2012-a.html
و عليكم السلام و رحمه الله و بركاته
موضوع استهلاك البنزين زي ما هو , انا خلاص رضيت بالامر الواقع , زي ما كل ملاك العربيه ما وضحوا فى الموضوع ان استهلاك العربيه فى الطرق المزدحمه (وسط البلد) عالى جدا جدا عن المعدلات الطبيعيه , و فى الطرق السريعه زي اى عربيه 1600 مفيش فرق , و بالنسبه للوسع لا طبعا هي اوسع من الكليو كتير , الكليو عربيه صغيره الريو تقريبا اقل من السيراتوا حاجه بسيطه جدا , فمفيش مقارنه , غير موضوع البنزين ده انا شايف ان العربيه ممتازه جدا بس منصحكش باقل من الهاي لاين علشان وسائل الامان , الفول اوبشن مفيش فيها اى وسائل امان لا abs و لا اير باجز
صاحب الموضوع متأكد انه عمل تحديث و متأكد ان المشكله اتحلت بس انا مسمعتش عن الموضع ده قبل كده الصراحه , بس بالنسبه لموضوع الكتمه ديه بتروح بعد التلين , و لازم تجري العربيه بسرعات عاليه فتره كبيره و هتروح نهائيا
انا كانت معايا نفس المشكله و راحت نهائيا من غير اى صيانه , اعتقد صاحب الموضوع اشتري العربيه حديثا و لو كان استني شويه كانت المشكله اتحلت من غير اى حاجه
استهلاك البنزين لا يحسب بشكل دقيق جداً في فترة التليين او حتى فتره الـ5000 كم وبما ان كلنا عندنا العربية جديد فمحدش هيوصل للرقم ده بسرعة ولو حد وصل يكون عليه عمل الاتي اذا فعلاً عايز يعرف معدل الاستهلاك الصحيح للسيارة
1- بعد مرور 5000 كم على السيارة فول التنك على الاخر وامشي على طريق سريع فاضي مع احتساب المسافة
2- راجع كمبيوتر السيارة او اذهب مره اخرى لتفويل التنك مره اخرى وشوف كم لتر اخدت السيارة من اخر تفويله للتفويلة الجديدة بعد ما مشيت بيها على الطريق السريع الفاضي
انما هتقعد تحسب جوه البلد هتيجي لك حالة عصبية ودي مش مشكلة الشركة دي مشكلة الزحمة والشوارع السيئة عندنا في مصر انما من ناحية الاستهلاك فجرب الكلام اللي قلته لك وشوف
والله الموفق
على فكره انا روحت اكتر من 5 مرات التوكيل عشان عيب البنزين دا وعدم السحب فوق 150 ولم يحل بس شكلى هروح ابورواش اععملهم قتيل هناك ومش لواحدى اكتر من واتحد صاحبى هنا وبره مصر بيشتكوا من العيب دا
ياجماعة انا جايب الريو 2012 وكيل من شهر مايو ورحت التوكيل فى ال 6 شهور دول اكتر من 10 مرات ومرة اخدوا العربية اسبوع بسبب استهلاك البنزين العالى جداااااااااااااااااااا بمعدل 15 لتر كل 100 كيلو وطبعا هما عارفين ان العربية نازلة فيها عيب البنزين لازم كلنا نقف مع بعض ده رقمى ولازم كلنا نتفق 01001028764 ونروحلهم بس نكون عدد كبير
ده معروف وبيكون في تحديث لسوفت ecu انت بشكل عام مش هتحس ان العربية بتستهلك بنزين على انها 1400 هي بتستهلك زيها زي الـ1600 علشان تريح دماغك
ده حقيقى لان العربية فيها عيب تصنيع والمفروض اننا نتفق ونروح كلنا كيا لان المفروض العربيات دى تتسحب من العملاء ويتم تعديلها
ياجماعة انا جايب عربية ريو 2012 وكيل شهر مايو من ساعة ماجبتها راحت التوكيل 10 مراااات بسبب استهلاك البنزين ولاقيت ناس كتير قوى بتشتكى من نفس الموضوع واكتشفت ان التوكيل عارف العيب ده وعارف ان العربية فيها مشكلة وكل مرة العربية تروح التوكيل يقولولى نزلنا سيستم جديد والاقى العربية تستهلك نفس المقدار وهو 15 لتر كل 100 كيلو مع العلم انها 1400 لازم نتفق كلنا ونروح التوكيل ونقف قصادهم العربية نازلة مصر فيها عيب ده رقم تليفونى 01001028764 الى عنده نفس المشكلة نتفق ونكون كلنا مع بعض
انا شايف ان الاستهلاك كانه ١٦٠٠ و العربية نفسها ١٠٩ حصان و دة اعلى من عربيات كتير ١٤٠٠ و عموما في عربيات اقتصادية و عربيات لا و انا شايف ان الريو متعتبرش من العربيات الاقتصادية لكن مش حكاية عيب تصنيع و دة رأيي.
عين العقل وده الكلام اللي بنقوله غير كده طريقة السواقة وظروف العربية والطرق والزحمة والتكيف وكل ده بيأثر على البنزين علشان كده البنزين ليه عوامل كتيره
وقلنا كتير ياجماعة العربية دي مش 1400 ولا في السحب ولا في استهلاك البنزين
انت بتتعامل مع 1600 في استهلاك البنزين وبقوة سحب كبيره من 109 حصان فعلشان كده مش هتحس بالفرق لو انت كنت سايق عربية 1600 بل وهتحس بأفضليه لان التكنولوجيا حديثة
لكن عايز اقول حاجة لله يعني الصراحة انا مشيت 62 كيلو على الطريق مأخدتش حوالي 3 لتر
ولكن جوه البلد غير كده خالص وده برضه طبعاً معروف ان استهلاك جوه البلد اكبر