الموضوع: تنبيه هام عن ريو 2012

المشاركة الأصلية كتبت بواسطة lenovo

بس يا باشا انا لسة مستلم واحدة خليجي اتوماتيك من يومين عملت بيها حوالي 180كم , شاشة البنزين بتاعة تحدبد عدد الكم بتخدع شوية انا حسبتها ازاي , شغلت ال trip عملت بيها 130 كم لاقيتها استهلكت حوالي 11 ليتر لان اجمالي سعة الخزان على اخره 44 ليتر انا معرفش كده كويس جدا بس متأكد انو كدة عادي ... بس ان كنت عايز استفسر منك على حاجة هو دواسة الفرامل عندك بتخبط خفيف اوي ولا انا في مشكلة عندى برغم انه لا يوجد مشكلة في الطنابير

انا كنت فاكرها مشكله زيك , هي بس لما بتكون واقف و مش دايس علي الفرامل اوي هتسمع الصوت ده
جرب و انت واقف دوس سنه فرامل هتسمعه دوس جامد هيروح

شكرا .. فعلا انت نبهتني للموضوع ده .. بس عموما انا عجباني العربية وبستمتع بسواقتها جدا جدا خصوصا ان السيدان منها مش منتشر اوي وهي ملفته للنظر فهيا واخدة من الاوبتيما من ادام والكوبيه شويه من ورا.. وربنا يحفظ الجميع ويكفينا شر الطريق وارجو من الاعضاء الاخرين لو في عيوب او مشاكل نعرضها ممكن تكون في حلول عند بعض منا

يا ترى هل انا ممكن اشغل التكييف ولا لازم استنى اول الف كم والله انا احترت مرة يتقلي كدة ومرة يتقلي عادي العربيات ديه بتيجي متلينة لانها من برة .. الموضوع محيرني وخصوصا اليومين دول الجو حر الصبح اوي

المشاركة الأصلية كتبت بواسطة زيزو الزملكاوى

اخى الفاضل انا متاكد ان دى عيوب فرديه لان السياره معايا ماشاء الله تبارك الله اقتصاديه جدا فى البنزين حاول تروح الوكاله وماتمشيش الا لما يحلو المشكله بتاعتك دى فلوس ربنا عالم الواحد بيجبها ازاى لازم تاخد حقك وابقى طمنا

فعلا احيانا بتظهر مشاكل فرديه لبعض السيارات
ان شاء الله سيارتك تتظبط وتستمتع بيها

المشاركة الأصلية كتبت بواسطة lenovo

يا ترى هل انا ممكن اشغل التكييف ولا لازم استنى اول الف كم والله انا احترت مرة يتقلي كدة ومرة يتقلي عادي العربيات ديه بتيجي متلينة لانها من برة .. الموضوع محيرني وخصوصا اليومين دول الجو حر الصبح اوي

انا نفسي اعرف مين اللي بيطلع الخرافات ديه :)
شغل تكييفك يا عم سيبك من الكلام ده

المشاركة الأصلية كتبت بواسطة lenovo

يا ترى هل انا ممكن اشغل التكييف ولا لازم استنى اول الف كم والله انا احترت مرة يتقلي كدة ومرة يتقلي عادي العربيات ديه بتيجي متلينة لانها من برة .. الموضوع محيرني وخصوصا اليومين دول الجو حر الصبح اوي

تصدق بمين ان انا قبل ما استلم العربية شغلت التكييف وهي كانت عاملة 4 كيلو بس ياعم متصدقش الكلام ده انت مشتري عربية لعبة متخفش انت بس من حاجة والتوكيل عندك في اي مشكلة

ياريت من ملاك كيا ريو2012 يقولوا لنا عيوبها وهل هى افضل ام اكسنت اربى مع العلم اننى معجب جدا بالكيا ريو و صجها اقوى من اكسنت و مرتفعة عن الارض اكثر من الاكسنت

شكرا والله طمنتني ..خصوصا الجو بقى لعنة اليومين دول .. الف شكر