عرض للطباعة
السلام عليكم، الحمد لله معايا بونتو 2009 وعملت بها 40000 كيلو، ولما كلمتهم في التوكيل عرفت أن تكلفة صيانة الاربعين 2500 جنية شامل:
1- تغيير السيور
2- الزيت
3- طقم الكهرباء
حد يعرف إذا كانت الأسعار دي مبالغ فيها وممكن لو عملتها بره يبقى احسن لى، العربية بقالها 3 سنين يعني خلاص كده كده بره الضمان
وياريت لو حد يعرف ميكانيكي كويس ممكن اعملها عنده ياريت يبعتلي على الخاص.
جزاكم الله خيرا
بره هتوفر في حدود 1000 جنيه من ال2500
اشتري قطع الغيار من الكيلاني
واعملها عند اي ميكانيكي شاطر
جزاكم الله خيرا، ما تعرفش ميكانيكي بيشتغل في الفيات في مدينة نصر أو مصر الجديدة، ياريت لو تبعتهالي هنا أو كرسالةاقتباس:
المشاركة الأصلية كتبت بواسطة yoko
أعرف في الحرفييناقتباس:
المشاركة الأصلية كتبت بواسطة abadreamer
واعرف أحسن كتير بس في الجيزة (ولازم أروح معاك عشان مش هتعرف توصله)
ممكن لو وصلت لحل تعرفنا عشان انا كمان محتاج اعمل صيانة ٤٠ ألف
متابع
الحمد لله قمت بعمل صيانة 40 ألف وأنقل هنا التجربة كاملة.
بعد البحث وجدت أن البديل الأفضل للتوكيل هو مركز روكسانا في بنزية التعاون طريق المطار.
الاختيار جاء بناء على نصيحة أصدقاء وقمت بقراءة هذا في المنتديات
قطع الغيار اشتريتها من الموجي في الحرفيين (معاملته ممتازة ولكن يرفض ذكر أسعار في التليفون 26974394):
1- سير كاتينة 160 جنية
2- سير الدينامو (المجموعة) 70 جنية
3- بوجيهان ngk 100 جنيه
4- بلية الكاتينة 350 جنيه من المركز لم أجدها في الموجي
5- تيل فرامل أمامي 120 جنيه من المركز، لم أكن أنوى تغييره ولكن بالكشف وجدناه خلصان
تكلفة الصيانة مركز روكسانا 01006547128 - 01227842442:
150 جنية تغيير سيور + تغيير بوجيهات + تنظيف فلتر هواء (سعر الجديد 80-100)
30 جنيه تغيير تيل
30 جنيه للميكانيكي والمساعد (بقشيش)
لم أحتاج تغيير الزيت
انطباعات عن المركز:
المواعيد بيفتحوا 10.30 والعمال كانوا موجودين في الميعاد بس المحاسب اتأخر شوية وما بيعملوش حاجة لغاية أما يوصل.
مع وصول المحاسب ما عجبتوش قطع الغيار وقالي البوجيهات وسير المجموعة مش بتوعها، اتصلت بالموجي، لم يرضى أن يغيرهم لأنه متأكد من المقاسات.
بلية الكاتينة سعرها 350 الموجي عنده قديمة ب 150.
قلت للمحاسب اشتغل في العربية ولو الحاجة ما نفعتش حاخد منك بدلها، وافق انه يبد سير المجموعة وياخذ 30 جنيه فرق رغم أنهم نفس النوع، ورفض يغير البوجيهات.
الميكانيكي قالي الحاجة كلها بتاعتها وانا عارف المقاسات
الميكانيكي أما اشتغل ركب الحاجة اللي انا جايبها وطلع كلام الموجي صح وكلام المحاسب غلط.
طبعا اتصلت بالموجي اعتذرتله
تيل الفرامل لقاه خلصان كلمني يستأذن يغيره
المعاملة في المجمل كويسة
والميكانيكية مؤدبين جدا
المحاسب رغم تجربتي معاه لكن في المجمل محترم ومؤدب بغض النظر أنه كان حيديني خصم لو كنت انتخبت شفيق وانا كنت انتخبت د. مرسي :)
الشغل خد تقريبا ساعتين ونصف، التوكيل قالولي في التليفون 5 ساعات على الأقل
ما عملتش كشف كومبيوتر تكلفته 50 جنيه والمحاسب قالي مش محتاج طالما مافيش لمبة منورة
الصينانة في التوكيل عبارة عن:
تغيير زيت وفلتر
كشف كومبيوتر
تغيير سير كاتينة والمجموعة
تغيير فلتر الهواء
الف مبروك علي الصيانة
ومشكوررر علي نقل التجربة
تحياتي اخي الكريم ...
ألف مبروك
وشكرًا على الإفادة
طالما بره الضمان يفضل بره التوكيل طبعا